ده موضوع فضفضة جديد ..
فكرت افتح موضوع جديد عشان التعليقات ومالقيتش حاجة انسب من اني احط صورلبعض مشاهير برج العقرب الي انا اعرفهم وكمان زوجاتهم وقصص حياتهم ،
اتمنى الموضوع يعجبكم .
اتمنى الموضوع يعجبكم .
************
1- الكنج شاروخان :
مافيش حد مايعرفش الملك شاروخان .. اشهر نجم اسطوري في السينما الهندية موجود على الساحة ، تكاد شهرته تطغى على شهرة النجم الكبير( اميتاب بتشان ) وهو اصغر منه في السن بكتيييييير ،هو من برج العقرب ومراته ميزان ..
ده الي انا اعرفه، قصة حبهم تشبه قصص الافلام بدون مبالغة ، ولما اتجوزوا كانوا صغيرين جدا في السن.. الي حابة تعرف اكتر ممكن تدخل على جوجل وتقرأ قصة زواجهم .
***********************
2- أحمد زكي
من اشهر الفنانين المصريين ، عانى من مرض غامض قبل وفاته ، تزوج في بداية حياته من الممثلة المعتزلة ( هاله فؤاد ) وله عدد من المسلسلات الجميلة والمشهورة مع الفنانة سعاد حسني كونوا مع بعض ثنائي جميل مثل مسلسل ( هو وهي وغيرها الكثير ).
في اخر سنواته ظهرت شائعات انه متزوج من الفنانة رغدة .. حتى وافته المنية بعد ان مثل عدة شخصيات مهمة جدا منها : عبد الحليم حافظ ، انور السادات، وجمال عبد الناصر ..
هناك 46 تعليقًا:
اسدية انا حذفت كل التعليقات .
بليز ارجعي بعد شهر او اتنين قوليلي انه زاركم في البيت ، على الاقل هو لوحده لو مش راضيين اهلوا يجوا ..
ركزي على زيارته وماتضيعيش وقت .
اسدية .. عاملة ايه؟
اهلا يا اسدية ..
انا بخير .
فتحتي معاه موضوع الزيارة ولا ليسا؟
وصلتوا فين في الموضوع ده ؟؟
مافيش مشكلة في موضوع التواصل بالتلفون ، بس لابد تشوفي منه تحرك يعني زيارة مثلا وبعدين انتي تاخدي المبادرة وتكلميه اكتر بس لحد دلوقتي انتي بتقوليلي مافيش جديد .
كلامك صحيح يا اسدية ..
مافيش حاجة تجي بسرعة ، وربنا يصبرك على بروده .
انا عايزة اطمن عليكي وعايزة اسمع انه اتقدم ويكفي بقى دوران على حل شعره .
ممكن تكتبي نقاط مختصرة ومتسلسلة عن طبع والدك، هو عقرب اكيد في منتصف العمر ، لو تقدري تقوليلي عن نقاط القوة ونقاط الضعف في طبعه وهل فيه تشابه مع طبع عقربك .
قريت رسالتك يا اسدية وتطمنت .
بس عايزة اسمع انه دخل البيت عشان اطمن اكتر ،،
( العقارب دول ماتصدقيش كلامهم فعلهم هو الي بيحدد جديتهم )، وموضوع انه والدك ووالدتك كاشين منه موضوع غريب ، حاولي تستفسري من والدتك . وكمان بعض الناس لما تديهم وش ممكن يركبوا على الدماغ عشان كده والدك مديله حجمه بالضبط وده افضل.. الدور عليكي لو حسيتيه بيماطل ويزوغ اسحبي عليه.
صباح الورد ياميناانا ريما أولا: المعذرة على الانقطاع كنت غرقانة في الشغل ثانيا: وحشتيني عاملة ايه؟ انشالله كله تمام بالنسبة لرجل العقرب ينطبق عليه المثل (ابعد عن الشر وغنيله) وبشوف ان انثى العقرب ملاك بالنسبة ليه والله حرام نتحط معاهم في نفس البرج بالنسبة للتعليقات اللي فاتت بقول لنونا وعبير سيبوكم من العقارب اللي عندكم ده ربنا بيحبكم لو انتهى الموضوع على خير لانه غالبا بينتهي بمصيبة خذوها مني مع اني عقرب بس اتلسعت من العقرب ربنا ينتقم منه على سيرة العقرب محمد حماقي خطب وحدة عقرب اسمها نهله ولما سألوه ايه اللي خلاك تختارها قال (عشان مميزة فقلت لازم اتجوزها)يعني الوحدة لازم تحسسه انها مميزة عشان يجري وراها المهم يامينا بالنسبة ليا فيه واحد من قرايبي بقالي مدة طويلة مشفتوش يعني من8 سنين تقريباوشفته الأسبوع الماضي هو عنده 28 سنه مهندس هادئ ومثقف حسيت انه معجب بيا من نظراته اول ماشفته قلت ده برجه ثور يمكن عشان الهدوء بعدين شفت تاريخ ميلاده من ايميل أخويا على ملف التعريف بتاعه لقيته أسداتصدمت عشان ميديش انه أسد نهائي بس هو تالت يوم في الأسد فقلت يمكن متأثر بالسرطان يعني أسد مسرطن يجي عليه السرطان لايق أكتر هو بيحب يقرأ وبيعرف يطبخ ومنظم جداوبيتوتي على عكس اخويا الاسد اللي مبيقعدش في البيت ايه رأيك يامينا ايه نظامه هو اسد ولا سرطان؟
صباح الفل ياروحي ..
