الخميس، 12 أغسطس 2010

*** كيف تخرجين من تجربة عاطفية قاسية بسلام ***

( من أفضل المواضيع إلي قرأتها وأستفدت منها ..   )

   بعد الخوض في تجربة عاطفية قاسية أستهلكت فترة من وقتك ،
    أسئلة لماذا وكيف ؟ لن تفيد .
   لكن تنفيذ هذه الخطوات أو جزء منها..  حيعطيكي قوة اعلى في النفس
                        وقدرة أسرع على النسيان  . 
 
                     ***

1- خذي موعد  لقص شعرك ، وتلوينه .
(( تغيير اللوك لشكل ناعم وجميل .. بيعطي الانثى قوة دافعة لتغيير الوضع  ..  )) .
 2- قومي بفرد ثيابك على الأرض ، وتبرعي بالثياب التي لم تعودي ترتديها.
((  هداياه ، ملابسك إلي بتفكرك فيه ، أغانيه.. شيلي كل حاجة من قدامك .. )).
 3- لاتخرجي من المنزل دون مكياج ، وثياب أنيقة .
4- لاتبكي عند أحد ، وإتصلي على صديقاتك وزوريهم لانهم قوتك الداعمة .
5- إذهبي للتسوق ،وإشتري ثياب جديدة وإستمتعي بالألوان والتنزه دون قيود . 
6- خذي صورة جديدة بمظهرك الجديد 
7- أبعدي الاغاني الحزينة  وإستمعي لاغاني الفرح  .
8- إطبخي وجبة خفيفة جديدة لكِ ، او اقصدي مطعم وتناولي طعام جديد.
9- اختاري فلم عاطفي أحضريه وابكي دون خوف ان ينتقدك أحد .
((البكاء في حد ذاته مش عيب لو كان سببه قرار سليم  .. ))
10- أشتري أغطية جديدة للسرير ودعي بصمتك تبرز معالم غرفتك .
11- اخرجي مع اشخاص آخرين ، وإستمتعي برؤيتهم يدفعون عنك ، دللي نفسك ودعي الآخرين يدللونك .
12- لا تتصلي به في لحظة الضعف ، اشطبي هاتفه وعنوانه من هاتفك وعقلك .
 14- لاتذهبي لأي مكان وحدك ، خذي رفيقة معك .
 (( أخيرا كوني قوية وحدثي نفسك بشكل إيجابي فإنتهاء العلاقة ليس
نهاية العالم ))



هناك 23 تعليقًا:

انثي يقول...

انا فعلا اول ما حصل الحوار رحت الكوافير قصيت شعري بعد مكان طووووووووووووويل بقا قصير اوي ولونته واشتريت هدوم جديدة واتفسحت وسافرت وبقيت اهتم بشغلي او اني اتعلم حاجة جديدة الاكل مثلا البيكاتا بالشامبليون هههههههههههه
استمر معايا المود دة بان حياتي بقت علي منحني جديد لشهور 3 او 4 شهور وهوب نزل النحني الي ادني نقطة
يالا الحمد لله

عاملة اية وحشاني

RAWIAH يقول...

وأنتي كمان وحشاني ياقمر .. جدا جدا ..
انا مبسوطة أوي انه الموضوع خلاكي تتحمسي وترجعي تواصليني ..
بصي المرة الجاية حكتب عن (( طريقة استخدام الهاتف في التواصل بين الراجل والست ))ويارب يارب يكون الموضوع مفيد ..

أنا كمان مبسوطة أوي انك رحتي الكوافير وغيرتي اللوك بتاعك ومتأكدة انك بقيتي قمر ياقمر ..
دا تلاقيه مات من حسرته ههههههه .
وبرافوا عليكي لما اتفسحتي وسافرتي واشتريتي هدوم جديدة ده بيعطي تاثير جامد جدا على النفس وثقة عالية ..
صدقيني أنثى ( الدلو ) قوية فوق ماتتصوري ..
انا عرفت الحاجة دي من (أختي ).
وبالنسبة لمسألة المود إلي رجع .. ده عادي .. حترجع ترتفع تاني حتة الثقة بالنفس ..
لماتبعدي عن الاحباطات ..
والاحباط هو الشخص ده ،ابعدي عن التواصل معاه وجه لوجه وأرسلي حد يجيب لك اخباره من بعيد لبعيد ..
(( أنا بسالك سؤال دلوقتي وانا بغمز لك بعيني ** مفيش حد جديد **))؟

RAWIAH يقول...

