(لأبتزاز العاطفي / سوزان برادفورد)
أحمد وليلى اتنين بيحبوا بعض
اول مابدأ مشروع الجواز يظهر بينهم
بدأ احمد يتغير " كل تصرفاته وسلوكياته تجاه ليلى اتغيرت "
كأنه عايز منها تثبت نفسها ...........
طلب احمد من ليلى تعمل حاجة
وبرر الموضوع ده بأنه عايز يتأكد من مراته .
وانه حيجتهد في الزواج لكن ماتنتظرش منه يعمل حاجة اكتر .
العلاقة بينهم بقت زي اللعبة..
استمر أحمد في التواصل معاها وفي نفس الوقت بيختبرها
واذا كانت مثلا عايزة تخرج مع صديقاتها بيقولها انا مش بحب
كده ويمكن بلاش نستمر في الجواز ..
ولو اتكلمت انها عايزة تسافر ولا تشتغل يقلب الموضوع انها
مش مخلصة له وانه جوازهم ممكن يكون غلطة .
و ليلى بدأت تستسلم ..وكانت بتقول دايما احمد شخص كويس بس يمكن خايف وعايز يحس بالامان.
هوكان بيستخدم رغبتها الملحة للزواج وحبها له .وكانت هي بتتراجع لانه لما بتعمل كده هو بيبقى سعيد .
بعد فترة بدأت ليلى تحس بالاحباط..وان كل الي بتعمله بيرضي رغبات أحمد ، ورغباتها هي مالهاش وجود.
...................................................
غالبا بيحصلنا زي الموقف دي مع شخص مقرب من حياتنا
قد يكون من:( الاصدقاء ، او احد الوالدين ، او احد الشركاء في العمل ، او الاقرباء )
ووقتها بننسى اننا اشخاص فعالين واننا ناجحين الا اننا مع الاشخاص دول بنكون
مرتبكين ومسلوبي الارادة .وبنبقى في حيرة من امرنا وبنستسلم ونتنازل عن الي احنا عايزينه ... !!
والأشخاص دول بيتميزوا بتلات حاجات :
1- المناورة والمهارة .
2- الالفة .
3-إلقاء اللوم .
.....................................
( يعني ايه ابتزاز عاطفي ؟ ) :
يعني شكل من اشكال الاستغلال
بيعمله شخص مقرب مننا عن طريق التهديد
(ممكن يكون بطريقة مباشرة وممكن يكون بطريقة غير مباشرة )
و الشخص الي بيستخدم النوع ده :
بيبقى عارف مدى تقديرنا لعلاقتنا معاه ، و مدى قابليتنا للجرح .
و بيعرفوا اسرارنا الدقيقة .. وهما مش بيهتموا بمشاعرناوبيخافوا انهم
مش حيوصلوا للي عايزينه يقوموا يستخدموا الطريقة دي .
مثلا :* لو كنتِ بتفتخري بنفسك انك كريمة وعطوفة ممكن المبتز
يتهمك بالانانية والامبالاة اذا لم يتحقق مايتمناه .
*لو كنتِ بنت مش بتخرج في مقابلات وفسح ممكن يتهمها بانها دقة قديمة
وانه حيلاقي غيرها ...... وهكذا .
المبتز بيجعل من المستحيل علينا اننا نشوف طريقة الاستغلال.
وده لانهم بيدخلونا في جو يشبه الضباب وممكن ندافع عن انفسنا
لكنهم عارفين اننا مش شايفين بوضوح .
(وكلمة الضباب = الارتباك الي بيحصل داخلنا .) وهي تعني : ( الخوف – الالتزام – الذنب )
ودي الادوات الي بيستخدمها المبتز .
...........................................................
القائمة دي بتوضح اذا كنتِ شخص بيتعرض للأبتزاز في علاقاته او لا:
***
هل يقوم الشخص المبتز في حياتك بما يلي :
1- يهددك بأن يجعل حياتك صعبة اذا لما تفعلي مايريده منك ؟
2- يهددك بانه سوف يؤذي نفسه او يهملها او يصيبه اليأس اذا لم تفعلي مايطلبه ؟
3- يرغب في المزيد دائما بغض النظر عن مقدار ماتقدمينه ؟
4- يؤكد باستمرار بانك سوف تستلمي له؟
5- يتجاهل او يتغاضى عن مشاعرك واحتياجتك ؟
6-يعطي وعود كثيرة ونادرا مايحافظ عليها ؟
7- يصفك بالانانية والسوء والطمع والتجرد من المشاعر والامبالاة اذا لم تستسلمي لهم؟
8- يغمرك بالاستحسان عندما تستسلمي له ويحرمك عند تعارضينه ؟
9- يستخدم المال كسلاح للوصول الى مراده ؟
10- اذا اجبتِ بالايجاب على سؤال واحد على الاقل من الاسئلة دي ..
يبقى انتِ هدف للابتزاز؟
للحديث بقية .........
هناك 83 تعليقًا:
مرحبا يا ايادي موضوع شائك الحقيقة وانا كنت بنتظره علشان اسأل سؤال :
حبيبي كان يحشرني و يقلي لو مجيتيش تقابلي ماما في مكان عام يبقى خلاص نترك عشان انا وصلت لنقطة مش قادر اقنع اهلي و انا بجد كنت عايزك و دلوقتي حيكون السبب بفراقنا اهلي وانتي ... بس انا طلعت منها بسرعة و جبت فكرة بيت عمتي الي هو قريب عليهم علشان ميتحججوش بالمسافة !!!
يبقى ده ابتزاز بيستغل حبي ليه علشان يضغط علي اتنازل عن حق من حقوقي ...
كان لما اتجادل معاه بيسكت و يعمل زعلان و يقلبها علي بذكاء ... مش دايما الي بيعصب خبيث بلعكس بيكون طيب...
برضو كان بيقفل موبايلاته لما نتخانق على شيء معي حق فيه ويتركني بطول الليل قلقانة عليه ... ويتهرب من مناقشتي ده الي كان بيستفز مكنش بينا حوار..
لما كنت بقلو عن حاجة طيب يقلي راحت فين كلمة حاضر وكانو بيتلذذ باحكام السيطرة علي ...
كنت لما بتناقش معاه بحاجة يقلي متطبقيش الي بيحصل مع صديقاتك علي " كنت بحكيلو على كل حاجة " وكان بيسجل مواقف علي و يقلي انتي بتتعلمي من البنات و بتطبقي علي تصوري !!!
نغم
بصي يانغم هو كان بيبتزك ايوة ..
بس انتي برضه ليكي اسلوبك وطريقتك معاه ..
انا لقيت كم حاجة غلط كده ، وحديكي الطريقة الصحيحة عشان ترجعيش تعمليها تاني ، سواء دخلتي علاقة جديدة او رجعتي لنفس العلاقة .. تمام؟
اولا : العقرب مش بيحب المجادلة .يعني لو انتي سكتي وعملتي زعلانة زي ماهو يعمل كنتي حتبقي منتصرة زيه .
ثانيا :هو بيقفل موبايلاته بالليل لانك بتزعجيه وهو محتاج فسحة يتنفس فيها يعني سيبيه يوم يومين لما تهدى الامور وحيرجع يكلمك او حتى انتي كلميه يعني مش حتبقى مشكلة .
ثالثا: اتوقع انه بيتهرب من مناقشتك
لانك بتصري جامد على رايك.. انا معرفش انتوا كنتوا بتتناقشوا
في ايه ؟
لو في الجواز يبقى معاكي حق .. بس كان ممكن يكون بأسلوب تاني .. يعني التطنيش زي ماهو بيعمل .
رابعا :لو ربنا اراد وتجوزتي ولا اتخطبتي.. اوعي تحكي لخطيبك او جوزك حاجة بتحصل بينك وبين صديقاتك.. خالص ممنوع منعا باتا تعملي كده .لانك بتضيعي حتة الغموض وكمان ممكن يحط باله مع وحده من صديقاته وممكن يعمل زي الي مكتوب في الموضوع يعني يمنعك منهم.
اما حتة انه بيقلك انتي بتتعلمي من البنات وبتطبقي عليا فسمحيلي يمكن معاه حق .
شكرا يا عزيزتي ... الحقيقة كنا نتناقش بالجواز معمرناش احتدينا غير بالموضوع ده ... مهو اصلي كنت مسافرة بعد اسبوع وهو بيمطمط وانا اقلو لو مش عايز تتجوز قول و هو واخد راحتو بالموضوع وخايف يفاتح اهله تصوري !!!
وكان يقلي ايه مامتو بتقول عليه : قال ايه انا نفس عمره وخايفة منخلفش ده ايه التخلف ده !!! حشرني و اضطريت اقعد كم يوم عشان الست والدتو توافق وقلي لو سافرتي حيموت الموضوع !!!
يعني برضو اسلوبو غلط انا لو مكنش غلط مكنتش اتعصب فهمتي؟
الانسان الي بيمشي معايا صح بياخد عنيا لكن الي بيلف ويدور اسمحيلي احنا بشر بعدين ليه يخلق حزازيات بيني وبين امه ده متعمد و يقلي مامتي اصلها تفكيرها غريب محتاجة اخدها دكتور نفسي تصوري !!!
نغم
هههههههههه
دا ولد لذيذ خالص ..
ربنا يهديه ..
وصحيح ..
هما بيلفوا ويدوروا ومحتاجين حد يلف ويدور جامد زيهم.. ومايعطيهمش اكبر من حجمهم.
تحبي نطلع الدردشة ؟
ماهو صغير في العمر يانغم..
يعني 25 برضه بيعتبر ماعندوش الخبرة الكبيرة في الحياة ..وبعدين الاستاذ بلوجاتي بيقول (( لما بيكبروا بينضجوا اكتر .))
انثى احنا في الدردشة اذا جيتي .. حصلينا.
ايه يابنات انا دخلت ومحدش فيكم بيرد !!لاكون غلطانة بالعنوانـ!
انا جيت ع الدردشة مفيش حد ؟
ازيك يا ياسمين؟الموضوع روعة هايل perfect لاحظت انك بتسألي البنات عن رجل الأسد والحمل أنا أعرف عنهم كتير لو تحبي تسألي ياسكر أنا تحت أمرك تحياتي لنغم وبقولها أنا فخورة بجد بيكي وسلامي وأنثى وأسدية
نسيت أعرف بنفسي أنا ريما
ايوة ياريت ياريما .. يعني ابدي الاول برجل الاسد..
اكتبي وجهة نظرك والشخص عمره قد ايه .. كل الي تعرفيه اكتبيه ولو تعرفي اسد مع ست ثور يبقى ينوبك ثواب فيا ..وصدقيني انا حستفيد من كلامك..
عايزة اعرف مين بيحب التاني اكتر ؟
مين بيصالح اول ؟ مين بيحط خطوط حمرا؟ اكتبي كل الي تعرفيه عن الاسد.. وبعدين اذا حبيبتي بعده بكم يوم اكتبي عن الحمل.متشكرة ليكي اوي ياحببتي..
السلام عليكم ورحمة الله وبركاته
رمضان مبارك وربنا يتقبل صالح الاعمال
الف مبروك عالمدونة ياقمر المواضيع حلوة اوي والطرح رائع ربنا يبارك فيكي اصلك خليتي ايدك عالجرح النهاردة بس عرفت اد ايه انا كنت بعاني من الابتزاز العاطفي من اقرب صاحبة لي كنت بحبها جدا وبعمل اي حاجة عشان اشوفها سعيدة وبعتبر ان ده واجب عليه تجاه صحبتي بس هي بالمقابل كانت مبتعملش حاجه من الي بعملهالها ولو في مرة قصرت بحاجه وهي نفسها مبتعملهاش بتقول عليها مثلا ان انا مستهلش حبها لي وان هي بتحبني جدا حتى اكتر من اهلها ولذلك دائما بتحسسني بالذنب تجاها واني مقصرة معاها وانا دايما بحاول بس ارضيها انا مش عارفة اوصفلك التعامل بينا كان ازاي بس الحمد لله انا قدرت اخلص من سيطرتها دي علي وحصل موقف بينا كان مستحيل ان انا متخذش موقف بس ده ادى ان علاقتنا انتهت والحمدلله انا عايزة اقول ان الابتزاز العاطفي ده شعور سيء جدا واحساس صعب خاصة لو كان من ناس بيعرفو اد ايه انتي بتعزيهم.بشكرك جدا على طرحك الرائع والمميز انا zainab سبق واتكلمت معاكي في بوست الرجل العقرب واستفت جدا من نصايحك.اسفة عالاطالة
*الدره المصونة*
مساء الورد بالنسبة لرجل الأسد عندي أخويا في العشرينات وابن خالي وابن عمي وجوز خالتي هجاوب أول على أسئلتك مين بيحب التاني أكتر؟ الست طبعا وحتى لو هو حبها أكتر مش هيبين أما بالنسبة للمصالحة هو بيصالح أول وبيحب يصالح بهدية غالية وهو اللي بيحط الخطوط الحمرا بشكل عام هو عنده كاريزما عالية وبيحب يتقل وبيشوف انه ملك ولما بتعامله الست كملك هيعاملها ملكة بس طبعامينفعش انك تعامليه ملك لازم توازني بين العناية بيه والتقل عليه أهم حاجه عنده ان محدش يتجاهله وانك تقدريه هو بيحب البنت الشيك الليدي الراقية وفي نفس الوقت لازم تسمع كلامه هكمل بكرا ياقمر عشان معزومةالليلة ...ريما
أهلا وسهلا يا(zainab):
ورمضان مبارك عليكي ياحببتي وكل سنة وأنتي طيبة ..
