رد ..

السلام عليكم ورحمة الله وبركاته 

وكل سنة وانتوا طيبين ...............

(ازيك ايادى)

كويسة

(انا ميرا من مصر)

اهلا بيكي

(محتاجة نصيحة ضرورى جدااااااااااااا)

اتفضلي

(انا اعرف عقرب بقالى سنة و من اول معرفنى حبنى جدا و اتقدملى بعد اول شهرين)

 وبعدين ؟

(انا بنت قوس و مش بحب اللف ولا الدوران و كنت بتعامل مع طبيعتى و كان دايما عندى مشكله مع البرود)

ده مش برود – احتمال يكون زهق منك

(بعدت عنه اول شهر 5 اللى فات و قلتله انت متغير و هاسيبك الشهر ده تخلص مشاكلك و نرجع نتكلم.)

انتي ليه بتديه خبر؟؟ كنتي انسحبتي بشويش وشغلتي نفسك بحاجة تانية

من غير تهديد

(هوا قبل الشهر ده كان عنده مشاكل مادية كبيرة و كنت كل ما احاول اناقشه فيها او اساعده يتنرفز و شايف انى بضغط عليه فعشان كده قررت ابعد)

هو زهقان منك فعلا

(اتضايقت قوى عشان لما قلتله هابعد شهر رحب جدا بالفكرة و كان بارد و متكلمش فعلا شهر كامل)

تصرفه طبيعي 

(و انا كنت غبية و كلمته فعلا بعد شهر رغم بروده و لاقيته بارد اكتر و بيحاول يقولى بكلام غير مباشر انه كده مرتاح)

اممممم 

( و هوا لوحده عشان انا بضغط عليه و للاسف بكيت بشدة قدامه بس مقاليش كده)

 - بقيتي انثى غير جذابة اطلاقا

بتتسولي الحب والعاطفة منه – وبتستعطفيه

(بعديها بيوم كلمنى و قالى انه بيحبنى و عايزنى معاه وانا رجعت عادى برضه زى الهبله)

: )

(المهم هوا مش عايز يبعد و فى نفس الوقت بارد)

ماتضغطيش عليه في التواصل معاكي 

وسيبيله مساحة 

. (احنا بقالنا اسبوع متكلمناش و كنت ببعتله كلام على النت يشوفوا و مايرودش)

سيبيه مع نفسه لحد مايرجع 

(فانا بطلت ابعتله)

الحمدلله  -اشغلي نفسك انتي كمان وماتركزيش عليه 

(هوا جه اول امبارح لقيته اتكلم على الموبايل ماردتش)

عادي مش مشكلة 

(بعتلى رسالة برضه ماردتش. امبارح برضه كلمنى مرضتش بعتلى انا عازمك على الفطار انهاردة شفت الكلام و ماردتش)

انتي مش حتستحملي طبعه 

هو عايز وحدة مشغولة مش تخنقه 

وانتي عايزاه يفضل جنبك 

وكده مش حينفع 

انا بس عايزة اعرف كام حاجة

اول حاجة هوا بيحبنى ولا لا ؟

هو بس شايفك بتبعدي واللعبة عجبته – اول ماترجعي تدلقي وتظهري الحب حيرجع بارد وزهقان تاني

فكوني خفيفة ظريفة وبلاش تلزقي اوي 

(تانى حاجة الاسلوب الصح معاه ايه عشان تعبت ؟)

الأسلوب الصح - انك ماتلزقيش اوي 

والافضل طبعا انك ماتتكلميش في تلفونات لحد مايبقى جاهز تماما للجواز

اوعي بعد كده مرة تانية -تهددي الراجل انك حتسيبيه

او تتسولي العاطفة وتقعدي تبكي عليه

او تدلقي نفسك وتلزقي فيه لحد مايزهق ويتخنق 

(تالت حاجة انا كرامتى وجعانى قوى و نفسى لو اتكلم انهاردة ارد عليه و اشتمه و اهزقه و ارجع جزء من كرامتى)

 ده أسلوب الانسان الضعيف

اذا مش قادرة تعملي ( كنترول على نفسك ) وماتلزقيش 

 ومش شايفة انك سعيدة يبقى 

دوري على حد جاهر وظروفه كويسة بس من غير ماتشتميه لانك مش حتكوني مرتاحة لما تعملي كده 

(ده هببقى عادى ولا ما ارودش برضه ولا ارد ببرود ولا ايه؟)

يا اما تكوني وسط يا اما تبعد ي خالص 

و شكرا جدا :)

اهلا بيكي 

قوسية