أختي وحبيبتي ( أسدية ) :

ممكن تعملي مدونةياقمر ..
أنا عايزة اتواصل معاكي
واستفيد وأقرأ افكارك ..
أنا متأكده انه عندك حاجات هايلة ممكن ؟

انثي يقول...

امممممممممم مفيش امممم انا شخصية مش اجتماعية الحقيقة

وش زعلان :)

نسايم صيف يقول...
أزال المؤلف هذا التعليق.
RAWIAH يقول...
أزال المؤلف هذا التعليق.
RAWIAH يقول...

ياحبيبتي يا ( اسدية ) :

طيب فهميني .. ايه الي بيضايقك في التعليقات عندي ..عشان اضبطه ؟
انا حاولت اخلي التعليقات اسفل الموضوع وتكون واضحة بس ماعرفتش .. لكن قوليلي ايه مشكلته وحدور على حل .
وبعدين عايزة اقولك .. ايه المخ ده ماشالله جبارة.. تعليقك الاخير بتاع الرسنية مع الاسد .. هايل

انا معرفش ليه يااسدية حاسة انه الراجل ده بتاع (صديقتنا نغم ) سرطان .. بتقول بخيل + متردد + بيدور موافقة والدته .. خايفة تكون دخلت قرأت بوست العقرب قامت قايلة بس هو عقرب فهمتي عليا ؟

نسايم صيف يقول...

لا ياحبوبة مافيش حاجة مضيقتني ودا شي بيحصل في اقدع المنتديات والمدونات بس هو شوي بينرفز لاني بكون كتبت من قلب وبعدين بيطير!!يعني مشكلة عالميةهههههه
ماتشيليش هم انتي كان المفروض اعمل بست للتعليق بتاعي علشان لو مزبطش اعيد ارجعة..مش مشكلةاسفل او زي ماهو دلوقتي هياهاهياها!مشكلة نظام مدونتك مش السبب بيها.
مرسي اوي مرسي خالص على رأيك بني :)
اتمنى بجد يضيف حاجة تنفع الاخت نغم
بالنسبة لكلامك عن عقرب نغم فانا لي رأي تاني اولا جايز اوي كلامك يكون صحيح خصوصاان العقرب قديكون من الاول قلها على معلومة وهميةانه من برج العقرب ويكون هو السرطان ممكن يكون معجب بالعقارب والسرطان اساسا راجل مقلد..وجايز يكون هو عقرب بس باباه سرطان فامتأثر بصفات والده بس المفروض يتأثر بالصفات الايجابية مش السلبيةمش كده او جايز يكون متأثر بحد تاني ..زي ماقال بلوجاتي في بوست العقرب..وجايز زي ماقلتي انتي بالضبط يعني رجحت انه عقرب بس عارفة العقرب اصلا سهل انك ترجحي برجه مش قصة كبيرة لانه واضح جدا من تصرفاته واسلوبه وحتى شكله.كمان قد يكون فعلا عقرب بس بيعمل كده لان عاوز يكون قدامها انه مغلوب على امره حتى ماتشيلش في قلبها منه وتدعي عليه ههههههه:)او على الاقل بيحاول انه يتملص بالطريقة دي حتى هي تطفش وتقول حقي برقبتي وتتركه وتبقى جت منها واضح انه مش عارف يوصل لقرار واضح وجرئ سواء ايجابي لصالحهم او سلبي لصالح اهله قد يكون فاكر ان اهله موافقين او ممكن يوافقو وكان متعشم اوي في حببته انها تكون بشخصية تلفت نظرهم بس اللي حصل كان غير كده وبقي مش عارف ازاي يتصرف يمكن مش عايز يتصادم مع اهله خصوصا لو كانو يملكون قوة مالية مش عايز يخسرها محدش يقدر يحكم على الموضوع ده لانه بقي بين عدة اطراف كلها لها ثقل جامد في تحريك الموضوع وعليه بان اخينا قدامنا بالشخصيةالركيكة دي
انا نفسي ان نغم تستخير خصوصا وان احنا في ايام مباركة لعل ربنا يخلصها من حيرتها وتستعيد استقرارهه اضيف يكون اتحط تحت ضغط منجه حببته ومن جهه اهله ومن جه واجبه تجاه كلا الطرفين !ربنا يكون في عونهم هما الاتنين :(

RAWIAH يقول...