ومبسوطة جدا إنك موجوده معانا ..
كل إلي هنا بنات ياقمر ،
وهما من أفضل وأرق البنات ،عايزة أعرفك عليهم :
*انثى (دلو)، نغم(الجدي) ،اسدية
( الاسد) وريما( العقرب ) وشذى
( الثور ) *.
بالنسبة لحتة الابتزاز .. انا تعرضت لأابتزاز عاطفي من صديقة كأنت معايا في الشغل حبيتها جدا واعتبرتها اكتر من أخت ،هي كانت من برج( الحمل ).
وأنتي بتحكي دلوقتي أحس كأنك بتتكلمي عني ، انا بنجذب جامد في صداقاتي مع بنات الحمل بس العلاقة مش بتستمر .
اخر موقف حصلي من شهر مع صديقة من نفس البرج ..
(حضرت زفاف اخوها وأصريت على أهلي إني أحضر.. بعدها بشهر كان زفاف اخويا أنا ..
وبكل بساطة لا حضرت ولا أعتذرت مع أننا كنا على إتصال مع بعض !!
هي دلوقتي بتتصل.. بس أنا مش برد ).
عموما أناأعرف عن الأبتزاز العاطفي من زمان على فكرة ، ولكني دايما أقع فيه.
صديقتك من أي برج ..؟
واحكيلي موقف مختصر ؟
متشكرة ( ياريما ):
كلامك يجنن ، حتة انه يجيب هدايا غالية وبيصالح مراته ، دي أول مرة أعرفها ..قوليلي :
* زي ايه الخطوط الحمراءعندهم
يعني حاجة من وجهة نظرك مشتركة بينهم ؟
*وقولتي ( مش عايز وحده تتجاهله )يعني ايه ..؟
انا مش بكلمه كتير ، مرتين او ثلاتة في الاسبوع وفي اوقات متفرقة .
وأحيانا مش بنتكلم اسبوعين تلاتة ،ومره تجاهلته بتاع شهرين ورجع بارد جدا جدا هل ده بسبب انه عنده علاقات تانية.. ؟
وبعدين هل ممكن يتجوز وحده يعرفها ولا جوازهم بطريقة تقليدية؟
استحمليني دا انا حشبط فيكي ، العائلة ماشالله عندك كلهم اسود ومن اعمار مختلفة .
في مثل بيقول يا ايادي اذا رأيت رجلا يقبل يد حبيبته وهو راكع عندما يصالحها فاعلم انه اسد !!!
نغم
ياسمين انا مبسوطة اني اتعرفت بيكي
وبالبنات القمرات الي معاكي يارب
نبقى صحاب ونقدر نفيد بعض
انا صديقتي دي برج العذراء وانا برج
التور بصراحة في مواقف كتيرة بس بما اننا بندرس تخصص واحد وبعيد عن اهلنا ححكيلك هي بتذاكر بالنهار وانا احب اذاكر بالليل فأنا بالنهار براعيها جدا بتوفير الهدوء وحتى صحباتي التانيات بمنعهم يجوا عشان هي بتذاكر اول مابتخلص مذاكرة كلو بيشتغل تلفزيون راديو بصوت عالي جدا بتجي تتكلم معايابمشاكلها ومبتقدرش ان انا كمان عندي مذاكرة زيها ولو مديتهاش وش بتقول ان انا مش مقدرة وضعها وادي ايه هي نفسيتها تعبانة وكده وفي مواقف اكبر بكتير حصلتلي معاها وانا كنت دايما بعذرها وبدوس على نفسي معاها.
zainab
ياسمين انا شفتك بتسألي عن رجل الاسد انا ممكن احكيلك عن علاقتي مع اخويا
هو اسد وانا برج التور هو اصغر مني
بس حنون جدا جدا صحيح بيعصب بسرعة وعنده حب الظهور بيحب دايما يبان انو هو الاشطر والاذكى والاكثر اناقة بين صحابو انا الحمدلله علاقتي بي كويسة جدا هو بيحب المسايسة ومبحبش حد يفرض عليه حاجه بيحب المدح وده بيخليه ينتج اكتر وبيحب الحاجات الغالية والمميزةانا دايما بعاملو بهدوء فبيستجيب لي مع انو اختي جوزاء بتهتم بي اكتر بس عصبية معاه مفيش بينهم انسجام.
في كمان ابن خالتي اسد متزوج انا لاحظت انو بيحب السيطرة جدا بيحب مراته دايما تقول نعم بس بالمقابل بشوفو حنون معاها جدا بيعاملها وكأنه ابوها وبيهتم بيها اوي ولاحظت كمان انو هو معندوش مانع تكون مراته اعلى منو بالوظيفة المهم يكون هو الرجل والكلمة كلمتو.اتمنى اكون قدرت افيدك شوية
ازيك يانغومة ؟
تصدقي انك وحشتيني .. دا احنا كنا بنتكلم البارح لكنك وحشتيني برضه.
الاسد الي عرفته وحكيتلك عنه ..
كان صوته جذااااااااب وفيه نبرة رجولة وحنان .
ودي الحاجة الوحيدة الي افتقدتها دلوقتي .
كان فيه صديقة عذراء
ليا يا zainab في الشغل ..
احنا كنا (شلة) و كانت قريبة مني بس مش كتير ،في اغلب الوقت فيه ود بينا .
ماكنتش بحس انه عندها اسرار كانت بتتكلم في كل حاجة وقدام الكل ..
بيتها واهلها وخطيبها وعمها كان فيه عم ليها مقرب جداوكانت بتغير من مراته وبتعاملها وحش ..
و هي ماشالله كده طول بعرض و هيبة .
و مفوته في الشغل مش بتتعب نفسها .
لو تقدري ياقمر تجاوبيني على نفس الاسئلة الي تركتها
لريما يبقى ليكي بوسة.
ويلهوي !! انا مقدرش اقول نعم كتير اتخنق بحس انه بيكبتني .
يعني كل نعم وحده يقابلها اتنين لا .
ومش بستريح لما تكون الامور هادية لازم أنكشها .
حتة انه بيعاملها زي باباها ، بصدقك حسيته كده ..
ازيك يا ياسمين انا دخلت الدردشة امبارح ملقتش حدواضح اني دخلت متاخر
سلميلي علي نغم
تعليق 1
انا حارد ياجماعة بما قد يفيد :)
اممممم موضوع الخطوط الحمراء بمعنى انك ماتخرجيش اي حاجة يقولهاحتى لو كانت حاجة عادية او حلوة لبرا مثلا لاصحابك لاهلك او حتى لاصحابكم المشتركين الا اذا حسيتي ان الكلام عنها بيزيد في تلميعه مثلا ترقى او حصل معاه شي مفرح او مناسبة او عيد ميلاد من هالنوع يعني
سبب الهدايا الغالية دا اولا يعود لذوقة ممكن تلاقي اسد ماعندوش ذوق فابيجيب اي حاجة مش فارقة بس لو كان ذوقة عالي راح تكون هديته ذات قيمة عالية وقد تكون غالية والسبب وراء ذالك هو انه مش عايز يجيب هدية شعبية الكل بيجبها يبقى ايه الميزة في كذا اتذكر مرة كنت عايزة اجيب ورد لحبيبي الدلو قبل لانترك بعض وكنت شفت مرة علىt.vنوع جديد من الورد لونة يميل من الاحمر الى الاسود وكان شيك اوي بس ماكنش منتشر عالميا فامقدرت وماجبتش لاني اما اجيب الافضل اواكتفي بحالي كاهدية :)
مش عايز وحدة تتجاهلة لما بتكونو في مكان وقصاد بعض مابيحبكيش تتجهليه وتنشغلي بحد تاني وكأنه التاني ده مهم بالنسبة ليكي اكتر من اللي معاكي وتفضلي طول الوقت بتلمعي بالتاني وتمتدحيه وعموما ده اصلا من الذوق او مثلا زي ماحصل معانا قبل البارح لما جيت للشات وبشوفكم وانده عليكم ومحدش بيرد علي ولامعبريني ونغم خرجت ودخلت تاني واندهلها لعلها تشوف ندائتي ولافيه فايدة هههههههه:)
امممم اذا كانت العلاقة في البداية راح تلاقية يرغب الحديث المطول معك واذا كنتم ماشين فيها يبقى على حسب وضعكم ايه بتكون اتصالاتك يعني علاقتكم زي العسل بتلاقيه يحب يكلمك كل شوي اذا فيه توتر بتلاقيه بيهرب لانه مش عايز يستمر في لقاء او مكالمة تنطبع بطابع التوتر خصوصا لو مافيش حد فيكم بيحط حد للخلاف زي مثلا قصة التجاهل او الانشغال بغيرة وكتير من الامور اللي بتسبب خلافات وده لانه حساس وبياخذ الامور على اعصابه
وعلى فكرة هو لما يشوفك مش واضحة ومحددة في علاقتك بيه ومش مهتمية به كفاية بيفضل يسأل نفسه طيب هي ليه مستمرة معايا عايزة ايه مني!!
ممكن تلاقي بيفكر يقطع العلاقة بس دا مش صحيح هو بس عايز حركة عايز يشوف غلاوته عندك عايز يلفت انتباهك انه ممكن يروح منك واحيانا فعلا بيروح منك اذا كان فيه طرف استولى على انتباهه في خلفية خلافاتكم المتزايدة لانه باعتقد انه مابيخونش لو حس ان في امل وعموما مسألة الخيانة عنده نسبية بمعنى انه حتى في احسن حلاتكم لو في حد بيشغله او مهتم بيه وكان الحد دا ليه اساسا مكانة عنده مثلا قريبة عزيزة او صديقة بيحمل لها كل احترام او شخص بيحن عليه هنا ممكن يمسك العصا من النص بيتعامل مع الطرف الدخيل دا بطريقة مش بتجرحة وبنفس الوقت مش بتجرحك يمكن اصلا دا الوضع مرفوض في شرقيتنا بس هو زي مابنشوفهم برا لما بيتعاملو مع اصدقائهم المقربين
وسبب الخيانةالمقنعة اللي في اساسها مش خيانة بالمعنى الصحيح راجع اولا لابوته وثانيا لاحساسه بالطرف الاخر وثالثا لانه مابيحبش يزعل حد وبيكون واثق انه قادر على المحافظة على حتته الخصوصية بتعته وبتاعت اللي بيحبهالكن لز كان الطرف الدخيل دا مش مهم عنده تاكدي انه راح يعطيعا فوق دماغها ومايعبرهاش..وغير دا كله جزيئة الخوف من ربنا بيفضل مسيطره عليه. عندي صديقة من برج الحوت وليها اخ من برج الاسد بصراحة لايملك الا حضور طاغي يعني مجرد مابتقول احنا النهارده اخوي زارنا بتذكر ان ليها اخ لانه مالهوش مواقف ومالهوش شي ملموس في حياتهم وهو متزوج زواج تقليدي وسعيد بيه في البداية بس بعد كدا دبت مشاكل بين مراته وبين اهله ومع معرفتي بوالدتهم بلاقيها ست مش بتاعت مشاكل فابقول يمكن من اخواته عنده حوت واسد ودلو وكلهم عصبيات وجلست مع زوجة اخو صحبتي(معرفش برجهاايه) لقيتها حساسة جدا بتزعل من الهوا الطاير لو جرح خدها!!واخده الامور على عاتقها وكأنها مستنية اي حركة تزعلها وتهت بينهم مش عارفة الاقي الخلل فين بالضبط!!
تعليق 2
وذكرتلي مرة اخته ان اخوها عنده صديقة في بلد تانية وبيكلمها كتير فاستغربت وقلت مازال مستمر حتى بعد ماتزوج !! اعتقد ده راجع للمشاكل اللي بينه وبين مراته فاهو مش عايز يزعلها او ينفصل عنها وفي نفس الوقت رجع للعلاقةالقديمة او ربما العلاقة القديمةدي هي الي فرضت نفسها عليه ولانه في حالة ضعف من العلاقة الركيكة الي بيعشها بسبب اهله ومراته رجع لها ويمكن تكون مجرد مكالمات لانه مابيسافرش للبلدهاوالله اعلم!ولاني لطيفة وسهلة المعاشرة :) لقيت صحبتي بتقولي ياليتنا اخترناك زوجة لاخويا استغربت جامد وقلت ماهو لو تعرضت لظروف مشابهه كنت حعمل زي مابتعمل هي بالضبط وكانت قالتلي مرة انهم خلاص راح ينفصلو وان الاولاد بقو عندهم لحد ماتنشكف الامور بين اخوها ومراته بس منفصلوش :).
