أول موضوع أخترت أكتب عنه هو موضوع مهم للبنات :
(( الوقت × العلاقة ))
كلنا نعرف أهمية الوقت وقيمته ..
قرأنا عنه في الكتب ودرسنا عنه في المدارس
و كثيرين على فكرة يباخدوا دورات في فن إدارته ..
بس لما الوقت يتعلق بالحب ..
**ننسى كل إلي درسناه..**
* * *
بدأ يحز في خاطري ال3 سنوات الأخيرة ..
لما تمر عليا قصص لصديقات مقربات أو غير مقربات دخلوا علاقات عاطفية
لانهاية للوقت فيها ..
بالفعل زى ماقرأته : ((الوقت ليس له نهاية ..))
يعني ممكن يسافر حبيبها للخارج وتظل مستمرة في حبه
وقد تصل إلى أنها ترفض الزواج !!
و ممكن يخبرها بعدم رغبته بالزواج
و تنخطب أو تتزوج من شخص آخر وتستمر في حب الأول !!
***
(أتذكر لما كنت ببداية العشرينات ودخلت أول علاقة عاطفية في حياتي
وخرجت منها بقلب محطم ودموع غزيرة ..
فكرت مرة احسب الوقت إلي استثمرته فيها ..)
تتوقعوا كم يا ترى؟!!
اسبوع ؟ شهر ؟ سنة ؟
لا.. أكثر
انا أعطيت من وقتي في هذه العلاقة (سنة و6 أشهر )
مابين حب وقلق واهتمام..
وبعد العلاقة سنة أيضا
مابين الم وحزن وتفكير في أسباب فشلها ؟
يعني مجموع حاصل الوقت الي تأثرت بيه من هذه العلاقة هو ( 3 سنوات تقريبا )
* * *
أكيد أغلب إلي حتقرأ كلامي حتسأل ..
ايه يعني 9 شهور أو سنة انا اعرف ناس ظلوا في علاقة حب
3 سنوات و7 سنوات ..
صحيح كلامها , بس النتيجة :
ذكريات كان المفروض تكون جميلة
صارت حزينة ..
مشاعر كان المفروض توفير حيز كبير منها لشخص جاد فعلا
راحت هباءاً منثورا ..وغير ألم فشل العلاقة خصوصا لو انتهت بفراق
يظل الشخص بعدها غير قادر على الحب مرة أخرى فترة طويلة .
وغيرها من الأمور.....
***
(أحنا البنات وبشكل عام .. نفكر انه كل ما أعطيت حبيبي وقت أكثر
كل مادل هذا على حبي له أكثر .. والمصيبة انه إلي بيصير العكس
قيمة البنت بتقل وقيمة حبها أيضا بتقل ونظرة البنت لفارس احلامها -لو ماكان صادق- بتعطيها صدمة .
هذا غير أنه طبيعة الرجل بيميل ويقدر الأنثى قليلة العطاء .. ويحس انها كنز ..
حتى لو انتهت العلاقة بيظل نوعا ما يعاني حسرة ..
لو كان الحب حقيقي من طرفه .
* * *
اغلب النساء الناجحات في إدارة حياتهم وعلاقاتهم ..
تعطي من وقتها مايناسب الموقف والوضع والشخص ..كيف يعني ؟!
يعني جزء من الوقت لنفسها ..
وأشدد على كلمة نفسها يعني هي( أولا )
ثاني جزء لشريكها ..
وبعد كده يتوزع الوقت على باقي الأمور المهمة
مثل الأطفال – العمل - الأهل .. والخ
بعض النساء والبنات الوضع عندهم معكوس ..حبيبها أو شريكها أولا ..ثم عملها ثم أطفالها -لو كانت متزوجة -ثم أهلها وفي آخر مرتبة تكون هي ..
***
(البنت كل ماكانت في أمور حياتها ..
وبلا استثناء مهتمة بسعادة نفسها ومصلحتها..وقيمة وقتها .
كل ماخرجت بأقل قدر من الخساير ..حتى لو مأنتهت الأمور بالشكل المأمول وأصابها بعض الحزن .. )
* * *
حابه انهي كلامي بدعوة للنقاش ..من أي أنثى تتفضل وتزور مدونتي ..
((ماهي اسباب وقوع الفتيات في فخ العلاقات الطويلة في الحب من وجهة نظرك ؟))
هناك 5 تعليقات:
السلام عليكم
بداية قوية وموضوع يمس مجموعة كبيرة بتعيش او عاشت في الوضع دا...هي الحياة تغيرت ولا احنا اللي تغيرنا ولاتعاطينا مع احداث حياتنا ومايحصل بها هو اللي مش مفهوم..مش عارفة تحديدا..بنقول ان اللي بيضحي بالشكل دا انه جي من الزمن الجميل من زمن بنقدر فيه التضحية ونتعامل معاها بشاهمة تكفل استمرارها..عشان تبقى الحياة حلوة..معقولة!