( أسدية ):
اعملي زيي ..أكتبي في الوورد وبعدين اعملي كوبي .

(ومدونتك).. كنتي بتكتبي فيها ايه ؟
وعشان محتاجة جو متأمل ..
اكتبي في دفتر صغير الي عايزاه وبعدين نزليه ..
يعني ماتقعديش تتحججي
انا عايزة اقرأ لك .. عايزة استفيد ..
.. يعني اديني أختصارات .. اديني وجهات نظرك ، يابنتي انتي مخك جبار ماتحرميناش حرام عليكي .
وبعدين على حتة انه النصح امانة ..
ماتبقيش خايفة كده .. يعني هو مش كلام منزل من السماء .
والواحد مش حيخسر لما يجرب طرق مختلفة.

((اتمنى كلامي بجد يضيف حاجة تنفع الاخت نغم))
هو حينفعها جامد.. بس هي تطبقه ..
هي مش متوازنة دلوقتي لان كمية العطاء كبيرة هدايا وخروج وفسح وفترة طويلة بتقول سنتين .
كل ده بيأثر جامد في النفس ..

((بالنسبة لكلامك عن عقرب نغم فانا لي رأي تاني اولا جايز اوي كلامك يكون صحيح خصوصاان العقرب قديكون من الاول قلها على معلومة وهميةانه من برج العقرب))
بالضبط ، انا قصدت كده .. انا كنت اعرف شخص قالي انه حمل ..
لما نزل الاستاذ بلوجاتي برج الاسد
لقيته من البرج ده كنت افتح برج الحمل واستغرب انه الراجل مش بيشتكي .. وبعدين حبه للأجهزة الالكترونية حبه للحمه .. الغمازة الي على خده ..اسد وابن الأيه ، قاعد يقولي حمل ؟!!
انا بفكر اسألها ( تكتب تاريخ ميلاده)
وكل كلامك الي بعد كده صحيح..
هي محتاجة تستخير وتجمد قلبها
ولو اتقدم عريس لقطة
تدور على مصلحتها وربنا يكون في عيونها .

أخر سؤال ياقمر .. وماتزوغيش
انطباعاتك ووجهات نظرك عن رجل الحمل.
انا من برج الثور .. واغلب صديقاتي حمل..والراجل والست في البرج ده بيتشابهوا .. انطباعاتك ؟
وعايزة وجهة نظرك وافكارك في الخروج من علاقة قاسية .. انا مش مستعجلة اكتبي على مهلك .

RAWIAH يقول...

موني .. انتي فين ؟!!
أحنا متفقناش على كده .
أحنا اتفقنا انك مش حتقعدي خالص عند بوست (الثور ) ..
تعالي اقعدي هنا ..
عندك بنات قويات ( ثور واسد ودلو وحدور على وحده عقرب وانتي ميزان )
يعني حنعمل تجمع للستات ونطالب بحقوقنا هههههههه

أنتي فين ؟!

RAWIAH يقول...

حبيبتي ( ريما ) :
اديني وجهة نظرك ياقمر
في الموضوعين إلي موجودين ..
ممكن ؟

RAWIAH يقول...

نوسي = أنثى ,,,

أخبارك ايه ؟
أخبار المتنيل على عينه أيه ؟!!

حصل أيه في موضوعنا ؟

انثي يقول...