عارفة ليه لما تسيبية مدة طويلة بيبقى بارد لانه جونفسه عارف انك اما بتثقلي او هو فاهمك غلط ون مشاعرك عادية ومش مشاعر حب او انه مش مهم كفاية حتى يستحل مكانة كبيرة في تفكيرك وده كله بيزعجه اذا كان بيحبك بجد ومتعلق بيكي وبروده ده خلف منه بركان الم وبيعمل كده كاهجوم مضاد لانه بعد ماتعلق خاف انك بتتلاعبي بمشاعره او انه مشاعرك مجرد كدبة فيقوم يتسلح بالجمود والبرود حماية له من اي الم ممكن تسببيه له لانه في الحالة دي لما يكون في وضع انتهاء العلاقة بيكون في اضعف حالاته لذا بيتحامى في بروده وانه مش فارقه معاه
ذكرتي حضرتك في بوست رجل الاسد انه بيقلبها حب اذا قلبتيها وصداقة اذا عوزتيها صداقة عارفه ليه بيعمل كده لانه بيحبك ومش عايز يتعب من جراء الفراق وعايز يشوفك قدامه كل ماشتقلك يلاقيك بسهوله وميكونش خلاص بينكم حبل مقطوع ومش حيرجع العلاقة الا اذا رجعتيها بس عايز يحس انك لسع بتعومي في مداره لو قطعتي حيتعب كتير بس بيفضل زي ماهو لحد ماينساكي او يجد في وضعكم امور او اذا كان مش قادر يستغنى عنك واكتشف صعوبة العيش من دونك بتلاقيه جيه تاني ليك يستعطفك وهنا ممكن يقدم تنازلات زي ماتحبي بس بشرط مايحسش انك عامله كده علشان يضعف لانه في الحاله دي مش راح يضعف وحيستحمل الالم والهجر كمان ضروري دايما تكوني نزيهة معاه وصادقة جدا ودلوعة وجادة بنفس الوقت ومحتشمة قدام الاخرين بس قدامه لايمنع من التخفف بتجذبه الست الانيقة والرقيةوالرقيقة والقوية والصادقة يعني سهل جدا انه يغرم بالفتاة الثور لانها بتحمل كتير من الصفات اللي بيحبها باستثناء انها مش مغامرة فكريا وثابته في ارائها ومش بتتطور كفاية يعني بتحب تثبت بالنسبة لوجة نظره وبتعتمد على حلول جاهزة ومش استنباطية غالبا
بس هو بيحبها من الله في الله وبيحن عليها شي مش بيده!بس مش معنى دا انها ماتقدرش تتطور او تتغير او تغامر لاكن بيبقى على حسب رغبتها واقتناعها بالتغيير وهو عموما مش عاوز وحد تتغير او تتطور اعتباطيا يعني برضه الحته دي بتجذبه فيها وبيحس انها مش سهله وانقيادية حتى لرغباتهاوعندها قدرة على الثبات في وجه المستجدات لو مش في مصلحتها.
هو ذكي بصراحة لما بيقلب معاكي زي مانتي بتقلبي لانه بيحاول يوصل نفسه لبر الامان بدون مايخسر او يمر بحالة فقدان :)من المشاهر الي اتجوزو وكانت الست ثور والراجل يعني نقدر نقول عنه انه بياخد من الاسد كتير الاميرة هيا وزوجها الشيخ محمد بن راشد آل مكتوم مولود في 22\7 كتير بيعد التاريخ دا اول يوم في برج الاسد مش فارقة هو كده كده بيتأثر كتير بقربه من برج الاسد اتمنى اكون كفيت ووفيت الى الحد اللي يرضي ضميري :) اسدية
ياحببتي يا(اسدية ):.
شوفي ياستي أنا عايزة أجيب على بعض كلامك لأن كلامك جاه على الجرح ، و لاني بقيت فاقدة الامل و ناسية الموضوع أصل العلاقة بينا بقت باردة باردة جدا جدا وانا حزينة لان العلاقة وصلت للدرجة دي بس اتوقع اني لو حركتها حتتحرك .
( انا محتاجالك .. وفي حاجات تانية حصلت ومش عارفة اتصرف فيها ازاي )؟!!!
ومبقاش بينا تواصل كتير دا انا وهو صرنا بنكلم بعض بالقطارة يمكن مرة كل شهر ونص مرتين ، ووصلنا اننا بنكلم بعض رسايل بس وانا بقيت باردة معاه جدا ومش بدور عليه خالص .. حجاوب على اسئلتك :
قصة الشخص الي حكيتيلي عنه انه أخته كانت عايزاكي ، مافهمتش هو من برج أيه ؟
وبعدين كلامك صحيح يعني هي مطلعة اخوها الملاك على الارض ومستحيل صدقيني مستحيل .
( مستحيل ست تسيب بيتها وتطلب الطلاق لو الراجل حنون عليها وبيراعيها) يبقى اخ صديقتك ده مقصر على مراته جامد ، وانتي ذكية عارفة وفاهمة الموضوع .
((عارفة ليه لما تسيبية مدة طويلة بيبقى بارد لانه جونفسه عارف انك اما بتثقلي او هو فاهمك غلط ون مشاعرك عادية ومش مشاعر حب ))
كلامك هنا صحيح مش عارفة اوصفلك ازاي؟
انا معجبة بيه ..عجبني جدا جدا ومهتمة بس خايفة، وبعدين اول ماتعرفنا كان صريح معايا قالي انه بيدور علاقة مع ست تديله كل حاجة وحطي خط تحت كل حاجة ومش شرط يتجوزوا فهمتي ؟
وأنا مش بنسى الكلام وببقى عارفة انه كلام الشخص وانطباعي عنه اول مرة بيكون صادق بنسبة معينة وغالبا الشخص مش بيكدب لانه بيبقى مش عارف الطرف التاني والعلاقة مش متعمقة فبيقول الحقيقة ، فبقيت خايفة اتورط معاه.
أول ماتعرفت عليه كان بايع ورافض الجواز دلوقتي بحس انه بيحن للجواز تتوقعي بيكدب؟.
((وده كله بيزعجه اذا كان بيحبك بجد ومتعلق بيكي وبروده ده خلف منه بركان الم وبيعمل كده كاهجوم مضاد لانه بعد ماتعلق خاف انك بتتلاعبي بمشاعره))
كل الي قلتيه صح .
وانا حسيت كده بس ماكنتش فاهمة وبرضه كنت بفكر في نفسي اكتر من اني افكر في مشاعره ، أنا ماكنتش بفكر في مشاعره الحقيقة .
((ذكرتي حضرتك في بوست رجل الاسد انه بيقلبها حب اذا قلبتيها وصداقة اذا عوزتيها ، عارفه ليه بيعمل كده لانه بيحبك ومش عايز يتعب من جراء الفراق وعايز يشوفك قدامه كل ماشتقلك يلاقيك بسهوله وميكونش خلاص بينكم حبل مقطوع))
طيب يااسدية هو حكالي انه يعرف ( بنت من الجامعة من برج الدلو وأتوقع فيه غيرها ..وبيخرجوا وبيتفسحوا كل فترة سوا يبقى حب ايه الي بيحبهولي؟ ) انا حسيته انه متعلق لان انا مش راضية اديه حاجة لا فسح ولا خروج وحسيت في صوته نبرة( عاطفة وحاجة تانية انتي فهماها ) بس اتوقع انه بيعمل كده مع كل وحدة لحد مايوصلها فهمتي ؟
(( ومش حيرجع العلاقة الا اذا رجعتيها بس عايز يحس انك لسه بتعومي في مداره لو قطعتي حيتعب كتير بس بيفضل زي ماهو لحد ماينساكي او يجد في وضعكم امور)) ياستي انا مش عايزاة يقدم تنازلات جاته نيلة انا عايزاة يجي يتقدم .. ده مش حيلاقي وحده زيي.. وكمان هو موظف حلو وانا لمحتيله اني عايزاه يسكن في منطقتي اصله ساكن بعيد .. يعني قعدت ارغبه بشكل غير مباشر ينقل العمل بتاعه في مدينتي وهو لما بتكون العلاقة جميلة بحسه عايز ولما بتفتر بيتراجع .
(( كمان ضروري دايما تكوني نزيهة معاه وصادقة جدا ودلوعة وجادة بنفس الوقت ومحتشمة قدام الاخرين بس قدامه لايمنع من التخفف ))
يعني ايه يا اسدية اني اتخفف معاه .. مافهمتش النقطة دي ؟
يعني اخرج؟
إكمال 2:
(( سهل جدا انه يغرم بالفتاة الثور لانها بتحمل كتير من الصفات اللي بيحبها باستثناء انها مش مغامرة فكريا وثابته في ارائها )) كلامك صحيح واضيف عليه ( عندية.. ومش بسمع الكلام )
(( هو عموما مش عاوز وحد تتغير او تتطور اعتباطيا يعني برضه الحته دي بتجذبه)) يعني ايه يااسدية الكلام ده انا مش فاهمه ؟
وبعدين تغيير زي ايه مثلا ؟
((هو ذكي بصراحة لما بيقلب معاكي زي مانتي بتقلبي :) طيب اعمل ايه دلوقتي يااسدية ؟
انا عايزة جواز .. مش عايزاه يعملي قيس وليلى وفسح وخروج وحب بجنون وبعد فترة يقولي معليش مامتي اختارتلي وحده تانية وعايزاني اتجوز .. في امان الله ؟
اعمل ايه يااسدية ؟ انسى موضوعه ولا اتصرف ازاي .. اصلي فقدت الامل فيه مع انه عاجبني . ده تاني شخص يعجبني بعد العقرب والظاهر انها حتروح على مافيش .وبعدين آخر مرة قالي انتي عايزة مني ايه .. وانا ماردتش فقام قالي اكتبي الي انتي عايزاه في رسالة على الموبايل او الايميل وانا طنشته .
تتوقعي لو كتبتله انا عايزة جواز حيتحرك لاحظي ده أسد مش عقرب وبعدين انا عندي شروط زي المهر والمؤخر والسكن وحاجات تانية وأخاف لو بادرت معاه اني عايزة جواز مش حيعمل حاجة من شروطي وعايزة سيرة الجواز تيجي منه هو عشان اطلب الي عايزاه ..
اسدية قوليلي اعمل ايه ؟!!!!!!!!!!
انثى حبيبتي عاملة ايه ؟
وحشاني ..
ياستي انا متهببة دلوقتي في الاسد ده وعايزه اشوف حترسى على ايه؟!
أخبارك ايه ..؟
وامبارح انا كنت في البيت ماخرجتش لو اديتيني خبر كنت دخلت الدردشة ؟
ازاي ميمي ههههههههه .
انتي فاهمة قصدي *_^
ازيك النهاردة يا ياسممين ؟
انا عايزة اقلك ان صديقتي العذراء مختلفة تماما عن الي ذكرتيها دي عندها شغلها اهم حاجة وكمان كتومة جدا لابعد الحدود ودي من الحجات الي كانت بتبتزني فيها انها تحملني مسؤلية ان انا اقرب وحدة ليها والوحيدة الي بتحكيلي اسرارها فيعني ان انا لازم دايما ابقى عند حسن ظنها وحتى لما حصل اني تركتها اتهمتني ان انا الي جرحتها وطلعت مستهلش حبها ليا.انا اصلي مكنتش اتمنى ان الامور تصل بينا كده لاني بعزها جدا بس وصلت مرحلة اني مش اقدر استحمل تصرفاتها دي وانتي عارفة ان بنات برج التور اد اي هما صبورين وبستحملو بس لما يقررو يبعدو خلاص بيقى كل شيء انتهى.
بالنسبة للاسد الي اعرفه اتجوز بطريقة تقليديةومش بعرف غيره .حبيبتي ياسمين ان شالله ربنا يحلها متنسيش احنا دلوقتي داخلين عالعشرة الاواخر ادعي كتير وقومي الليل وصلي صلاة الاستخارة وان شالله لو من خيرك ربنا يسخره ليكي ويسخرك لي ولو مش من خيرك ربنا يبعدو عنك ويبعدك عنو وعن تفكيرك وان شالله تلاقي الي ترتاحي معاه ويكون من خيرك امين يارب وانا كمان ان شالله حدعيلك معايا ان ربنا ينور بصيرتك وتعرفي نيته ايه..
zainab
ازيك يا ( زوزو )
أنا حاسة اني كسبت اخت ..
والبنت دي.. خطوة ذكية منك انك سبتيها وصدقيني حتندم بعدد شعر راسها واحتمال ترجع تدور عليكي ..
