(( فضفضة ))

((الجنس الناعم .. ورجل برج العقرب))

الموضوع ده عبارة عن فضفضة  

بينا احنا العضوات والصديقات داخل المدونة

بنحاول فيه نتوصل

لحلول وأجوبة شافية

لكل

مايثير الحيرة في اذهاننا عن هذا الرجل ..؟!!

و نتعرف على الطريقة الصحيح لكسبه

وادارة العلاقة بشكل ناجح والخروج بها

للسعادة الحقيقة ..

كل المحبة

 وgood luck

 للجميع ..

(لأبتزاز العاطفي / سوزان برادفورد)

أحمد وليلى اتنين بيحبوا بعض

اول مابدأ مشروع الجواز يظهر بينهم

بدأ احمد يتغير " كل تصرفاته وسلوكياته تجاه ليلى اتغيرت "

كأنه عايز منها تثبت نفسها ...........

طلب احمد من ليلى تعمل حاجة 

وبرر الموضوع ده بأنه عايز يتأكد من مراته  .

وانه حيجتهد في الزواج لكن ماتنتظرش منه يعمل حاجة اكتر .

العلاقة بينهم بقت زي اللعبة..

استمر أحمد في التواصل معاها وفي نفس الوقت بيختبرها

واذا كانت مثلا عايزة تخرج مع صديقاتها بيقولها انا مش بحب

 كده ويمكن بلاش نستمر في الجواز ..

ولو اتكلمت انها عايزة تسافر ولا تشتغل يقلب الموضوع انها

 مش مخلصة له وانه جوازهم ممكن يكون غلطة .

و ليلى بدأت تستسلم ..وكانت بتقول دايما احمد شخص كويس بس يمكن خايف وعايز يحس بالامان.

هوكان بيستخدم رغبتها الملحة للزواج وحبها له .وكانت هي بتتراجع لانه لما بتعمل كده هو بيبقى سعيد .

بعد فترة بدأت ليلى تحس بالاحباط..وان كل الي بتعمله بيرضي رغبات أحمد ، ورغباتها هي مالهاش وجود.

...................................................

غالبا بيحصلنا زي الموقف دي مع شخص  مقرب من حياتنا

قد يكون من:( الاصدقاء ، او احد الوالدين ، او احد الشركاء في العمل ، او الاقرباء  )

ووقتها بننسى اننا اشخاص فعالين واننا ناجحين الا اننا مع الاشخاص دول بنكون

مرتبكين ومسلوبي الارادة .وبنبقى في حيرة من امرنا وبنستسلم  ونتنازل عن الي احنا عايزينه ... !! 

 والأشخاص دول بيتميزوا بتلات حاجات  :

1- المناورة والمهارة .

2- الالفة .

3-إلقاء اللوم .

.....................................

( يعني ايه ابتزاز عاطفي ؟ ) :

 يعني شكل من اشكال الاستغلال

بيعمله شخص مقرب مننا عن طريق التهديد

(ممكن يكون بطريقة مباشرة وممكن يكون بطريقة غير مباشرة )

و الشخص الي بيستخدم النوع ده :

بيبقى عارف مدى تقديرنا لعلاقتنا معاه ، و مدى قابليتنا للجرح .

و بيعرفوا اسرارنا الدقيقة .. وهما مش بيهتموا بمشاعرناوبيخافوا انهم

 مش حيوصلوا للي عايزينه يقوموا يستخدموا الطريقة دي .

مثلا :* لو كنتِ بتفتخري بنفسك انك كريمة وعطوفة ممكن المبتز

 يتهمك بالانانية والامبالاة اذا لم يتحقق مايتمناه .

*لو كنتِ بنت مش بتخرج في مقابلات وفسح ممكن يتهمها بانها دقة قديمة

وانه حيلاقي غيرها ...... وهكذا .

المبتز بيجعل من المستحيل علينا اننا نشوف طريقة الاستغلال.

وده لانهم بيدخلونا في جو يشبه الضباب وممكن ندافع عن انفسنا 

 لكنهم عارفين اننا مش شايفين بوضوح  .

(وكلمة الضباب = الارتباك الي بيحصل داخلنا .) وهي تعني : ( الخوف – الالتزام – الذنب )

ودي الادوات الي بيستخدمها المبتز .

...........................................................