مش عارفة منين جبنا الكلام دا لان الناس هما الناس ومشاكلنا هي هي الاختلاف في المظهر لكن الجوهر زي ماهو..بنتفرج على السينما والافلام القديمة ونقوول بصوا ازاي البطلة بضحي وشوفو البطل اد ايه جنتل مان لدرجة اننا بنعشقهم وبنفضل طول حياتنا بنقيس اللي يجرالنا بالي شفناه او شاهدناه في الزمن الجميل!!مش عارفة..اللي عايزة اقوله اننا عايزين نبقى ابطال في اي حتة حتى لو على حساب ذواتنا !غرقنا في التعلق بمشاهد دبلانة مليانة هيام وتضحية وقلنا بس اهي هي دي الحياة الجميلة الخميلة-يمكن بتقولوا ايه دخل السيما باللي بنقولو!وبقول لاننا اغلبنا كان ضمن علاقة من هو في سن صغير وطبعا اكيد تعرف قبليها على الحب من السيما وغيره وحتى لو شفنا حد من صحابنا او قرايبنا دى بيكون طريق غير مباشر لتقليد السيما مش معنى كده اني مش غاوية سيما لا بالعكس بحب السيما اوي..بس الموضوع هنا مختلف لاننا في الفلم بنشوف ان تضحية البطلة بتقدر بالواقع لما نيجي نعمل كده بناخد على دمغنا سواء شاب او فتاة بالسينما مابنعش مراحل بنشوف فترة قليلة وحتى لو كنا بنشوف سينما اكثر واقعية برضة مش حنشوف الا وجه واحد للعلاقة..مهما حاولت السينما تقدم لنا من طرح واقعي مش ممكن يكون محاكي للواقعنا ..احنا غصب عننا بنحب الا لو كنا من عالم ثاني او ملائكة الحب دى بنتعرض له بشكل او باخر والحب جميل..وعلى دى الموال بنفضل نعزف والبعض مابيعترفش ان العلاقة دي مش جايبة همها وبيستمر وبيقدم تضحيات مالهاش حدود حتى لو كان عارف انه غلطان! بيقدم ليه بئة ليه مابيتوقفش انا حقولكم ليه علشان يلاقي حاجة يجلد بها ذاتة ويغني عليهافي الوقت الضائع مابين الحب اللي انتهى والحب الذي قد يجي في اي لحظة..يعني بنعمل كده وبنضحي وبنبكي ونتباكي وندوووب نفسنا علشان مش قادرين ننهض تاني مش قادرين نستوعب اننا خسرنا فابنحمل انفسنا الخسارة لان كده اتعلمنا ان الي اتغلب اما مظلوم او مخادع ..حاسة اني شطحت كتير اوى عن الموووضووع!!
اسدية
السلام عليكم
((بداية قوية وموضوع يمس مجموعة كبيرة بتعيش او عاشت في الوضع دا)).
متشكرة اوي يا قمر ..
عايزاكي تعملي مدونة وتنزلي مواضيع من وجهة نظرك
عايزة اقرأ افكارك ونتبادل وجهات النظر.
((..هي الحياة تغيرت ولا احنا اللي تغيرنا ولاتعاطينا مع احداث حياتنا ومايحصل بها هو اللي مش مفهوم..مش عارفة تحديدا..))
صدقيني وانا زيك ..انا معرفش حصل ايه ..
بس اعتقد انه العمر بيلعب دور يعني نضجنا
مع اني بشوف ستات كبيرة بتعيش مراهقة متأخرة ؟!!!!!
((بنقول ان اللي بيضحي بالشكل دا انه جي من الزمن الجميل من زمن بنقدر فيه التضحية ونتعامل معاها بشاهمة تكفل استمرارها..عشان تبقى الحياة حلوة..معقولة!))
انا كل الي شايفاة حوليا بنات مخضوضة ومصدومة
بسبب فشل العلاقة وحسرتها على الوقت الي ضيعته غير الي قدمته للعلاقة دي
.. ونادرا مابشوف علاقة بتنجح
الا لو البنت ماديتش حاجة .. انا عندي اختي دلو كانت بتحب زميل ليها بالشغل ..