لو حسيتي انها رجعت تاني شارية ارجعي بس ماتقدميش ليها حاجة زي ماكنتي بتعملي اطلبي وخليها هي تقدم واختبريها .. يعني اعملي موقف كده وشوفي حتعمل ايه ؟
هل حتظل متمسكة ولا حتبعد ؟ده لو كنتي عايزة ولا انسيها .
اما بالنسبة للأسد .. ماتخافيش انا مافيش حاجة ازعل عليها لاني ماديتلهوش حاجة .. بس حازز في خاطري اني مش عارفة ازاي اخليه يتقدم .. وربنا يختار الي فيه الخير.
على فكرة تعليقي السابق ناقص فين تعليق نمبر 1؟!
هي التعليقات هنا بتروح فين ^_^
عموما حبدأ بتعليق جديد
تعليق نمبر1*
ودي اجابات لاسئلتك ياقمر ..
ومبقاش بينا تواصل كتير دا انا وهو صرنا بنكلم بعض بالقطارة يمكن مرة كل شهر ونص مرتين ، ووصلنا اننا بنكلم بعض رسايل بس وانا بقيت باردة معاه جدا ومش بدور عليه خالص .. حجاوب على اسئلتك :
قصة الشخص الي حكيتيلي عنه انه أخته كانت عايزاكي ، مافهمتش هو من برج أيه ؟
*اذن لازم تعملي انعاش للعلاقة وتغيري من الاسلوب ده لانه مابينفع مع الاسد وبيخليه مش عارف ولافاهم هو على اي ارض بيوقف وممكن يفكر ان دا مش علاقة حب مجرد اعجاب
انا كنت بعمل كده بالزبط مع الدلو وانتهت علاقتنا بشكل وحش بسبب البعد الغير مدروس لاحظي الدلو بيحب الالتصاق بحببته الاسد لعاب اذا صح التعبير ولازم البعد عنه يجي بنتيجة تطلع عينة علشان يهمد اسلوبك دا ناجح جدا وبامتياز مع العقرب اذا كان اصلا هو كمان بيحب
((يبقى اخ صديقتك ده مقصر على مراته جامد ، وانتي ذكية عارفة وفاهمة الموضوع .))*بصراحة مش مخلي حد يفهم شخصيته مع مرأته عاملة ازاي كنت كتبت بالتعليق الاول انه هو اسد اما برج زوجته ماعرفش وان صحبتي حوت وباقي اخواته اسد ودلو وكنت قلت انهم عصبيين ومش متفاهمين مع زوجة اخوهم الحق ان البنتين اللي هما الاسد والدلو اكثر اتزانا من صحبتي الحوت في علاقتهم بيها يعني مش بيتصدمو معاها زي الحوتية بيهرجو ويضحكو مع بعض وعادي بعد ماتحسنت علاقتهم باستثناء الحوت اصبحت بتجيلهم البيت وتسهر وده بيخلي صحبتي تتنرفز وتقوم تتصل بي وتندهلي اجيلهم علشان نتكلم ومتكون وحيدة قدامها فا بجي وبتعرف زوجة اخوها اني موجودة عندهم فابتحب تتكلم معاي وبكون في موقف بس بعرف اشركهم هما الاتنين في الحديث بدون ماسبب اي حساسيات ^_^
((أول ماتعرفت عليه كان بايع ورافض الجواز دلوقتي بحس انه بيحن للجواز تتوقعي بيكدب؟.))*اممم اتوقع ان كل الاسود بيفكرو بالشكل ده انهم يرفضو الجواز من الشخص اللي بيحبوه في حضرته يعني ممكن كانوع من الثقل مش اكتر وعايز يحرك فيك اي نية اعتراض او موافقة انا كنت مع الدلو جو نفسي بتمنى اليوم اللي نجتمع فيه مع بعض :) وكان هو بيقول انتي بس وافقي وقولي ايوة عايزاك ونا من بكرة حجيب والدي واروح لباباكي واطلبك من واقوله ياعمي اسمحلي اطلب ايد بنتك..وكان بيقولها طول الوقت وكنت برفض طول الوقت :(
دا لاني خايبة اويمكن لاني خفت يقول بعدين انت استغليتي حسن نيتي واختيني على خوانة لانه كان لسع بيبتدي حياتة المهنية يعني صغير
الاسود الرجالة مابيحبوش التقييد الا في الشديد القوي ومعرفش ليه!وهما غالبا بيكونو على قد المسؤولية لو تولوها
*لا استنى لازم تعرفي ايه قصة البنت الدلو افهمي منه احسن لانه بشكل عام بيميل الى الفتاة الدلو .
* ااه الاسد ممكن يستخدم صوته في الايقاع بالاخر والتأثيرعليه هو عارف ان لصوته وقع جميل على الاذن فما بالك لو كان شاطر في الكلام الحلو!! هو بيقدر بصوته يوقعك سابع ارض لما تحسية حزين ولما تحسي ان التمثيل ده محكم اوي اوي اعرفي انه لعب بس لما يكون متدرج ومش على وتيرة وحده اعرفي انه صادق لان اساسا دي طبيعة الانسان بيكون متأثر بس مش لدرجة الموت !
شوفي انا ايام ماكنت بعرف الحمل تعرفت على واحد ميزان بس مش حب لاصداقة ومن اول يوم سرت بقوله ياخالو لانه ظريف اوي وناصح على ماعتقد! الحمل اتجنن من علاقتي بيه ومش فاهمها ومش قادر يقنعني برفضه للعلاقة دي لاني كنت ادن من طين وادن من عجين دا عمل الاعيب علي وكدب وصلي كلام ومش عارف ايه وبرضة مصدقتهوش وقالي اخر حاجة انا عارف انتي مش حتصدقيني ابدا وطلب مني اني احذفه من الايميل ورفضت واخر حاجة طلب مني اني اعمل ايميل تاني لانه مش عايز يكون هو والميزان في ايميل واحد وعملتله :) وانتهت علاقتي بيه بعد كدا لاسباب كتير ولكن علاقتي بالميزان مازالت بنفس قوتها اصدقاء لاكثر حتى الدلو ماحاول يناقشني كتير في الموضوع بس بين انه مش فاهم ايه الميزة اللي تخليني احتفظ بعلاقتي مع الميزان وماكنتش مشكلة بالنسبه ليه.
تعليق نمبر 2*
وفي مرة كان في ثور معجب بي وبسبب تسرعة وكسره للتسلسل الزمني الي بيحصل في العلاقات يعني اولا اعجاب ثم حب ثم ..الخ
مارتحتلهوش وسار يرسل لي ايميلات كتير وعايزني اضيفة فاخبرت الميزان واصلا انا مش متعودة احكيله يعني احنا اصحاب بس مش بنحكي لبعض على كل حاجة ولقيته عصب وطلب مني اني اديله الايميل علشان يتفاهم معاه ورفضت لانه شي خاص بي وبعد كده طلب انه هو يرد على لساني يعني يرد بدالي وسمحت ليه وكان رايه ان مابيفهم على الشاب الا الشاب !
بعد فترة من التفكير في تصرفه سئلت نفسي لايكون بيحبني والحمل كان معاه حق!! فارحت سالته مباشرة ايه لاتكون بتحبني ياخالو قالي لو كنت بحبك كنت قلتلك من البداية وماكنتش استنى كل دا انا بس بحاول احميك لانك انسانة عزيزة وقلت كويس ريحت بالي :)
((يعني ايه يا اسدية اني اتخفف معاه .. مافهمتش النقطة دي ؟
يعني اخرج؟)) * الكلام ده ليه شقين الشق الول في الكلام لما تكونو بحضرة ناس او اي حد خلي كلامك معاه رسمي وحاد بيحب الاسلوب ده من حبيبته مع الاخرين .والشق التاني لما تتخطبو ان شالله خلي لبسك برا البيت كاجوال جنزات وتيشرتات انثوية بيحب ده وجو البيت في النهار حلو انك تعملي زي استايل فاتن حمامة وماجده الصباحي الفساتين القصيرة وبجيبونة والنعومة والارستقراطية والشنيون بيلفتوه ده بجد بيحس انه في حضرة هانم ونتي وشاطرتك بئة هو احنا نعلم الثور الاناقة دي تعلمنا !
اسدية
ازيكم يا جماعة ... ازيك يا ايادي وانثى واسدية اشقتقتلكم كتير !!! بجد والله :)
احنا داخلين على العشرة الاواخر من رمضان ارجوكم ادعولي و انا حدعي للجميع ينور قلوبنا و يشل الهم من صدورنا وميعلقناش بغير نصيبنا !!!
فطارنا النهاردة ملوخية بس من غير ارانب هههههههه تفضلو :)
نغم
اللهم امين يانغم
اسدية
بالنسبة لعلاقته مع الدلو..
انا مش مهتمه عارفة ليه ؟
لانها بتخرج معاه وأخده راحتها على الاخر ..
أختي دلو وكانت تعرف اسد سنة وشوية وكانت بتفكر في الجواز وماعرفش هو عشمها ولا لا انا معرفش بس كانت بتقابله وبيجبلها هدايا وبيتكلموا في التلفون وماعرفش وصلوا لحد فين بس فجأة في يوم لقيتها بتعيط جامد واتخضينا انا وماما بقوة اصلها بتبكي كأن حد قاتلها قتيل وقعدت تصرخ واترمت في حضن ماما واقعدت تقول انها خايفة وبعد كم يوم قالتلي الحقيقة انه خطب وحده تانية ايه رايك؟
عموما انا حرجع اسأله بس اسأله ازاي يااسدية ؟
رجل الأسد كلاكيت تاني مرة(ههههه قال بعمل زي بلوجاتي) أولا بحب أحيي أسدية وأقولها ياجااااامد وبسلم على نغم وأنثى وزينب وطبعا قمر المدونة ياسمين المهم انتي غلطتي لما قالك ابعتي مسج وانتي طنشتي رجل الأسد بيحب البنت الواضحة والعارفة هي عايزة ايه هكمل كلامي لما أخلص شغل عشان عندنا ضيوف...ريما
آه ياريما هو اتضايق كتييييير
وبعديها بعتلي مسج يسألني ( فين الرسالة ؟) وانا رديت عليه بقولوا ..
ماتستعجلش وحسيته قلب معايا.
ياسمين ازيك ياحببتي قريت كلام اسدية وكلام ريما
ريما عماله تشوقنا ونفسي اعرف بقيت معلوماتها عن الاسد
عندك حق يا ياسمين الاسد بيجي في المرتبة التانية للعقرب والجوزاء
بصي معلوماتي قليلة اوي عن الاسد
نبرة صوتهم قوية وتاثيرها قاتل انيقين مسرفين كرماء لو عايزين حاجة مش حيقولوا عايزين بيستنوا الحاجة تجيلهم لعندهم
راح اكمل ياقمرات بس انتظرو علي شوي انا اهو بستعد لكتابة التعليق الي بعد كده بس عايزة اعرف يايسمين هو التعليق الاولاني خالص ليه مش منشور؟
لان في معلومات كويسة اذا موصلكيش ابعته تاني اوكي واستحملوني انا النت عندي وحش خاااالص فاستحملوني ان شالله مش حانام الليلة الا وانا مخلصة وموضحالك بلاوي سي اسد^_^
اسدية
رجل الأسد جنتل مان لما تطلعي معاه بيفتح لك باب العربيةوبيسحب لك الكرسي في المطعم ومستحيل يخليكي تحاسبي على أي حاجة وانتي معاه وكمان مستحيل يمد ايده على أي أنثى بالنسبة للجواز أغلبهم بيميلو للجواز التقليدي بس لو عجبته وحدة وكانت محتشمة ومؤدبة وأهم حاجة معجبة بيه بيتقدم بالنسبة للخطوط الحمراء مثلا بعضهم بيطلب انها تتحجب هما بشكل عام غيورين...ريما
أهلا يا أنثى .. وحشتيني ياروحي .
ماني قاعدة أهه انتظر زيك بقيت الكلام من ريما واسدية ..
بس ماشاء الله مخهم حلو وانا عرفت ده من تعليقاتهم في بوست العقرب ،
انا مش عارفة اعمل ايه دلوقتي ؟
انا بفكر احصر التواصل بينا على الايميل مادام مش راضي ينطق.. ومش عارفة ده صح ولا غلط ؟ .
وانا بقيت مترددة دلوقتي هل ابعت رسالة اقوله انا عايزة جواز ؟
ولاحظي ده مش عقرب ومش عارفة ردة فعله حتبقى ازاي ؟
وانا بعد الي حصل مع اختي ،أصلها بقت لما ينذكر سيرة اسد بتحسي اننا جبنا سيرة شيطان وبتعقد تسب فيه وفي الساعة الي شافته فيها ،فأنا اخذت حذري لما اتقابلت معاه بس الظاهر اني زودتها شوية . اذا فاضية اطلعي الدردشة .