القائمة دي بتوضح اذا كنتِ شخص بيتعرض للأبتزاز في علاقاته او لا:

                           ***

 هل يقوم الشخص المبتز في حياتك بما يلي :

1- يهددك بأن يجعل حياتك صعبة اذا لما تفعلي مايريده منك ؟

2- يهددك بانه سوف يؤذي نفسه او يهملها او يصيبه اليأس اذا لم تفعلي مايطلبه ؟

3- يرغب في المزيد دائما بغض النظر عن مقدار ماتقدمينه ؟

4- يؤكد باستمرار بانك سوف تستلمي له؟

5- يتجاهل او يتغاضى عن مشاعرك واحتياجتك ؟

6-يعطي وعود كثيرة ونادرا مايحافظ عليها ؟

7- يصفك بالانانية والسوء والطمع والتجرد من المشاعر والامبالاة اذا لم تستسلمي لهم؟

8- يغمرك بالاستحسان عندما تستسلمي له ويحرمك عند تعارضينه ؟

9- يستخدم المال كسلاح للوصول الى مراده ؟

10- اذا اجبتِ بالايجاب على سؤال واحد على الاقل من الاسئلة دي  .. 

يبقى انتِ هدف للابتزاز؟

للحديث بقية .........

                                      **حرووووف متقاطعة **

1- الرجل لا يحب ان تكون الفتاة ذات خبرة سابقة .. .
(عشان كده بلاش تقعدي تفصيليله عن كل واحد مر في حياتك )



2- بنشوف رجالة فشلوا في علاقة سابقة وبدأوا علاقة جديدة فبنلاقيه
يشرح ويقارن بين الاتنين فمتسمحيش بكده  .



3-يفضل ان لا  تثيرالفتاة   شفقة الرجل بقسوة حبيبها السابق وتركه لها ..لانه غالبا سيقوم بنفس الشيء  .


3- الخبرة والحنكة في استخدام رسايل البريد الالكتروني تظهر حماسك
وتحافظ على التواصل بينكم فلا مانع من ان ترسلي له سطر كل فترة .


4- لا تستخدمي النكات كثيرا او ترسلي 5 رسائل في اليوم فهذا يعني بالنسبة لكي
 انني افكر فيك وبالنسبة له هو محاصر ولن يستطيع الهروب .


6- لاتلزمي نفسك بامور أكثر من اللازم .


7- لا تظهري حماسك وتلهفك كثيرا .


8- حافظي على عنصر الامان.. تواعدي معه في مكان عام ولا تختلي به الا بعد الزواج .


9- لا تهملي زينتك واناقتك قبل لقائه ..


10- لا تبقي طوال الليل متيقظة قبل موعدك معه حتى لا تبدين مجهدة وتصدري احكام خاطئة .


11- لا تذكري الكثير من المعلومات الشخصية عنك بشكل زائد عن الحد .


12- ابقي الحوار ايجابي وخفيف .


13- في حالة ارتباطك من قبل لا تتحدثي عن خطيبك كثيرا وإلا سيظن انك لا زلتي متعلقة به .


14- لا تهاجميه وهو يتحدث .


15- عند الحديث عن المشاكل ركزي في الحاضر وليس في الماضي .


16- لاتكذبي .

17- اذا لم تجدي فيه مايناسبك فتاكدي ان هناك غيره وانك ذكية عندما تركته .


18- لا تتشاركي مع الشخص الأخر عيوبك ونقاط ضعفك ومشاكلك الشخصية في بداية العلاقة
لانه يمكن استخدام ذلك ضدك عند اول سوء تفاهم.

19- في كثير من الاوقات يحاول الطرف الثاني ان يمتحن العلاقة وهذا يأخذ اشكال كثيرة ممكن
يتراجع او يفتعل شجاراو حتى ان يثير غيرتك او يغازل شخص اخر فاذا حصل شيء مثل ذلك :
فيجب عليكي ان تستخدمي (الثقل) فغالبا هو يريد ان يعرف هل انا حر ان اترك هذه العلاقة
وقتها لا تتمسكي به وتطالبيه بالرجوع .



20- هناك اشخاص عاشوا طوال حياتهم من غير ارتباط بسبب انهم لا يعرفون كيفية اتقان الثقل وقت الامتحان .

21- معظم العلاقات التي تستمر اكثر من سنة وتكون مستمرة في طريق الارتباط تواجه الامتحان الاعظم وهو :
 ان احد  الطرفين يقرر ان ينهي العلاقة والشخص المرفوض يحتاج في هذا الوقت ان يعرف طريقة معالجته
 للامر هي التي ستحدد مستقبل العلاقة .