امممم انا حاولت اقرا مشكلة نغم وحساها مشكلة مكعبلة في حلقة مفقودة مش قادرة افهمها برج العقرب مش استسلامي كدة او انه يظهر نفسه ضعيف حتي لو عايز يتملص من الارتباط هو من وجة نظرة انه مش محتاج يكدب مش محتاج راي حد عنده اكتفاء ذاتي وثقة بنفسة لو بيمثل بيمثل في انه فاهم وعارف كل حاجة

دة نوع في نوع تاني قابلته بعد ما فشل في علاقته ببنت وكان دايما مكسور ومغلوب هي البنت كان بيكلمها ويقابلها وهي مخطوبة ومش معرفاه دة وكانت تشكليه عن اللي مضايقها وكل دة ميعرفش انها مخطوبة اتجوزت وعرف بس كل الكلام بقا اللي بعد كدة انه بيحبها وانه حاسس انه مسؤل عن ضياعها عشان مصارحهاش بحبه

في نوع تالت ودة علي كلام صحبتي كانت مرتبطة بيه كانت ظروفة المادية كويسة جدا وبردوا مقالهاش بحبك ويتقابلوا ويتكلم عن المستيقبل والحياة والاطفال يعني علي اعتبار انهم بيحبوا بعض بس من غير ميقول اللفظ وعرفها علي اخته وهوب حصللتله مشاكل ف الشغل وظروفة المادية راح بعد ميردش ع مكالماتها وفي النهاية قالها انهم صحاب وبعد نهائي هي كمان بعدت بعد فترة رجع يكلمها يطمن عليها ورجعوا اتكلموا وبعدين اختفي تاني ظروفة باظت اكتر ورجع الاسطوانه صحاب وبعدين بعتلها مسج انه عايز يطمن عليها ولو في طريقة يطمن بيها حتي لو بمسج

انثي يقول...

اعتقد انه تتصرف علي ان دة ضدد كرامتها بانها تحس انها مرفوضة وبدون اي كلام تسكت اعتقد الموضوع محتاج منها وقت في انها متقولش اي كلام لان اي كلام بيكون مريح بنسباله اي كان لكن الصمت بيجذبة عشان مبيحبش يبقا فاهم او متفاجأ

وربنا يوفقها

RAWIAH يقول...

صدقيني( أنثى )..
انا اتوقع بنسبة كبيرة انه سرطان مش عقرب .
وكمان صحيح حتة الضعف الي عنده غريبة جدا .. والعقرب مش كده خاااااالص .

وبالنسبة للأنواع الي كتبتيها عنهم.. انا استفدت من كلامك جامد يمكن حتستغربي ..
وبالنسبة للمتنيل على عينه مافيش حاجة اسمها مختفي ( العقرب مش بيختفي )عندك أخبار ومش عايزة تقوليلي.. ليه ؟!

غير معرف يقول...

شكرالتعاطفكن انا نغم
الصراحة تاريخ ميلاد حبيبي 10 -11 يعني عقرب خالص !!!
هوه حسيتو بيتصرف على اساس عايز يطفشني مبيردش على تلفوناتي الا من بين كل 10 مكالمات مكالمة و من بين كل 10 مسجات 2 تقريبا و لو سالت عليه بيرد لو مسألتش بيختفي و لما ارجع اسالو ليه مختفي بيقلي منستكيش خالص كنت ببالي طول الوقت ده قبل ما يقلي عن رفض اهله ... ثم ان امه كانت في الجلسة عادية ما ابدتش امتعاض ... استغربت ... دول معجبتهمش كلمة قلتها عن نفسي اني على قد حالي و اتخذوها نقطة ضدي وجه يراجعني بيها يقلي في وحدة تقول لناس جايين يشوفوها لابنهم انا على قد حالي فيها ايه يا جماعة ؟؟؟ ده حتى اسباب رفضي غير منطقية ... شكلي وشخصيتي ... ثم هو لازم يكون له دور في الموضوع لازم يتمسك بي ... انا كنت زمان لما افتح معاه الموضوع بيتنهد و يضايق و يغيرو مكنتش فاكره المشكلة باهله اصلو قلي انه اعطاهم خبر وكدب ومجبش سيرة انهم رفضوني لاننا نفس العمر خايفة يكون اخترعها من عنده اعرف ازاي!!!
اخر فترة قبل ما يجوو يشوفوني كان بكلمني عن الارتباط وازاي حياتنا لما نتجوز واتفقنا على اسماء ولادنا وكل حاجة ده مفصوم ولا ايه !!! ؟؟؟؟