حلو يا(اسدية) حلو يا(ريما) ..
اسدية انا لقيت التعليق الاول ..
اصلي مع السرعة في القر اءة مانتبهتش انه التعليق ماتنشرش وخليته على جنب وانا براجع لقيته ونشرته .
وانا منتظراكي يا(اسدية ).
(وريما )انا بس متخوفة من حاجة انا عنيدة ياجماعة وخايفة انه يحصل تصادم وفي نفس الوقت ردود فعلي بطيئة بحتاج وقت .. مش عارفة ؟!!
معلش يابنات استحملوني الضيوف لسه موجودين وشكلهم هيتسحرو عندنا الليلة قال بعمل نفسي ست بيت لاسمح الله ههههه على فكرة الأسد بيحب الأكل وهو سااااخن ولو برد مش بياكل وهو متطلب شوية في الكي يعني مش أي كي لهدومه بيعجبه:) بيحب يلبس ماركات عالمية وجملته المفضلة(الغالي ثمنه فيه) بالنسبة للتجاهل هوبيكره ان حد يتجاهله يعني اتقلي بس بلاش تجاهل ولما انتي مبعتيش المسج ده كان تجاهل في نظره فيه نقطة مهمة عن الأسد وهي انه بيتأثر قوي بدموع الست وبيتجنن لوشاف دموعها شوفي ياياسمين امتى كان موضوع الرسالة ده؟لو كان قريب تقدري تقلبي الموضوع لصالحك أنا لسه عايزة أكتب أكتر لو مقدرتش الليلة هكمل بكرا ...ريما
اجمل حاجة ردود الافعال البطيئة بتخليكي تتصرفي صح نصيحة مني الاسد طائش و متسرع و احيانا بيحب لمجرد الحب انا كنت اعرف اسد معاي في الشكل خاطب وحدة جوزاء ومجننها و عند اسلوب التمنن والفشخرة المبالغة والاستعراض ... و كان بيحب عليها معرفش بحسهم بتوع شكليات بيلفتو النظر صحيح لكن لما تحتكي معاهم كبرج ترابي بتبقي مش قادرة تسيطري على الموقف دول بيطمسو شخصية البنت الي بحبوها عايزين يقررو تلبسي ايه و تاكلي ايه وتتكلمي ازاي يعني بلمختصر لو مقتنعة تغيري نفسك و تصبحي عجينة بيشكلها زي ما هو عاوز توكلي على الله ههههههه
نغم
انا في الدردشة ياانثى ..
وزينب ونغم اي وحده عايزة تحصلنا .. تديني خبر حقولها احنا فين.
ردي على التعليق 2
(( هو عموما مش عاوز وحد تتغير او تتطور اعتباطيا يعني برضه الحته دي بتجذبه)) يعني ايه يااسدية الكلام ده انا مش فاهمه ؟
وبعدين تغيير زي ايه مثلا ؟ * يعني هو عايز وحدة ماعندهاش مانع تتغير ومتكونش واقفة في مكان واحد طول عمرها مادام دا التغيير بيجي في مصلحتها يعني تغيير بذكاء لو تلاحظي المرأة الحمل تتغير لمجرد التغيير ماعندهاش بعد نظر طبعا ماعتقدش ان كل الحملات كده بس كتير منهم دا النوع مابيحبوهوش خالص لانه مابيحسسه بالامان.
والتغيير دا زي مثلا اسلوب حياتكم حسيتيه انه بقا ممل عايزة تعملي حاجة تغير من الروتين او تغيير في مجال عملك ممكن يفتح ليك ابواب اخرى كتير افضل اجتماعيا ومعرفيا يعني تتطوري دائما ويفضل انك متستنيش لغاية ما التطور يطرق بابك وتظطري ليه يعني افضل بشكل عام تكوني خلاقة مش عشانه نو وانما علشان تحسي ان الحياة بتبقى فعلا افضل.
اعمل ايه يااسدية ؟ انسى موضوعه ولا اتصرف ازاي .. اصلي فقدت الامل فيه مع انه عاجبني . ده تاني شخص يعجبني بعد العقرب والظاهر انها حتروح على مافيش .وبعدين آخر مرة قالي انتي عايزة مني ايه .. وانا ماردتش فقام قالي اكتبي الي انتي عايزاه في رسالة على الموبايل او الايميل وانا طنشته . *حلو جدا جدا سؤاله دا وعجبني بس كمان اقلقني !!
وحفسر هو بيحب الشخص اللي بيكون واضح ومحدد بس بيني وبينك دا صعب بالنسبة للبنت وموضوع الارتباط ونا حاسة بحرجك من الموضوع وهنا لازم في حل وسط ...والحل الوسط دا بيعتمد على طبيعة علاقتك واحساسك هل مشاعره دي ملحوظة ؟هل قالك ان مغرم بيكي بس ماتكلمش بموضوع الارتباط...لانه في اسواء الظروف يمكن هو عايز يفهم انت بالضبط عايزة ايه فايقوم يقولهالك على بلاطة انا معجب بيكي بس بحب وحدة تانية .. فاحذري من التسرع لان الاسد احيانا بيكون وقح في ردوده وبيحب يوقع المعجبين على مدبح غروره!!
ردي على التعليق دا وحنشوف وربنا معانا ^_*
انا هناك اسفه كنت قمت ورجعت
تعليقك الاخير يااسدية حسسني انك فاهماني بجد..
بصي حتة التغيير انا فهمت عليكي ، نجي للنقطة التانية المهمة ..!!
((قالي اكتبي الي انتي عايزاه في رسالة على الموبايل او الايميل وانا طنشته . *حلو جدا سؤاله عجبني بس كمان اقلقني ))
بصي ياستي انا سبته بتاع 6 تشهر وبعترف انه الجنونة طلعت معايا وعملتها .. اصلي بتجيني حالة احساس بالذنب وحتة تدين كده واقوم قافلة كل الموبيلات ورامية الشريحة بتاعة الاتصال ومعتكفة عن الرجالة .. فهمتي عليا ؟
ومن سوء حظي او من حسن حظي بعد الست اشهر دي ، تقدري تقولي حنيت ، يعني هو كان ذوق وكمان وقف جنبي في موقف اصله حصلتلي مشكلة في الشغل ووقف جنبي جامد وكان بيكلمني ويسأل عني و يساعدني بكل مايقدر كأنه بابايا او اخويا الكبير.. انا ماقدرتش انسى موقفه .. وقمت راجعة ومكالماه بعد المدة دي وهو رد عليا واستغرب جامد وفرح وقالي لا لا مش ممكن ؟
انتي بتحبيني ؟ قلتله بتقول كده ليه ؟
اصلك مستحيل ترجعي لحد بعد الفترة دي لو ماكنتش بتحبيه انا عارفك..
قلتله انت عزيز وغالي وانا معجبة بس مش بحبك.. انت بتحبني ؟ قعد يلف ويدور علياويقول نفس كلامي نفس كلامي بالضبط ( جاته خيبة )
ودخلنا بقى في جو الحب بس مش كتير
يعني بيحاول معايا بس انا بصد. اصلوا فاكر مادام رجعت كلمته يبقى حترمي في دباديبه .
طبعا انا بديت المح للجواز وهو فاهمني بس عامل نفسه مش فاهم .
وفي النهاية بديت ارجع ابرد تاني معاه اصلي حسيته مش ناوي يتحرك فرجعت باردة وهو برد واخر حاجة حشرني في الزاوية وقالي ابعتي مسج بلي انتي عايزاه .. وطبعا مستحيل ابعت مسج لراجل خصوصا الراجل ده اقوله انا عايزة جواز صدقيني لو عقرب كنت حعملها بس معاه هو حسيتها بايخخخخخة
فمرضتش وعملت نفسي مش فاهمة ..
وعموما هو ماقلش انا بحبك.. دايما بيقول انا معجب والمشكلة انه دايما بيخليني انا ابتدي بالكلام مش هو وعلى حسب كلامي هو بيجاوب ويعمل زيي فهمتي ؟ ( ربنا ياخده )
عيب المرأة الدلو انها مابتعرف تحسس الاسد بالامان فابيفقد توازنه معاها ودا ينطبق على المرأة الاسد والرجل الدلو ايضا!
لو تقدري تسئلي اختك اسئليها عن تجربتها .. بس بشكل عام لما بنتصدم في حد حبيناه وافتقدناه بشكل قاسي على طول بنقول هو السبب هو اللي دفعنا للتصرف بدي الطريقة او نقول انا ماعملتلهوش حاجة جايز ماعملناش بس ماعرفنا ندير دفة العلاقة لصالحنا مش الحياة بالنهاية مصالح مشتركة...ومنافع ... وبعد مدة من الفراق بتلاقينا بدانا نحلل الوضع ونفهم بس دا بيجي اكتر مع النضج .
اعتقد انا الرجل الاسد مش زي البنت من ذات البرج هو سهل انقياده نوعا ما لاهله يمكن لانه بيحس ان دا جزء من المسؤولية انه يسمع كلامهم وكمان لانه بيقول اليوم اعمل اللي هما عايزينه وبكرة اعمل انا اللي عايزة يعني يحب وحدة تانية يتزوج وحدة تانية ... وغالبا مابيحصل دا بسبب الاطفال لانه بيفكر في اولاده واحيانا لو مراته ذكية بتعرف تكسبة فابينسى الرغبة دي
((عموما انا حرجع اسأله بس اسأله ازاي يااسدية ؟)) *فهميني اولا شكل علاقتكم وبعدين نشوف الحل الوسط ^_^ اوكي
((عندك حق يا ياسمين الاسد بيجي في المرتبة التانية للعقرب والجوزاء)) *فهموني بتقصدوا ايه؟
((وانا بعد الي حصل مع اختي ،أصلها بقت لما ينذكر سيرة اسد بتحسي اننا جبنا سيرة شيطان وبتعقد تسب فيه وفي الساعة الي شافته فيها ،فأنا اخذت حذري لما اتقابلت معاه بس الظاهر اني زودتها شوية . اذا فاضية اطلعي الدردشة .)) * ههههههههههه دا من عيوب الدلو مع الاسد بيدبحة وبعيدن بيصرخ منه ^_*
((جمل حاجة ردود الافعال البطيئة بتخليكي تتصرفي صح نصيحة مني الاسد طائش و متسرع و احيانا بيحب لمجرد الحب انا كنت اعرف اسد معاي في الشكل خاطب وحدة جوزاء ومجننها و عند اسلوب التمنن والفشخرة المبالغة والاستعراض ... و كان بيحب عليها معرفش بحسهم بتوع شكليات بيلفتو النظر صحيح لكن لما تحتكي معاهم كبرج ترابي بتبقي مش قادرة تسيطري على الموقف دول بيطمسو شخصية البنت الي بحبوها عايزين يقررو تلبسي ايه و تاكلي ايه وتتكلمي ازاي يعني بلمختصر لو مقتنعة تغيري نفسك و تصبحي عجينة بيشكلها زي ما هو عاوز توكلي على الله ههههههه)) * نغم مين فينا مابيكون طائش في مرحلة من مراحل حياته بنفضل كذا لغاية مانتخبط خبطة جامدة تفوقنا ودي ضريبة النضج والكلام دا عام مش بس على الاسد العقرب طائش وبشدة ليه مش بنشوف طيشه ده عارفه ليه لان الاس دلوع وبيدلع نفسه فالناس بتلاحضه اكتر من غيره مش اكتر :) .
اسدية
وبعدين ياجماعة العقرب بيفهم من التلميح ومن التطنيش اما الراجل ده .. كأنه حيطة .
لا ياعسل مش حيطة بس دا اسلوب هروب لانه شيال للمسؤولية فابيعرف همها لذا مش عايز يجيب هم فوق هم !!
بس المشكلة لازم من الهم دا ^_*
والله العقرب اللي عرفته لافهم ولا حاجة عايزيني اقول انطق بالي عايزاه!
عارفة يانغم متى يطمسو شخصية شريكتهم لما يحسو انها اما خايبة فابيحاولو هما غيروها للصورة اللي بيتمنوا انها عليها او تكون قوية اوي لدرجة معاها نسيت انها شريكة فاهنا برضه بينغص عيشتها لعلها تستسلم وتسلم الدفه ليه:)
اسلوب المن دا يعود للتربية والشخصية الركيكة الي مش واثقة بنفسها او الشخصية الي حاسة بالظلم يعني بشكل عام هو موجود بنسب متفاوتة في كل مخاليق ربنا بس بيزيد عند ناس ويكاد ينعدم عند ناس .اسدية
ههههههههه ربنا ياخده عجبتني قوي شوفي يا ايادي الراجل الي مبيبادرش نصيحة مني سيبك منو ده عقربي كان مبيبادرش خالص غير لما قلي بحبك يقطعو لاخر !!!