22- في اوقات كثيرة قد يتصالح الطرفين ويتزوجان ولو لم يحصل ذلك فمهما تذلل الشخص او ترجى الطرف الآخرللعودة فهو لن يعود فلا تهن نفسك .

23- مهم جدا جدا : تجنبي العلاقات الجنسية مع الرجل فهو لا يحترم المرأة السهلة وهي لا تحترم الرجل
الذي لا يفكر الا في هذا الشيء .

24- تعلمي تعلمي تعلمي ان تقولي : لا .

  

( الاسبوع ده حنتناقش احنا البنات: عن الاسلوب الصحيح للتواصل بين أي اتنين في بداية تعارف ..)

عايزة أقول بس انه وسائل الاتصال الايام دي بسبب كثرتها بدأت تمثل تحدي كبير

واصبحت امكانية التواصل بين الناس كثيرة جدا .
........................

*لنفرض إنك قابلتي شخص كويس  في الشغل او عن طريق الاهل او بأي طريقة تانية وحصل بينكم اعجاب ولقيتي ظروفه مناسبة وفيه إحتمالية للأرتباط  ....تعملي ايه ؟!*

 أول حاجة: مهما بلغت درجة إعجابك وهيامك بيه لازم يكون عندك خطة عشان يمشي الموضوع ناحية الأرتباط .والخطة دي لابد تكوني فيها محددة خصوصا ((تصرفاتك وسلوكياتك))،

 وتوجهيه ناحية الطريق إلي انتي عايزاه. مش تسيبيه هو يوجهك .

ثاني حاجة : ( حنتكلم شوية عن التواصل بينا احنا البنات .. احنا بنتكلم مرتين تلاتة في اليوم ومافيش أي مشكلة بس عند بعض الرجال بيبقى الوضع عندهم العكس ..والحاحك في الاتصال عليه ممكن بجيب نتيجة عكسية يعني بيديه فكرة انك يائسة وحتموتي عليه وحتى لو كانوا البنات  بيعملوا كده انتي مش زيهم انتي مختلفة عنهم وكل إلي عايزه تعرفيه  : هل هو قد الثقة انك تقدميه لأهلك  وهل حينفع يبقى زوج )

ثالث حاجة : اتصالك عليه في الشغل او على موبايله يوميا اكتر من مرة او في الاوقات المتأخرة في الليل .. بيدي عنك فكرة مش كويسة خصوصا آخر الليل .. لانه كده حيفكر يستغلك حتى لو ماكنش من النوع ده وانتي كده كأنك بتديله الضوء الاخضر ..

حاولي تختاري الاوقات الي تخليه يحس انه بيتكلم مع بنت ناس مش وحده بتلعب .

يعني مثلا كلميه في الصبح  او في فترة المساء الى الساعة 10 بالليل
وهو حيسالك يقدر يكلمك إمتى .. قوليله على الوقت إلي يناسبك

مش يسألك وتقوليله كلمني في أي وقت يقوم يحس انك متاحه ومتوفرة قدامه .

.. ولو طلب يكلمك في وقت متأخر اعتذري وفهميه  انك نايمة يمكن يكون بيختبرك .. ولو اتصل ماترديش

ولو عايزك ضروري يبعت رسالة .

رابع حاجة : لازم أول ثلاث شهور من العلاقة .. تخليه ياخذ زمام المبادرة يعني كل اتصال منك يقابله اتصالين على الاقل منه .. وبكده حتعرفي مستوى اهتمامه بيكي ،وحتخليه يتحمس يتخذ خطوات فعليه ناحية الارتباط ، لو شفتي سؤاله عنك بدأ يخف ( إبعدي) .. يمكن يكون عايز يشوف هل حتندلقي عليه وتستمري معاه  من غير إرتباط او لا ؟

 وماتقعديش مراقبة الموبايل وحاطاه في جيبك ولا شيلاه معاكي في كل مكان  ومن يوم ما يرن تردي .. ماترديش الا بعد الرنة الخامسة او اكتر وحتى لو سألك مش بتردي ليه ؟ .. طلعي اعذار ماتخليهوش يحس انك قاعدة ماعندكيش حاجة تعمليها الا تنتظري مكالمته .. كده راح تتعبي معاه .

خامس حاجة : لو جاتك رغبة ملحة تكلميه او تسمعي صوته ، وآخر مرة كنتي انتي إلي مكلماه .. تعملي ايه  ؟ 

 تعاملي مع رغبتك دي كأنها رغبة جامحة او طاقة او شحنة ودوري على حاجة تانية تعمليها..