ازاي اتعامل معاه انا قطعته بقالي شهر وشلتو من الفيس بوك " حظر" يعني بلوك ... و بتابع الصفحة بتاعتو من حساب اخر ميعرفش عنو ... و بشوف بيحط ايه بصفحتو ... مش عارفة هل حينساني بسرعة يا ايادي ؟؟؟ مع كل الحب الي وفرته له ؟؟ كانت بينا مشاجرات عنيفة بس برضو كنا بنرجع بالفترة الاخيرة ... كان عايز مامته تشوفني بمكان عام بناء على طلبها وانا تمسكت برأيي و حقي انهم يجو بيت عمتي بهدوء وفرضت رايي بالاخر ... كان عايز اضحي على حساب كرامتي و ذلك علشان خاطر اهله ويقلي انا بمون عليكي لاكن على امي لأ !!
و بالاخر بقلي مش حنساكي ومش حتجوز بعديكي و اهلي خسروني وانا لو خسرت هخسر الكل ولو كسبت هكسب الكل ايه الافلام دي مدخلتش دماغي !!!

وميردش عرسالة مامتي لما بهدلته و رسالتي كمان ... هو ده طبعه بيطنش و بيستنا ارجعو لكن وربي الي خلقني لو هخسرو المرة دي بجد مش هتنازل عن حقي انه يرجع لوحدو

نغم

غير معرف يقول...

هو عقرب يا بنات 10-11

لاكن فيه غموض و صمت عجيبين انا بكرر اخر تعليق علشان اعطاني رسالة انه طويل فبتوقع انه متنشرش

هو كان اخر مرة بتهرب و يتملص من محادثتي و يماطل و يتحجج انه بعد علشان الظروف والماديات

لكن بالاخر بعد ما كنت اسيبه 5 ايام و ارجع اسألو يعترف انه اهله رافضيني ...
هل من الممكن انه كان عارف انهم رافضيني وجابهم تحصيل حاصل علشان تبان صورته قدامي كويسة ؟؟؟
هل من الممكن انه عايز يكسرني علشان كنت بقله ان مامته مش من حقها ترفضني لسبب العمر بدون ما تشوفني و هو افتكر اني بكره مامتو فبقى عايز ينتقم مني و يعيشني بحالة فقدانه ؟؟؟
هل من الممكن انه بيتهرب من الارتباط مش عارفة نفسي نفسي اعرف علشان مترددش بقراري انا قطعته ومن شهر وعملت بلوك علفيس بوك

نغم

غير معرف يقول...

و براقب بيعمل ايه على صفحتو من حساب وهمي لي باسم مستعار اخر و هو مش بيعرف ... دخل مبارح وحط تعليق انه حاسس احساس غريب ... وكان وضع اغنية حزينة " شبدنا نساوي العمر رايح " لو تعرفوها ؟؟؟

حاسه انه بيدفعني ابتعد عنه و لذلك كان مستني اني اطفش و الا كان رجعني صح ؟؟؟
يكنش ناوي يتركني و متردد وعايز يشوف نفسو ازاي حيعيش ببعدي ويقرر بعدها ؟؟؟

هو ليه مصارحنيش انه لازم نترك بعض ؟؟ هو ليه مرة لما سألتو حتتركني قلي مقدرش؟؟؟

هو ليه كده خيبة ومش عارف يتصرف هو الي بيصرف علبيت مع باباه لكن هو اكتر ... و اهله متخلفين الحقيقة ومتزمتين لكن مفروض يبقاله شخصية عرفني على اخته وكانت لذيذة ... و كان بيخطط لشغله الخاص علشان خاطر زواجنا ... و بالاخر يخذلني انا تعبت هل ممكن بعدي يغيرو ويحسسو بقيمتي ؟؟؟ بلوجاتي بيقلي ده عقرب مش دلو ومش حتفرقي معاه و حينسى ومش حيوجع راسه وحيكبر دماغ رايك ايه يا اياديييييييييي

نغم

RAWIAH يقول...