ابعدي عن الموضوع شوية و بصي من منظور خارجي حتقيمي تصرفاتك و تبتدي تمسكي خيوط المعضلة الاسد مش زي العقرب يا ستي مش عايز حل الغاز صح؟
نغم
شوفي ياياسمين أنا فاهمة عليكي طبعا صعبة انك تبعتي مسج وتقولي عايزة جواز وكمان صعبة عليه هو انك مترديش بردو كان المفروض انك تبعتي(انت عارف أنا عايزة ايه والواحد لازم يخش البيوت من أبوابها)وبالنسبةلردود فعلك البطيئة دي ميزةلأنه عصبي شوية ولازم حد يكون بارد في العلاقةولو تسرع وغلط ردود فعلك البطيئه هتخليه يعتذر ويقعد عند رجليكي أما بالنسبة لعنادك متخافيش لأنك لوحبيتيه مش هتركبي دماغك وهتسايسيه شوفي انتي اعمليله جو انك بتسمعي كلامه بعدين اعملي اللي في دماغك يعني الحاجات الأساسية ناقشيه والباقي هاوديه الأسد طيب وحنين انتي متاخديهوش من جانب عقلاني يعني متجادليهوش لأنه هيبقى أعند منك خديه من جانب عاطفي يعني طبطبي وقولي عشان خاطري هو عايز الجو ده(الكلام ده بعد الجواز)وبعدين زي ماأنثى الثور عنيدة هي حنونة جدا جدا جدا أنا مبشوفش فيها عيب غير العناد يعني لو مفيش عناد مش هتبقى بشر دي هتبقى ملاك يعني انتي كنز ومش هيلاقي أحسن منك في الدنياانتي ادعي ربنا لو فيه خير يقدمه ولو مفيش خير ربنا يصرفه ويديكي سيد سيده(دي دعوة ماما ههههههه)على فكرة الأسد بيموت في الأطفال لو اتجوزتو وخلفتو بنت سموها ريما هههههههه والاسد دمه خفيف كمان يعني لو قاعد مع المقربين بيبقى دمه عسل بس بيبقى تقيل مع الأغراب وبلاحظ انه بيحب أمه جداأنا هروح أصلي قيام الليل وهدعيلك ياسكر ربنا يوفقك...ريما
((بصي ياستي انا سبته بتاع 6 تشهر وبعترف انه الجنونة طلعت معايا وعملتها .. اصلي بتجيني حالة احساس بالذنب وحتة تدين كده واقوم قافلة كل الموبيلات ورامية الشريحة بتاعة الاتصال ومعتكفة عن الرجالة .. فهمتي عليا ؟)) * نفس الحالة اللي بتحصلي لما بكون في علاقة حاجة غريبة ولعلمك هي سر تعاستنا يعني هو الحب حرام ولا احنا لاننا مش عارفين ازاي نوجه العلاقة لطريق نرضى عنه فابنهرب منها ونرجعلها لما نحس بالشوق واول مابننعم بجو المشاعر بنرجع تاني نهرب خايفين من ايه بالضبط من الشخص اللي حبيناه معناه اننا اساسا اختيارنا غلط او دوافعنا مريبة O_O
اكتر مدة لعلاقة خضتها كانت مع الدلو فاهو اكتر واحد تعلمت منه عيوبي ..واسلوبي ده هو اللي بعدنا عن بعض وحسسنا بالغربة واننا قادرين نعيش من غير الطرف التاني مش فارقة ×_×
بلعكس اللي حصل ده من حسن حظك لانه ممكن يسهل المهمة الجاية ^_^
بتقدري تشوفية وتقابلية او مجرد تليفونات ومسجز او ايميلات ..!
عموما في كل الاحوال حاولي انك تشركيه معاكي في حوار طويل الى الحد اللي بيسمح ليكي انك تستدرجية ليقول رأية في علاقتكم من مفاتيحه سؤاله عن رأيه في العلاقة بس بدون مايحس انك بتفرضي عليه السؤال يعني سؤال في جو مريح ومطمئن
اذا ماقدرتي تطلعي منه لابحق ولاباطل استشيرية في علاقتكم مثلا تعتقد انه ينفع نكمل ونت عارف ان مشاعري تجاهك اقوى من مجرد اعجاب دا لوحسيتي كمان ان مشاعره اقوى من مجرد اعجاب لان ممكن تلاقي عنده حل وربط لمموضوع لما تطلبي مشورته بضعف الانثى الراقي مش المستهجن واول ماتحسي انه ابتدأ يفهمك بوضوح بمعنا انه بدأ يتكلم بشكل واضح اوي ليكي ادخلي في صلب الموضوع ونظري مباشرة لعيونه وشوفي نظراته بتوحيلك بئيه وحاولي ان لايراوغ في الايجابة وفهمية ان علاقتك بيه متوقفة على نظرته للعلاقة وامتدحيه وتفنني في اساليب المدح بس المدح المنطقي مش العمال على بطال لانه وان بدأ انه متقبل للمدح هو عارف انه كلام فارغ.
هنا حتى لو الرد ماكان زي مني عايزة بيكون اخف بكتير من المصارحة والطلب الجاف على الاقل انتم تشاركتم بمستقبل علاقتكم ولما شفتيه مش مهتم انتي نسيتي الموضوع..
((وعموما هو ماقلش انا بحبك.. دايما بيقول انا معجب والمشكلة انه دايما بيخليني انا ابتدي بالكلام مش هو وعلى حسب كلامي هو بيجاوب ويعمل زيي فهمتي ؟)) حلو يعني زي ماخطتنا بتقول انتي هيئي الجو ابتدي بالتساؤلات وطلب الاستشارة وسيبي الباقي عليه بس اعرفي اولا ازاي تختاري الوقت المناسب اوكي حتى مايكونش في اي تشويش على تفكيركم... اوكي ^_*
اسدية
طيب يااسدية انا اليوم طلبته يبعت ايميله .. كتبت له رساله قرب الفطار قلت فيها ..
( مرحبا يافلان ، انا فلانه ابعت ايميلك ) دا كان قرب ادان المغرب ماخلصتش الصلاة الا وبعته.. انا توقعت انه حيطنشني يومين ثلاثة بس لا .. بعت الايميل ..
الظاهر انه متوقع اني حبعتله الرسالة ههههههههه.
وانا طلبت الايميل لاني قررت اني ارجع احصر العلاقة في الايميل بس مادام مش راضي ينطق وكتير عليه يسمع صوتي وقلت يمكن بقى يشتاق .. بس خايفة انه مافيش فايدة وحيمشي معايا زي ماانا ماشية .. يبقى ساعتها اقطع شعري واكتب لافتة ( منك لله يااسد وربنا على المفتري هههههههه ) .. وبعدين على فكرة انا مقدرش ابدا ابدا اسأل اختي عن علاقتها بالاسد وشها بيقلب على طول وبيبقى وحش فمش حقدر اسألها .
وحتتة اننا بنقطع لما بنكون سعداء اتوقع انه صحيح .. يابنتي انا بقالي فترة طويلة منفصلة ومش راضيه اسلم مفاتيحي لراجل بعد الطعنة الي اخدتها من الميزاني . وبالفعل انا بحس اني اقدر اعيش من غيرهم .. وعايشه اهه ومبسوطة .
وبالنسبة لاني استدرجه في الكلام مش محتاجه ده بيتكلم يابنتي بالساعتين وثلاته ، بيبقى يخرج من موضوع ويدخل في موضوع لدرجة انا مش عارفة الراجل ده عايز يقول ايه .. بس اتوقع انه بيرتاح في الفضفضة واحيانا مش بناقش كتتير بسكت واسيبه يتكلم ويتكلم ويقول كل الي عايزه .ومرات بأيده ومرات بتدخل في النقاش لو شفت انه محتاج اتكلم .
بصي انا فهمت من كل كلامك خصوصا البارت الاخير اني :
1- اهيء جو عاطفي او حتى مريح لينا .
2- ابدأ اسأله ( ايه رأيه في علاقتنا )
3-اذا مانفعش اسأله ( انت شايف اننا ممكن نكمل مع بعض .. وممكن المح اني مياله له وقلبي ضعيف ناحيته ) كده يعني ؟
4-افهمه انه علاقتي بيه متوقفة على نظرته لعلاقتنا .
5- لو اداني الكلام الصحيح يبقى خير وبركه لو قال كلام يخفف بيه من رده على انه العلاقة مش مهمة لدرجة دي يبقى احترم نفسي واخد بعضي وعلى اقرب اكس في الصفحة بتاعت الايميل اضربها واخرج ههههههههههههههه.
6- حاضر حختار الوقت المناسب زي ماطلبتي في الجزء الاخير.. صح كده ؟
نغم حببتي ..
انا فاهمة كلامك ، انه الراجل الي مابيبادرش يبقى ياخد على نفوخه ..
بس انا بقى ركبت دماغي وحتخذ كل الاجراءات الازمة لأصطيادة وياقاتل يامقتول ..
حجرب كل الطرق الممكنة كل الطرق الممكنة قبل ماارفع الراية البيضاء واقول ياجماعة انا بستسلم واعلن الهزيمة هههههههههه .
فحجرب طريقة اسدية وانثى وريما .. حجرب كل الطرق الممكنة .
وربنا على كل جبار هههههههههه
ممتاز ياعسل ^_*
ومدام انه بيتكلم ويتكلم يبقى اما مرتاح ليكي وبيحمل مشاعر حب او مرتاح ليكي بس كاصديقةههههههه>> ماجبتش حاجة جديدة>
ربما استعجالة في ارسال المسج بيميله دا بيعني انه مهتم جدا باللي راح تقوليه ..اتمنالك محاورة موفقة
وانتبهى لنفسك ونتي بتتكلمي معاه لايبان التوتر او وضفية بذكا بينه في حتت واخفيه في حتت.
على فكرة لو رحت على اول اكس وحذفتيه اتوقع راح يأثر فيه جامد جدا وممكن يدي نتيجة ايجابية بس مش من اول انهزامية في الحوار لا كوني متوقعة ان الكلام بينكم قد يتعرض لشد وجذب لحد ماتحسي انه فعلا انتهى الحوار وماتبيني له ان صبرك نفد او منزعجة من مروغته او ثقله او لفه ودورانه ...بعدها اعملي الي قلتي عليه ^_* لو بتقابلية حاولي تكون نظراتك حانيةلكن بدون تذلل له.
على فكرة هو من نوع الرجالة الي بتحب الست الي بدور على مصلحتها او بمعنى اخر بيحترم رغبتك في بروزة علاقتكم في اطار شرعي حتى لو ابدأ رفضه يعني صورتك مش راح تهتز بلعكس هو جواه بيتمنى لو كل البنات تعمل كده ومتمشيش في علاقات سطحية يعني اوعي تحسي بالاهانة او الحرج من طلبك لانه شي مفروض من اتنين بيحبو بعض وصادقين وجادين O_O(جادين الكلمة دي فكرتني بمكيدة اتعملت بي من شهر حسبي الله ونعم الوكيل راح احكيلكم عليها يوماماوحتندمو اني حكيتلكم من بشاعة المكيدةوللاسف من ناس قريبين لي,,,وعجبي!!
اسدية
متشكرة اوي ياسدية :
وماتخافيش حعمل الي اتفقنا عليه .
وعلى فكرة انا فكرت
ماعملوش اضافة الا بعد اسبوع يكون شيب شعر راسه ..
واستوى على نار هادية
ايه رايكم ؟
ازيك ياياسمينة النت فصل عندي انا لو ينفع تسألي اسدية عن اقتراحي لو وافقت عليه يبقي نفذية وتوكلي علي الله وربي يوفقك ونسمع اخبار حلوة وشذي كمان اختفت نفسي اسمع عنها اخبار حلوة
بصي ياانثى :
اكتبي الطريقة الي قولتيلي عليها في الدردشة وصدقيني احنا مش خسرانين حاجة بالعكس دي محاولات وطرق مختلفة بتوصلنا لهدف واحد .
يشبه لما تقعدي تحلي معادلة بطرق مختلفة لحد ماتوصلي للحل الصحيح انا هدفي من المدونة دي اننا نستفيد كلنا.
((ماعملوش اضافة الا بعد اسبوع يكون شيب شعر راسه ..
واستوى على نار هادية )) *مش دا يعد تجاهل مع سبق الاصرار والترصد.. يابنتي لو هو اللي كان طالب الاضافة ممكن بس انتي الي طلبتي.. يبقى احسن حل يناسبك هو انك تضيفيه وياليت يكون دلوقتي علشان احتمال يكون مش على الجهاز وتقفلي الاميل ومتبانيش الى باخر النهار 5دقايق وياليت يكون في وقت هو مش اون لاين تبعتي ليه ترحيب مش اكتر وتقفلي وتسني لليوم التاني ومتدخليش الا لما تحسي انه فات تلات ارباع الوقت وهو اون لاين تجلس بتاع 15 دقيقة وتعتذري بالانشغال وهكذا الى ان يحين موعد المصارحة وتاكدي لو هو بيحبك بجد حيكون انشغل وعايز يعرفك اكتر يعني اسلوب تجاهل برئ بتجهلك بس مش قصدي والله ^_^>>اشوفكم مساءا
اسدية
أنا عملتله اضافة
أول ماقمت من النوم ..