مثلا: اتصلي على اخوكي ابوكي صاحبتك .. اطلعي امشي هرولي اتفرجي فيلم .. اخرجي اقعدي مع اهلك يعني سيبي الموبايل في مكان بعيد وروحي اعملي حاجة تانية .

سادس حاجة : اول اتصال ليا مع شخص .. مش بعطيه أكتر من 10 دقايق ومش بقوله كده لانها تعتبر قلة ذوق ..لكن بعد مايتصل بشوية بعتذر بحاجة مهمة وبقفل الخط ، والحاجة الوحيدة الي تخليني اطول في اول مكالمة هي : خفة دم الشخص يعني لو كلامه بيضحكني ..  وجهة نظري انه الانثى لازم تكون مدللة والرجل بيحب العطاء وبيحترم جدا الانثى الي عارفة قيمة نفسها  ..

سابع حاجة :  مش بحب استمر في مكالمة.. نقعد انا والطرف التاني فيها (ساكتين) .. و لو حصلت  ..بقفل الموبايل على طول

 .. 

ولنفرض انك اتصلتي على الشخص وظهر انه مشغول او في وقت مش مناسب ولقيتيه عايز يقفل.. تعملي ايه ؟ على طول اقفلي انتي الاول وقوليله عندك حاجة مهمة وحتكلميه بعدين .. يعني اتصرفي بسرعة

بكده مش حتلاقي نفسك محرجة معاه   .

* فيه حاجات كتير تقدر تجذب بيها البنت ، الرجل للأرتباط .. واهمها تكون البنت عارفة هي مين وعايزة ايه ؟

اخيرا : اي سؤال أو وجهة نظر أو فكرة جديدة من أي أنثى جميلة أو صديقة عزيزة تدخل هنا .. .

حكون سعيدة بيها ..

*** كيف تخرجين من تجربة عاطفية قاسية بسلام ***

( من أفضل المواضيع إلي قرأتها وأستفدت منها ..   )

   بعد الخوض في تجربة عاطفية قاسية أستهلكت فترة من وقتك ،

    أسئلة لماذا وكيف ؟ لن تفيد .

   لكن تنفيذ هذه الخطوات أو جزء منها..  حيعطيكي قوة اعلى في النفس

                        وقدرة أسرع على النسيان  . 
 

                     ***

1- خذي موعد  لقص شعرك ، وتلوينه .

(( تغيير اللوك لشكل ناعم وجميل .. بيعطي الانثى قوة دافعة لتغيير الوضع  ..  )) .

 2- قومي بفرد ثيابك على الأرض ، وتبرعي بالثياب التي لم تعودي ترتديها.

((  هداياه ، ملابسك إلي بتفكرك فيه ، أغانيه.. شيلي كل حاجة من قدامك .. )).

 3- لاتخرجي من المنزل دون مكياج ، وثياب أنيقة .

4- لاتبكي عند أحد ، وإتصلي على صديقاتك وزوريهم لانهم قوتك الداعمة .

5- إذهبي للتسوق ،وإشتري ثياب جديدة وإستمتعي بالألوان والتنزه دون قيود . 

6- خذي صورة جديدة بمظهرك الجديد 

7- أبعدي الاغاني الحزينة  وإستمعي لاغاني الفرح  .

8- إطبخي وجبة خفيفة جديدة لكِ ، او اقصدي مطعم وتناولي طعام جديد.

9- اختاري فلم عاطفي أحضريه وابكي دون خوف ان ينتقدك أحد .

((البكاء في حد ذاته مش عيب لو كان سببه قرار سليم  .. ))

10- أشتري أغطية جديدة للسرير ودعي بصمتك تبرز معالم غرفتك .

11- اخرجي مع اشخاص آخرين ، وإستمتعي برؤيتهم يدفعون عنك ، دللي نفسك ودعي الآخرين يدللونك .

12- لا تتصلي به في لحظة الضعف ، اشطبي هاتفه وعنوانه من هاتفك وعقلك .

 14- لاتذهبي لأي مكان وحدك ، خذي رفيقة معك .

