* حب الذات أو كوني كما أنتِ *
*عشان تقدر البنت تنجح في علاقة حب أو زواج أو عمل لابد يكون صلب هذه العلاقة   هو * علاقتها بذاتها *
*أكثر علاقة إثارة وأهمية في الكون وفيها تحدي وبتحتاج تطويرهي 
* علاقتك بنفسك*
وطبعا من المذهل انك تلاقي شخص يحب شخصيتك زي ماهي .
*((يعني مركز القوة في جميع العلاقات يتمحور في كلمة وحدة ..هي)): 
                                *أنتِ*


*والبنت إلي بتلاقي نفسها في بداية هذا الوضع :

( القلق ، التوتر، الشكوى المستمرة، تكثيف الاتصالات والهدايا ، الحيرة.. الخ   )
*لابد تعمل ستوب وتشيك على العلاقة من جديد .. وقصدت  بكده أنها تخرج من محيط العلاقة وتبتعد فترة وتبدأ تحاسب نفسها .. تشوف كمية العطاء وصلت لحد فين :
1/مين بيهتم بالتاني  أكثر ؟
2/مين بيتصل على الثاني اكتر؟
3/ مين قال للثاني بحبك اكتر؟
*لو الأسئلة دي إجابتها كلها......... * أنتِ *..
يبقى نصيحة وقفي كل حاجة وبدئي استقبلي عطاء من الطرف الثاني ،
ولو ماتحركش يبقى  سيبيه هو مش عاوزك  .


((كل ما يريده الرجل من المرأة هو الرأي الحقيقي.. ولا يهم هل هو مختلف معه أو يمثل صدمة له طالما انه أمين وحقيقي..  وسيسعده أن يعرف المزيد عنك ويسعي للارتباط بك )) يعني ايه الكلام ده ؟!!
يعني ما تكدبيش عليه .. ولا على نفسك .
ما تقوليش انا عمري 20 وأنتِ أكبر ..
ما تقوليش انا دارسة بره وانتِ دارسة هنا ..
ما تقوليش انا حعمل أي حاجة عشانك وانتِ متقدريش تعملي حاجة ..
يقوم هو وقت ما يحبك بجد  وتجي تقولي الحقيقة  تلاقي نفسك أتورطتي في كدبة ..

*كل الناس وجميع الناس وأنتِ منهم .. مافيش حد بيحب حد يكدب عليه .. وانتِ نفسك ماتكدبيش على نفسك حتى لو هو كدب عليكي ماتعمليش زيه  . كوني فخورة بنفسك و بعمرك وقرارتك وقدرتك وبكل حاجة فيكِ .. يعني ماتقدميش تنازلات عشان حد يحبك ..


*الحب بذكاء  هو: ( انك تؤمني بنفسك وبقيمتك وتقديرك المرتفع لذاتك ..)
* تؤمني بنفسك : يعني تثقي فيها .... والثقة بالنفس هي انك تكوني مقتنعة بقرارتك وبمصلحتك بغض النظر
 عن رأي الناس فيكي وماتدوريش على رضا حد  .
*تؤمني بقيمتك يعني  تؤمني انه عندك حقوق وتطالبي بيها .. سواء كان في الشغل او مع اهلك او مع اصدقائك
 او حتى في الحب ..و حقوقك في الموضوع ده هي الجواز والاحترام .
 *لابد تكوني للرجل لغز محير يعجز عن فك طلاسمه ولا يتمكن من توقعك ابدا..
لازم يكون عندك انشطة اخرى بعيد عن مجال العلاقة او تحمس اكثر لعملك ويكون عندك اهتمامات
اخرى يضطر الرجل احيانا للصراع عشان يستحوذ على انتباهك.
*ابدا ماتخليش اي رجل يشوفك وانتي مضطربة .. واقصد بالاضطراب هو الخوف والقلق والتوتر انه يسيبك .
*لو حس بأضطرابك وانه ملك عليكِ تفكيرك وانك منتظرة مكالمته الهاتفية وبتجري وراه وماعندكيش اي مانع 
 للخروج في أي وقت لمقابلته ، حياخدك على طول كأمر مسلم  ،وعشان مستقبلك معاه  .لازم تكوني مراوغة وصعبة المنال .


*انا استغرب من البنات إلي تضحي وتتنازل وتخرج و تتكلم في التلفون ليل نهار او تعمل أي حاجة تانية هي عارفة انهارافضة الحاجة دي وبتعملها عشان شخص وعشان متخسروش ..
انتي مش ملزمة تكلميه ليل نهار عشان يتجوزك ومش ملزمة تخرجي من بيت اهلك عشان يشوفك  والعكس هو الصحيح المثل بيقول (( لذة الحب في الشيء القليل )) وعمروا مافي حد حيخسر حد بجد لو كان بيحبه .. ولو حصل العكس  ..
* يبقى تحمدي ربنا انك عرفتيه بدري و ربنا حيعوضك بشخص افضل منه .