وحبعت الترحيب زي
ماقولتي بس ابعته فين ..
( رسالة على الايميل ولا
اوف لاين على المسن ) ؟
وأكتب فيه ايه ؟
أصل دي اول مرة اعمل كده .. وناوية اجرب كل الطرق الممكنة ..
انا طريقتي مش جايبة نتيجة معاه خالص .
ياسمين حبيبتي انا متابعة يبقى طمنينا حيصل ايه.
دعواتي أن تحتويكِ دنيا الفرح في كل أمر*
وأن ترعاكِ عين الرحمن أبد الدهر*
وأن يبارك الله لكِ في مالكِِ وأهلك*
ويرفع منزلتكِ بين خلقه إن شاء الله *
ويجعل الخير في يومك وسائر أيامك.امين يارب
انا كنت عايزة اخذ رايك بخصوص عقربي بس مش عارفة انزل الموضوع فين ايه رايك لو عملتي موضوع ثابت تحت عنوان فضفضة وكده يبقى كل وحده فينا عايزة تتكلم وتاخذ راي البنات براحتها اي رايك بالموضوع؟
zainab
((رسالة على الايميل ولا
اوف لاين على المسن ) ؟
وأكتب فيه ايه ؟))
امممم مش عارفة ايه اللي تحسيه يناسب اكتر عموما مادام انكم راح تتكلم كتير على المسن يبقى على المسن افضل واذا حتقضوها ايميلات يبقى ايميل اوكي.
((وأكتب فيه ايه ؟)) ايه بتكتبي انتي عادة زي مابتكتبيله او بتتكلمي معاه مش لازم يكون فيه فرق جامد في الشخصية الاكترونية والشخصية الواقعية اوكيك ^_^
ممكن ترحيب مع شوية هزار الاسود بيبحو الجو المرح باعتدال واختمي بـ see u later مع وش مرح
((رسالة على الايميل ولا
اوف لاين على المسن ) ؟
وأكتب فيه ايه ؟))
امممم مش عارفة ايه اللي تحسيه يناسب اكتر عموما مادام انكم راح تتكلم كتير على المسن يبقى على المسن افضل واذا حتقضوها ايميلات يبقى ايميل اوكي.
((وأكتب فيه ايه ؟)) ايه بتكتبي انتي عادة زي مابتكتبيله او بتتكلمي معاه مش لازم يكون فيه فرق جامد في الشخصية الاكترونية والشخصية الواقعية اوكيك ^_^
ممكن ترحيب مع شوية هزار الاسود بيبحو الجو المرح باعتدال واختمي بـ see u later مع وش مرح :)
ابعتيهاالان اوكي الا اذا كان اون لاين انتظري حتى يخرج بوقت وابعتي...بس ماتطوليش كتير على المصارحة لان التطويل في حالتك بيعتبر لف ودوران يعني كم يوم كده وادخلي في الموضوع.
ايه رأيك تقلبي الموضوع عليه بيقولو ان أحسن طريقة للدفاع هي الهجوم يعني لما يعاتبك على التجاهل اللي حصل منك قولي طب انتا عايز مني ايه؟ولو تهرب من الاجابة قولي اللي أعرفه عنك انك صريح وبعدين انتا الراجل كده هتلخبطيه وهيضطر يفاتحك في الموضوع بالنسبة للاضافة يفضل تكون رسالة عالايميل...ريما
السلام عليكم الي اسدية وريما
انا اقترحت علي ايادي انها تعاملة باسلوب الشد والجذب
يعني تتخفف في الكلام بدون ان ياخد شيء
يعني تحكي معاه مثلا انها بدها تخرج وتغير شكلها تشتري ملابس محتارة تشتري اية وتسالة تفتكر اشتري الوان اية يبدأ يتكلم وبعدين تنهي الكلام بدون متعطي اجابة اذا كانت حتنفذ كلامه ولا لا
مثلا تحكي انها غيرت قصة شعرها وانه امها عجبتك واخوانها عجبهم شكلها الجديد ولايق علي وجهها كتير وتحفة وجميل لغاية ميطلب انه يشوف صورة فتحكي انه مو اخوها عشان يشوف صورتها وياريت كان اخوها حتي تعرف رئية
مثلا اذا طلب انها تهاتفه تساءله ليه اذا حكي ان صوته بده يسمعه تخبره ليش هو ما يتصل بيها اذا كان بده حقيقي يسمع صوتها واذا قال راح يهاتفها حالا تخبره ان بعد ماهي حكت انه هو اللي يتصل هو وافق وان لازم يكون من حاله
الاختصار
تخليه هو اللي يطلب ولما ترفض ترفض من غير متقول لا ولما توافق توافق من غير متقول نعم تعطيله احساس بالموافقة بدون ما تحكي شي ملموس
شو رئيكم
(زوزو) العزيزة :
دا انتي تأمري أمر ياقمر ..
دا انا حفتحلك بدل الموضوع عشرة لو تحبي..
ادخلي فيه واكتبي كل الي انتي عايزة وفضفضي براحتك وفي كل حاجة ..
انا والبنات حندخل ونفضفض وحنكون موجودين ..
ومتشكرة أوي أوي على الكلام اللطيف الجميل الي قولتيه .
انشاء الله حتدخلي بعد الفطار ، بالكتير حتلاقي الموضوع .
أنا براجع كل تعليقاتك يااسدية :
ولو تقدري ياحببتي جاوبيني على اسئلتي ..
*(( موضوع الخطوط الحمراء بمعنى انك ماتخرجيش اي حاجة الا اذا كانت بتزيد في تلميعه ))
طيب لو حصلت مشكلة .. الوحدة هنا تعمل ايه .. ؟
يعني مثلا حصلت مشاده ورفع ايده .. أو مقصر في مصروف البيت ومصروف مراته
أو بيسهر طول الليل لوقت متأخر بره البيت – بيسافر لاماكن مش كويسة ؟ تعمل ايه ؟
*((سبب الهدايا الغالية دا اولا يعود لذوقة بس لو كان ذوقة عالي راح تكون هديته ذات قيمة عالية))
طيب يعني الست تطلبه يجيب هدية معينة يعني ؟
ولا هي تشوف راح يجيب ايه ؟
يعني عندك انا .. بحب الذهب والالماظ .. يبقى اطلبه صريح ولا المح بس ؟
وبعدين هل ممكن يقول على الست الي بتطلب كده انها مادية؟
*((مش عايز وحدة تتجاهلة))
للاسف للاسف للاسف .. انا معرفش بعمل كده ليه ؟!!!
يابنتي انا بتجاهله بشكل مش طبيعي .. مع انه والله ماعمليش حاجة بالعكس دا ذوق ومش بيضغط .
مقارنة بالباقيين مش بيضغط .. ولو حس الست مش عايزة بيحترم نفسه ..
يمكن يسكت ويقول في غيرها ؟ ولا انا يتهيألي ؟
*(( زي ماحصل معانا قبل البارح لما جيت للشات وبشوفكم وانده عليكم ومحدش بيرد ))
انتي امتى جيتي الشات ؟!!!
وتقصدي شات الشلة الي بندخل فيه ؟ ولا تقصدي المدونة هنا ؟
وبعدين ليه ماتركتيش رسالة ..؟!!
طيب والله انا تفاجأت بكلامك دلوقتي ولو اعرف كنت هجمت عليكي .
*(( اذا كانت العلاقة في البداية يرغب الحديث المطول واذا
زي العسل يحب يكلمك كل شوية واذا فيه توتر بيهرب))
بصي هو جات فترة كان بيتصل مرتين في اليوم ( الصبح وباليل وبرضه بيقعد يحكي وانا احيانا لما
بجي ارد على الاتصال التاني بشيل هم واحيانا بكنسله.. اقول دلوقتي احنا حنتكلم في ايه ؟
بس بنلاقي كلام وبنرغي ..المشكلة انه انا مش بحب الاتصالات الكثيرة
يمكن عشان مش عايزة اتورط .. يبقى تلاقيني محددة مع الشخص ومن البداية
اني مش حقدر اكلمه الا كل ثلاث او اربع تيام.. فاهمة عليا..؟
اولا: انا بتعب من الموبايل ومن الاتصالات الكتيرة بنخنق .
تانيا: ماعنديش حاجة اقولها .
ثالثا :مش عايزة اتعلق.
فتلاقيني بخفف معاه ، هل كده غلط.. واذا غلط أعمل ايه معاه ..؟
وايه هي المواضيع الي بتجذبه اكثر في الكلام ؟
ياسمين ياقمر مرديتيش على تعليقي امبارح والنهارده قوليلي رأيك؟ بالنسبة لأنثى فكرتك ذكية وحلوة اعتمديها توكلنا على الله كأننا داخلين حرب ههههه...ريما
(( هو لما يشوفك مش واضحة ومحددة ومش مهتمة بيفضل يسأل نفسه هي ليه مستمرة عايزة ايه ))
انا مش واضحة ومش محددة ..
ودايما بكرر انها بتجيني حالة مزاجية وممكن اقطع ..
ومصرة على نفس كلامي يمكن زي ماقلتي بشوف السعادة كتير عليا .
فهو بيزعل ويقعد يسألني ليه ؟
((ممكن تلاقيه بيفكر يقطع العلاقة بس دا مش صحيح))
هو بيقطع اذا انا تجاهلته مرتين ثلاتة بعدها مش بيتصل الا بعد اسبوعين مثلا او شهر .
((هوعايز يلفت انتباهك انه ممكن يروح منك))
هو قالها بكل صراحة ووضوح المرة الاخيرة قالي يابنت الناس
انتي حتفتحي عينك و مش حتلاقيني..
الانسان ده ( بح ) ضاع.. انتي عايزة كده .. قلت تضيع ليه ؟
حتروح فين ؟
قال افهميني .. ممكن فجأة هوب انا اختفي .. يعني اعتبري مثلا اني ركبت سفينة وسافرت .. انتي حتعملي ايه ؟
هل انتي عايزة كده ؟
قعدت الف وادور بقى وانه شخص عزيز وغالي وانه مكانته محفوظة .. والخ الخ .
وقمت قلبت الموضوع اني مش بتاعت خروج ومش بتاعت حب من بعيد لبعيد.
انا عايزة شخص ملموس حبيب موجود قدامي وبعلم اهلي .. يبقى البنات عايزة ايه ؟
قالي انا مش بيهموني البنات ..انا بسألك انتي عايزة ايه ؟
قولتله انت عارف انا عايزة ايه ماتستعبطش .. قالي والله مش عارف .؟!
قلت مش حقدر اقولك دي حاجة محرجة اذا انت معرفتهاش بنفسك يبقى
انا مستحيل اقولك.. قالي طيب اسمعي ابعتي الي انتي عايزة في مسج على الموبايل
ولا برسالة على الايميل ..قلت انا معرفش اكتب .. قالي حاولي .. قلت حشوف بس مش اكيد.
*فهمتي ياستي ده كل الي حصل.. ومن يومها قفلت الخط ولا عاد كلمته وهو بعتلي مسج يسألني الرسالة فين ومعرفتش ارد ايه ..؟!! قمت قولتله ماتستعجلش .. قالي براحتك بس قلب .
ايه رايك يااسدية ؟ ايه رايكوا يابنات ؟
عايزة اسألك ازاي اعرف انه بيخون ولا عنده زميلة ولا صديقة ؟
اسأ له..؟!! اصلي مرة سألته وجاوبني على البنت الي يعرفها .
في البداية مابينتش حاجة وانه عادي جدا .. وبالفعل انا ماكنتش عايزة اتورط معاه.. وهو ماكنش بيهمني
بس بعد دقيقتين بدأت اغير .. واقوله ايوة .. حتبص فيا انا ليه ..
انا لا بخرج ولا بدخل .. قالي بصي عشان مش بتدخلي ولا بتخرجي ..
انا حتجنن عليكي ..
وهما ولا حاجة جنبك مجرد اصدقاء ..
وانتي مش راضية تخليني اقرب منك..
وبصراحة روحي المعنوية ارتفعت ..
هو بيكدب ولا بيقلبها فيلم رومانسي ؟؟! ..
(( جزيئة الخوف من ربنا بيفضل مسيطره عليه.))
مرة قالي انه كان بيشرب لما يسافر .. يبقى جزئية الخوف دي حتيجي منين ؟!!
فكرتك ذكية ياريما ..
لو زود الخناق عليا حقلب الموضوع عليه .وصدقيني هو دايما بيحشرني في الزاوية ومش قادرة عليه .
وحعمل طريقة انثى لما يقولي عايز اشوف صورة ليكي .
متشكرة اوي وبقولكم ياجماعة ماتسيبونيش لوحدي واسألوا عليا ..