واستمر حبها ليه 3 سنين
ماكانش فيه بينهم أي اتصال او تواصل .. ولما لقى مافيش فايدة اتقدم وخطبها
((مش عارفة منين جبنا الكلام دا لان الناس هما الناس ومشاكلنا هي هي الاختلاف في المظهر لكن الجوهر زي ماهو..بنتفرج على السينما والافلام القديمة ونقوول بصوا ازاي البطلة بضحي وشوفو البطل اد ايه جنتل مان لدرجة اننا بنعشقهم وبنفضل طول حياتنا بنقيس اللي يجرالنا بالي شفناه او شاهدناه في الزمن الجميل!!مش عارفة..))
انا شايفة الشباب دلوقتي .. لو بقى شهم صحابه بيقلبوه على البنت
وبعدين الدارج دلوقتي انه عشان يبقى راجل لازم يحطملوا قلب بنت ولا اتنين..
((اللي عايزة اقوله اننا عايزين نبقى ابطال في اي حتة حتى لو على حساب ذواتنا !غرقنا في التعلق بمشاهد دبلانة مليانة هيام وتضحية وقلنا بس اهي هي دي الحياة الجميلة الخميلة-))
على فكرة انا اول وحده بتفرج على الافلام دي .. و ابشرك بقعد اعيط
بس بعدين بشخط في نفسي واقول ( يابنتي أنتي بتصدقي ايه ؟ دا فيلم )
((يمكن بتقولوا ايه دخل السيما باللي بنقولو!))
مين قال كده .. بالعكس برافوا عليكي .. دي السينما والأفلام هي اساس البلاوي
.. عندك مثلا فيلم( تيتانيك ) دا عمل عمايله في البنات وحتى فيا
بس لاحظي انه البطل بيموت في النهاية ..ههههههههه
((وبقول لاننا اغلبنا كان ضمن علاقة من هو في سن صغير وطبعا اكيد تعرف قبليها على الحب من السيما وغيره))
صحيح.
((وحتى لو شفنا حد من صحابنا او قرايبنا دى بيكون طريق غير مباشر لتقليد السيما مش معنى كده اني مش غاوية سيما لا بالعكس بحب السيما اوي..))
وانا زيك.
((بس الموضوع هنا مختلف لاننا في الفلم بنشوف ان تضحية البطلة بتقدر بالواقع لما نيجي نعمل كده بناخد على دمغنا سواء شاب او فتاة بالسينما مابنعش مراحل بنشوف فترة قليلة وحتى لو كنا بنشوف سينما اكثر واقعية برضة مش حنشوف الا وجه واحد للعلاقة..))
كلامك صحيح.
((مهما حاولت السينما تقدم لنا من طرح واقعي مش ممكن يكون محاكي للواقعنا ..احنا غصب عننا بنحب الا لو كنا من عالم ثاني او ملائكة الحب دى بنتعرض له بشكل او باخر والحب جميل..وعلى دى الموال بنفضل نعزف والبعض مابيعترفش ان العلاقة دي مش جايبة همها وبيستمر وبيقدم تضحيات مالهاش حدود حتى لو كان عارف انه غلطان!))
معاكي ..
انا اتوقع من خلال ماقريت عند بلوجاتي هنا .. عن الابراج النسائية .. انه فيه ابراج البنات عندهم كمية عاطفية كبيرة وده مش بأيديهم بس ربنا خلقهم كده وبنلاقي في الجهة المقابلة بنات بيبقى العكس ..
(( بيقدم ليه بئة ليه مابيتوقفش انا حقولكم ليه علشان يلاقي حاجة يجلد بها ذاتة ويغني عليهافي الوقت الضائع مابين الحب اللي انتهى والحب الذي قد يجي في اي لحظة..يعني بنعمل كده وبنضحي وبنبكي ونتباكي وندوووب نفسنا علشان مش قادرين ننهض تاني مش قادرين نستوعب اننا خسرنا فابنحمل انفسنا الخسارة لان كده اتعلمنا ان الي اتغلب اما مظلوم او مخادع))
صحيح وشايفة كمان انه كل ماكان مقدار التنازل والتضحية والعطاء من البنت كبير كل ماكان صعب عليها تنهض تاني
..حاسة اني شطحت كتير اوى عن الموووضووع!!
بالعكس .. انا وانتي دلوقتي اتفقنا على انه اول اسباب وقوع البنات في فخ العلاقات الطويله هي :
1 تأثرهم بالأفلام والسينما
اذا عندك أي سبب تاني .. ارجعي وأكتبيه
((ازيك يا الايادي النديه ...
انا وصلتلك اهوووو ^^
مبروك عليكي المدونه ...كلام جميل من واقع تجربه و يمس القلب ... لأنه باحساس ..))
متشكرة اوي ياموني .. وعايزة أعتذر منك جدا جدا ..