يا(نغم ) فضفضي زي ماانتي عايزة .
الفضفضة دلوقتي حتريحك جدا ..
صدقيني انا ثور وعنديه زيك ومريت مرة بنفس ظروفك .. وحاسة بكل الي انتي بتحسي بيه. ومقدرة مشاعرك جامد وشايفة انه مايستاهلكيش وانتي حاسة بكده لكن ده اثر الصدمة ..
وعارفة ومتاكده انك حتخرجي من التجربة دي اقوى من الاول بكتيير زي ماهي عادة كل انثى في برج ترابي ..
احنا هنا كلنا .. انا وأسدية وانثى وموناليزا واقفين جنبك وبنقولك كوني قوية ولا يستاهل منك حتى انك تراقبيه .
ومش مستاهل انك تبصي حتى فيه ، ولو رجع قالك مامتي عايزة تشوفك قوليله انا مش حشوفها وماعنديش وقت اضيعه ومتقدملي عريس لقطة احسن منك بألف مرة وانا وافقت عليه .. وسلام يابتاع ماما .
والجملة دي عجبتني موت موت منك ((لكن وربي الي خلقني لو هخسرو المرة دي بجد مش هتنازل عن حقي انه يرجع لوحدو))
كده ياشديد تعجبيني .

غير معرف يقول...

شكرا يا حبيبتي يا ايادي انا بجد تحت تأثير صدمة وبدعي ربنا ييسر اموري بس تعرفي لسا بحبو مش عارفة يمكن دلوقتي تعتقدي اني هبلة بس متاملة يرجع ويتصلح الي كان في امل يا ترى ؟؟؟

مش معقولة اول مرة ابعد عنه بالشكل ده وهو ولا على باله

تفتكري لو جلست مع مامتو حتنازل بدون نتيجة ولا حلاقي حل ؟؟؟

انا مش جريئة لدرجة اني اقلو جاني عريس و روح حسب الموقف يعني لو حسيتو راجع يلعب بي بدون زواج مش حرد و لو حسيت انه ممكن اشوف مامته وتتغير نظرتها لي معرفش يمكن اضعف بس بعد ما انشف ريقه علشان ميفتكرش اني متاحة قدامه ...ده اول حب ليا يا ايادي رغم اني 25 كل الي قبلو كانت اوهام

هو شدني ليه برقته هو مش حلو انا احلى منه و عادي جدا بس شخصيته اذابت جليدي ...

ايادي ارجوكي ...هل ينفع لو دعيت برمضان وربنا استجبلي نرجع ؟؟؟؟ من تصرفاته تعتقدي انه شاري ولا بايع ؟؟؟ مش هزعل من الحقيقة ...انا تهت خلاص ومش قادرة احلل الموقف ومش عايزة ادعي اني قوية ... لكن بروده و كأنه اعتاد انا ارجع و اجري وراه والحق علي في دي ...او كأني مش فارقة معاه خالص مش عارفة ...


نغم

غير معرف يقول...

صحيح انا بعتله اخر مرة ان انت كداب و بتدعي ان اهلك السبب و بتتحجج بيهم و خدعتني ومن هذا الكلام ومش عايزة اشوف وشك ومردش تفتكري ليه ؟؟؟؟؟؟؟؟

نغم

غير معرف يقول...

ام حمدان بتعتقدي لو هو مش عارف يتصرف في مجال انه يعرف بعدين ؟؟؟ انا غيرت فيه طباع كثيرة واشتغلت عليه كان خام كان بخيل و غير مسؤول بالفترة الاخيرة اصبح كريم مسؤول ... بعد كل التعب الي تعبتو عليه ... صبرت وصبرت و بالاخر يحصل كده ؟؟؟ رايك ادعي و انا بدعي برمضان حاليا " كل عام وانتن بخير" و استنا اشوف ايه ردة فعله ؟؟؟

تفتكري شخص ضعيف الارداة امام اهله لو فقد حبيبته كعقرب ازاي هيتصرف ؟
1- يتركها و ينسى و يكبر دماغه؟
2- ولا يرجعها و يتخذ قرار انه يتمسك بيها و يحارب و ينضج خلال فترة الفراق ؟؟؟

نغم

RAWIAH يقول...

( نغم )أنا وأنثى بنعلق في اول موضوع
وهي تركتلك تعليق هناك.. اطلعي شوفيه .
وانا كمان حتركلك تعليق هناك.