 (( أخيرا كوني قوية وحدثي نفسك بشكل إيجابي فإنتهاء العلاقة ليس

نهاية العالم ))

ماهي أسباب وقوع الفتيات في فخ العلاقات الطويلة ؟

أول موضوع أخترت أكتب عنه هو موضوع مهم للبنات :


    (( الوقت ×  العلاقة   ))


كلنا نعرف أهمية الوقت وقيمته ..
قرأنا عنه في الكتب ودرسنا عنه في المدارس
و كثيرين على فكرة يباخدوا دورات في فن إدارته ..
بس لما الوقت يتعلق بالحب ..
**ننسى كل إلي درسناه..**
            * * *

بدأ يحز في خاطري ال3 سنوات الأخيرة ..
لما تمر عليا قصص لصديقات مقربات أو غير مقربات دخلوا علاقات عاطفية
لانهاية للوقت فيها ..
بالفعل زى ماقرأته :  ((الوقت ليس له نهاية ..))
يعني ممكن يسافر حبيبها للخارج وتظل مستمرة في حبه
وقد تصل إلى أنها ترفض الزواج !!
و ممكن يخبرها بعدم رغبته بالزواج 
و تنخطب أو تتزوج من شخص آخر  وتستمر في حب الأول !!
***
(أتذكر لما كنت ببداية العشرينات ودخلت أول علاقة عاطفية في حياتي
وخرجت منها بقلب محطم ودموع غزيرة ..
فكرت مرة  احسب الوقت إلي استثمرته فيها ..)
تتوقعوا كم يا ترى؟!!

اسبوع ؟     شهر ؟     سنة ؟
لا.. أكثر
انا أعطيت من وقتي في هذه العلاقة (سنة و6 أشهر )
مابين حب وقلق واهتمام..
وبعد العلاقة سنة أيضا
مابين الم وحزن وتفكير في أسباب فشلها ؟
يعني مجموع حاصل الوقت الي تأثرت بيه من هذه العلاقة هو ( 3 سنوات تقريبا )
 * * *
أكيد أغلب إلي حتقرأ كلامي حتسأل  ..
 ايه يعني 9 شهور أو سنة انا اعرف ناس ظلوا في علاقة حب
3 سنوات و7 سنوات ..
صحيح كلامها , بس النتيجة :
ذكريات كان المفروض تكون جميلة
صارت حزينة ..
مشاعر كان المفروض توفير حيز كبير منها لشخص جاد فعلا
راحت هباءاً منثورا ..وغير ألم فشل العلاقة خصوصا لو انتهت بفراق
يظل الشخص بعدها غير قادر على الحب مرة أخرى فترة طويلة .
وغيرها من الأمور.....
 ***
(أحنا البنات وبشكل عام .. نفكر انه كل ما أعطيت حبيبي وقت أكثر
كل مادل هذا على حبي له أكثر .. والمصيبة انه إلي بيصير العكس
قيمة البنت بتقل وقيمة حبها أيضا بتقل ونظرة البنت لفارس احلامها -لو ماكان صادق- بتعطيها صدمة   .
هذا غير أنه طبيعة الرجل بيميل ويقدر الأنثى قليلة العطاء .. ويحس انها كنز ..
حتى لو انتهت العلاقة بيظل نوعا ما يعاني حسرة ..
لو كان الحب حقيقي من طرفه .
* * *

اغلب النساء الناجحات في إدارة حياتهم وعلاقاتهم ..
 تعطي من وقتها مايناسب الموقف والوضع والشخص ..كيف يعني ؟!
يعني جزء من الوقت لنفسها ..
وأشدد على كلمة نفسها يعني هي( أولا )
ثاني جزء لشريكها ..
وبعد كده يتوزع الوقت على باقي الأمور المهمة
مثل الأطفال – العمل - الأهل ..  والخ
بعض النساء والبنات الوضع عندهم معكوس ..حبيبها أو شريكها أولا ..ثم عملها ثم أطفالها -لو كانت متزوجة -ثم أهلها وفي آخر مرتبة تكون هي ..

***
(البنت كل ماكانت في أمور حياتها ..
  وبلا استثناء مهتمة بسعادة نفسها ومصلحتها..وقيمة وقتها .
 كل ماخرجت بأقل قدر من الخساير ..حتى لو مأنتهت الأمور بالشكل المأمول وأصابها بعض الحزن .. )
            * * *
حابه انهي كلامي بدعوة للنقاش ..من أي أنثى تتفضل وتزور مدونتي ..
((ماهي اسباب وقوع الفتيات في فخ العلاقات الطويلة في الحب من وجهة نظرك  ؟))

مرحبا لكل الزوار ..