لاني مابقيتش افتح الأيميل .. و معرفش مالي والله .. بقيت مزاجية وعصبية .
و بشك أحيانا أكون ( جوزاء ) مش ( ثور ) .
((ممممم ضيعنا وقت كثيييييييييييير ف الحب ..حبي الاول ف المراهقه من انسان جوزائي ...استمريت بحبه سنتين ونص و تالمت من غيره 5 سنوات
و ماكنتش قادره اعطي ثقه و لا حب .. و كانوا الرجاله بالنسبه لي كذب ف كذب
و غدر و عدم رحمه و لا احساس..))
اعتبريها تجربة ياقمر وأخدتي منها خبرة ..
((حبي الثاني الثور طبعا ...استمريت 4 سنوات ... على برود و تصبيره و كلام فارغ ...))
بصي أنا المفروض هنا أتكاتف معاه عشان ( تور ) ؟
بس لا .. انا مصلحتك بتهمني جدا .. وعايزاكي قوية وتنسيه مادام مش قد كلمته .. *مش قد كلمته يبقى مالوش حاجة عندك* .. كده بكل بساطة .
((و رفضت كثير من العرسان لأني مش قادره ارتبط الا بيه ... و قطعت علاقات قبل ان تقام ... لأني فقط لا استطيع ان اخونه حتى سرا ... و لو لمجرد التفكير ...و ماذا حصدت ..؟
نسيت نفسي اولا .. عشت ف قلق و هم .. و خوف العمر يعدي ...و خوف من اني تركت فرص ثمينه .. معرفش اذا كانت العلاقات اللي رفضتها فعلا ثمينه ام لا ...؟
لأني حتى ما اعطيت المجال لنقاش مثل هذا ...مع ان امي حتى وبختني قبل ان تعرف بحبي و اخوتي طبعا يرون انني بالاماراتي يعني (بطرانه) بس انا مش بطرانه انا بحب ...))
الحب في حد ذاته جميل .. بس قدمي مصلحتك عليه .. وبعدين الرجالة بتعمل كده ..يبقى احنا الستات من باب أولى نهتم بمصلحتنا .
على فكرة أنتي اديتيني تصور عن الموضوع الي حكتب عنه المرة الجاية ..
( ازاي تخرج البنت قوية من العلاقة وتنسى بشكل اسرع ) .
((اليوم قلت اترك كل شي .. و ابدا اهتم بنفسي و مستقبلي المهني .. و بحياتي و ابدي اعطي لنفسي دافع للعيش غير دافع حبه ... واغيرا هتماماتي .. لكن ذكراه ستظل ... و من باب من ترك شيئا لله عوضه الله خيرا منه ))
انشاءلله مش حيعدي الشهر ده .. الا وفيه عريس جديد وحنسمع بخبر الخطوبة ..انا حاسة كده
أهم حاجة التور ده خلاص أعملي اكس عليه .. وفكري في مصلحتك ..
((انا عاوزه الشهر الكريم يبقى اعادة لغرس القيم النبيله و العبادات و عدم الالتهاء بحب او قلق ..
الله قادر ... انه يجمعنا لو في نصيب .. ع الاقل هذا الاختيار حيخليني احس اني ماخسرتش كثير ))
العبارة دي منك رووووعة ياموني .. حاسة انه العقل بدا يشتغل عندك وجامد ماشالله .. أنا متاكدة اننا حنسمع خبر خطوبة قريب .
((ممممممم كلامك جدا جميل عن الرجل العقرب يالايادي النديه ياقمر ... منطقي جدا .. و بردو الرجل العقرب بيستاهل الويل لتغليه ههههههه ... هو حياكل اكل جامد ...))
هههههههه مش شايفة اني كنت قاسية عليهم حبتين ^_^
عايزاكي ترجعي وتديني سبب واحد من وجهة نظرك لوقوع البنت في فخ العلاقة الطويلة .. ركزي واديني سبب .
وعايزة أقولك انه التعليق بيوصلني انتي علقي مرة والتانية احتياط ..
*تحياتي ياقمر *
هرووب
هروب من مشاكل في البيت حواليها احساسها ان دة مصدر سعادتتها
او البحث عن الذات حد بيحسسها بنفسها
يعني السبب هو جهل او تربية خاطئة او عقد متغلغلة في اعماقنا
بنات بتتجوز عشان تهرب من تحكم ومشاكل اهلها
او بنت بتدور علي نفسها برا عشان القهر اللي حساه
بالفعل دا موجود يانوسي = دلع (أنثى )..
ممممممم
أخبارك ايه ؟
عاملة ايه في الشغل ؟
أخبار العرسان ايه ؟
إرسال تعليق