ياسمين انا جاية اطمن عليكي ها ايه الاخبار
ولا حاجة .. محصلش حاجة
بعتلوا المسج زي ماقالت اسدية .
وادينا منتظرين .
احتمال اخرج الليلة .
أخبار ميزانك ايه ؟
انتظرك في الدردشة ؟
مش لاقية الروم بتاعتنا قوليلي روم تانية
روم الملتقى الادبي في نهاية الاسماء
حصليني فيه..
((ولو تقدري ياحببتي جاوبيني على اسئلتي..))من عني الاتنين ياقمر ^_^
((طيب لو حصلت مشكلة..الوحدة هنا تعمل ايه..؟..الخ حاولي تحتويها جوالبيت اوبينكم لانه مابيحب الفضائح وان مشاكلة تطلع لبرا ودا بيخليه يعند وتجي معاه بطريقة عكسية فابدل مانكون عايزين اصلاح نجي بمشكلة اكبر!اعتقدالصبربيجيب نتيجة معاه بس مش الصبر اللي على طول لا يعني تتحملي لغاية مايزول التوتر بينكم وبعدين تشوفي شغلك معاه..عموما هو مابيحب النصح المباشر واحسن شي استخدام طرق الترغيب في السلوكيات الحسنة وممكن استخدام القصص الدينيةبس مش المستهلكة لا يعني زي القصص الموجودة بكتاب القرني لاتحزن او سرد قصص باسلوب د.سليمان العودة بتجذبه جدا اهم شي لاتحسسيةانك تريدين اصلاحه لانه مش راح يسمع او ينقاد في الحالة دي..وكما يقال:ماكان الرفق في شئ الا زانه ومانزع من شئ الا شانه..اوكي^_*
((طيب يعني الست تطلبه يجيب هدية معينة يعني ؟ولا هي تشوف راح يجيب ايه؟))*لا ياستي انت مش كده فقط لمحي له قولي مثلا ياااه حلو هالعقد اواذا عجبك شي بمجلة مثلا عطراو فستان او مجوهراتany thing just say it that الله مررةحلوياهل ترى بكم؟!!بس يكون باله معاكي اووكيك..((وبعدين هل ممكن يقول على الست الي بتطلب كده انها مادية؟)) مايقوول بعدين انتي ماطلبتي انتي مجرد تمنيتي واكيد مش ديما راح تتمني اكيد في اشياء طبيعي انك تطلبيه زي كل العالم والبشر يعني مش مشكلة كبيرة!!
((للاسف للاسف للاسف..انا معرفش بعمل كده ليه ؟!))* امم وهذا اللي انا شفته اولا انتي شخصيتك ناشفة جدااو جافة حلو بس مو على كل الاصعدة يعني لابد يكون في مرونة وبلاش تحسسي الواحد انك بتمني عليه ارجوكي
مقارنة بالباقيين مش بيضغط..ولو حس الست مش عايزة بيحترم نفسه..امم هو هذا الاسد بلحمة وشحمه متى يقلب للعكس اذا كان بيحب اوي اوي اوي ورحتي منه خلاص ممكن وعلى حسب النضج يعني مو اي اسد تلاقيه سار مجنون.. يمكن يسكت ويقول في غيرها؟ولا انا يتهيألي؟اااه بيقول كذا وبيكون مقتنع كمان بس المشكلة هي هو بيحب مين لو حوالية الف تلتمية مليون مش حيشوف غير وحده بس ياهل ترى تقدري تكوني انتي الوحده دي؟
انتي امتى جيتي الشات ؟!..الخ ماتخديش في بالك انا بس بعطي تقريب للي بقوله بشي حصل لو كنت زعلت ماكنت عتبت باب مدونتك تاني:)
((بجي ارد على الاتصال التاني بشيل هم واحيانا بكنسله..اقول دلوقتي احنا حنتكلم في ايه؟
بس بنلاقي كلام وبنرغي..المشكلة انه انا مش بحب الاتصالات الكثيرة
يمكن عشان مش عايزة اتورط..يبقى تلاقيني محددة مع الشخص ومن البداية
اني مش حقدر اكلمه الا كل ثلاث او اربع تيام..فاهمةعليا..؟
اولا: انا بتعب من الموبايل ومن الاتصالات الكتيرة بنخنق.
تانيا: ماعنديش حاجة اقولها.
ثالثا:مش عايزةاتعلق.
فتلاقيني بخفف معاه،هل كده غلط.. واذا غلط أعمل ايه معاه..؟
وايه هي المواضيع الي بتجذبه اكثر في الكلام ؟))*نفس مشكلتي وماعندي لها حل لانه اصلا مالهاحل والعكس من هذي الحالةايضامابيدي نتيجة مرضية انا شفت صديقة بتعرف تحكي وتفتح مواضيع ومرحةومتجدده واسرة لكن لم يغير في واقعها شي..!من رأيي كوني زي منت ممكن تظيفي شوية مرح بس..لااعرف
اسدية
رجل الأسد كلاكيت رابع مرة:) 1-هو رجل شجاع مبيخفش خالص وأغلبهم بيكونو تعلمو ازاي يمسكو السلاح من ايام المراهقة 2-هو بشكل عام قليل الكلام وبتعمد يعمل كدا عشان يبان تقيل وينجذبو الناس ليه لو عايزاه يتكلم ابدأي تكلمي في مواضيع تهمه 3-عادة هو كسول ورزين شوية بس لو شفتيه متضايق أو متعصب بتكون الفلوس هي السبب يعني بيكون مش مرتاح ماديا 4-بالنسبة للهدايا هو بيجيب أحسن هدايا بس انتي لو عايزة هدية معينة لمحي له يعني قولي مثلا عجبني اعلان السلسال بتاع المحل الفلاني وهتلاقيه جابها ليكي بس أهم حاجة تحددي المحل 5-هو غريب شوية لما بيحزن عنده ردة فعل غريبة مثلا أخويا لما مات أعز أصحابة في حادثة فضل شهر يجيب كل ليلة فيلم كوميدي ومستحيل يعيط قدام أي حد ودي صفة مشتركة بينه هو وأنثى الأسد(عندي أختي أسد برضه:) 6-هو انسان اجتماعي وخدوم وبيحب أصحابه جدا وبيحب السهر يعني غالبا بيسهر برا البيت 7-بلاحظ ان فيه مجموعة كبيرة منهم بيدخنو وفيه قلة بيشربو وبتزيد الحالة دي لما بيحزنو أو يكونو مضغوطين 8-بالنسبة للضرب مستحيل يضرب أي أنثى الا لو حصل taboo مثلا خانته 9-وبالنسبة لمصروف البيت مبيقصرش فيه خالص وبيزيد عليه زي ماقولتلك أكتر حاجة بتضايقة انه يقصر ماديا 10-بيحب يسافر مع أصحابه حتى لو كان متجوز ومراته مش هتقدر تمنعه11-بصراحة أنا مبشوفش انهم متديين بشكل عام بس الحلو في الموضوع انهم بيخافو جدا على صورتهم قدام الناس عشان كدا مش هيقدرو يتمادو ...ريما
ممتاز ياريما وفعلا افضل الكلام ماقل ودل هههههههههههههه بس انا والله توهتني ياسمينة بكثر الاسئلة ^_*
انا كمان لما بكون خارجة من اي محنةمثلا علاقة فشلت زعل مع اصحابي زعل من اي شي احب جدا اتفرج على افلام كومدي او برامج او مسلسلات وبعد مدة اكون وصلت فيها لمرحلة الثبات الوجداني اقوم اتفرج على مسلسل او فيلم بيعرض مثلا مشكلة بس تكون شبيهه بمشكلتي ويكون معلجته مؤثرة بحيث ازيد اقتناعا ان ربنا سلمني من كوارث كانت حتسير لو استمريت مثلا يعني .. دا الكلام كنت كتبته في بوست كيف تخرجين من تجربة عاطفية...الخ بس طار ومعدتهووش:(
وفعلا بنحب الخصوصية في كثير من شؤون حياتنا حتى لو كانت على اشياء تافهه مادام باين ان احنا مش حابين حد يشاركناانعزالنا مابنسمح لاي كان وبيبان علينا من زمجرة نطلقها او نظرةقاسيةاننا بنرفض التدخل
اسدية
((هل انتي عايزة كده؟))والله لو ماكان بمقدورك تنفيذ طلبي يبقى يرضيني ونص ^_*
((قولتله انت عارف انا عايزة ايه ماتستعبطش..قالي والله مش عارف.؟!)) لا دا استهبال مش عبط:)
((قلت مش حقدر اقولك دي حاجة محرجة اذا انت معرفتهاش بنفسك يبقى
انا مستحيل اقولك..قالي طيب اسمعي ابعتي الي انتي عايزة في مسج على الموبايل))*المحرج بجد هو موقفنا السلبي وخوفنا من ردة فعل سي السيد!!اظن هو هذاالعبط:)
ايه رايك يااسدية؟ايه رايكوا يابنات؟رأيي هو انك مادم وصلتي لحد الشوط داانك تضربي في الحديد وهو سخن علشان اصلاالتطويل في هذا الموضوع ماراح يجي في صالحك وراح يأزم مو يسهل عليك المهمة.
عايزة اسألك ازاي اعرف انه بيخون ولا عنده زميلة ولا صديقة؟اي شخص من اي برج اذا قل الوازع الديني وغاب الضمير الحي وفكر انه هو يكره ان احد يفعل به كده راح يخون واذكر موقف لي انا لما كنت على علاقة بالحمل وتركنا بعض بعد عدة شهور واصلا الدلو كان من ايام الحمل وهو بيحاول يلفت نظري وبعد كده استلطفته وانا اساسا كنت مستلطفاه بس لاني بحترم علاقتي مع الحمل ماكنت بسمح لنفسي اني انشغل به..وتمر الايام ويسير نفس الموقف يرجع الحمل محاولاان يستردني وكنت تعلقت بالدلو وكان هو الاكثر تعلقا بي رجع الحمل وكدت ان اضعف وفرحت بعودته جدا وحسيت اني لسع بحبه خصوصا وان علاقتي بالدلو لسع باولها لكني مارضيت بعد ماديته الامل اني اصدمه وقنعت نفسي بيه وكان الى حد ما الدلو يستاهل يعني كان لطيف ظريف الى ان تغير هو فيما بعد بسبب شلة تعرف عليها غيرته كليا من شاب بريئ نظيف الي شاب مقلق!!
((قالي بصي عشان مش بتدخلي ولا بتخرجي..انا حتجنن عليكي..وهما ولا حاجة جنبك مجرد اصدقاء..
وانتي مش راضية تخليني اقرب منك..
وبصراحة روحي المعنوية ارتفعت ..
هو بيكدب ولا بيقلبها فيلم رومانسي ؟؟!..))مش مشكلة كذاب او لاالمهم هل هو يريد يكون له السبق والرياده في تغيير موقفك وصدك ويغير مبدئك للأسواء؟ارجوكي احذري مش كل كلام يتخذ زي ماهو عموماواضح اصلا انك شخصية قويةوواعية
((جزيئة الخوف من ربنا بيفضل مسيطره عليه.))
مرة قالي انه كان بيشرب لما يسافر .. يبقى جزئية الخوف دي حتيجي منين ؟!!))*ومازلت عند كلامي هل معنى كلامه هواواعترافه انه مابيخاف من ربنا!!صح ان فعله مش مقبول بس مش معنى كده انه جواه مافيش مسألة وجدانية لاسلوب حياته عموما برضه رجل الاسد عابث بس في جواه زن ربما من تاثير التربيةاوالخوف..اسباب كثير..اذكر لك قصة صديقة امي قوس وزوجها اسد اول حياتهم الزوجية كان زوجها يبخليها تجي تسهر مع اصحابه تخيلي o_o وفجأة الراجل تغير جذريا تدين وتغيرت شخصيته من عابث الى رجل متزن -عمري ماشفته بيضحك-ونظامي وصارم وله قوانين بالبيت ممنوع مخالفتها ومتحكم بمراته بس بصراحة بمزاجها يعني عاجبها الوضع خصوصاوان احكامه في صالح الاسرة مش مجرد فرض سلطة الان ابناءه ماشاء الله مشايخ الوحيدة الي افرط في تدليلها ابنتهواحفاده:)وارجع واقول برضة كونه بيشرب موضوع مايطمن اساس استغرب انك لسع بتفكري فيه!المهم من ذا كله استهدي كدا وفكري في موضوع المصارحة السريعة علشان لو رغبته مخالفة لرغبتك يبقى تكوني محافظة على صلابتك ومتتعلقي اكثر وتضعفي والحقيقة اشك اصلا انك من النوع اللي بيضعف مش من صفات الثور انها بتختاراولا ثم تحب انتي لسع راح تختاري يعني مانتهيتي عند رأي محدد صوووووح.اسدية
ممكن حد يساعدنى حبيبى عقرب اكسبه ازى
إرسال تعليق