ازيك ياريما ، وحشاني .
اخباري ياستي ..
انا قاعدة بحارب وبحفر في الصخر عشان الترقية ،،
مديرتي ( قووس )ومقربة ناس معينة في الشغل ومش شايفه غيرهم ،،
انا حازمة ومنضبطة ودقيقة بس للاسف مش بتكلم كتير ومش بنافقها وهي بتحب القال والقيل والكلام الكتير وكده ،،
كمان مقربة منها وحدة من برج (الحوت ) وانا وهي بنعمل نفس الشغل والحوت دي لئيمة وبتمثل ومديرتي بتعرفها من فترة .
المرة الاولى لما اترشحت من الموجودين ،الحوت دي عملت نفسها مريضة وقعدت تمثل انها حزينة وحتموت ، ووقتها مديرتي رفضتني وانا كنت عارفة السبب ، كله عشان الهانم ماتزعلش .
المرة التانية كلمت مديرتي بشكل صريح وواضح اني عندي الخبرة الكافية وعايزة ارتقي في العمل وبرضه مافيش غير اعذار واهية.
دي تاني مرة تطير الترقية عليا ياريما ، تاني مرررة ، وانا بقيت حاسة انه طالما قاعدة الست دي وحوليها الحرباية دي ، مافيش حد حيتقدم الا لو غاروا هما الاتنين .
انا كنت اعرف واحد في بداية برج الدلو بس كان فيه كتييييير من برج
( الجدي )، يعني الشخص الي قابلتيه دلوقت هو سرطان اكتر ، بتفكري تتواصلي معاه ولا دي دردشة اعجاب فقط .
نسيت أقولك الصورة الجديدة تجنن ياجامد انتا ياأحمر يامدوبهم :) بالنسبة للترقية هتترقي يعني هتترقي بإذن الله وقولي ريما قالت أولا: عشان ربنا شايف قد ايه انتي بتبذلي مجهود وعشان انتي بتستحقيها بالنسبة للمديرة القوس أنا أقرب صاحبة ليا قوس القوس عقلها بيغلب العاطغة عندها بس هي عندها تعاطف مع الناس وتقدري تضحكي عليها ويمكن الحوت جابتها من الناحية دي لأن القوس عمليةأما الحوت كنت بشتغل زمان مع وحدة حوت أول حاجة لاحظتها انها من تحت لتحت يعني شغل من تحت الطاولة يعني لف ودوران وبتخاف من المواجهة ولو عملت قوية بيبقى منظر بس عشان تغطي الهشاشة اللي جوا انتي تقدري تعملي حاجة من ثلاثة:أولا: تقدري تثبتي عدم كفاءة الحوت قدام القوس وذلك بتسليم شغلك بدري مش متأخر لازم تخلي منظر الحوت وحش قدام القوس أكيد هي بتتأخر في حاجات وبتكسل في حاجات ولو عملتي حاجة نيابة عن الحوت ياسلام هتكبري في عنيها وهتحس ان الحوت متسيبة ومبتعملش اللي عليهاولو عندك دليل على اهمالها يبقى هايل ثانيا:لو عايزة تخوفي الحوت واجهيها بس بأدلة عشان هتنكر ده في حالة لو كنتي ماسكة عليها حاجة على فكرة الحوت دي متجوزة ولا لأ؟ أنا بعتقد اتها مش مرتبطة لأن الحوت لو فيه راجل في حياتها بتكنسل على كله ومبيبقاش عندها حاجة مهمة في حياتها غير الراجل ده يبقى شوفيلها عريس لو مش متجوزة هههههاي ثالث حاجة يمكن تعمليها:انك تخلي المديرة ومعاها كم شخص محايد يحضروا ليكي class عشان يشوفوا قد ايه انتي متمكنة وتستاهلي الترقية وياريت يحضروا للحوت كمان عشان يشوفوا الفرق في المستوى ولو هيحضروا ليكو الاثنين خدي بالك خليكي في الآخر يعني خليهم يحضروا ليها الأول عشان لو حضروا ليكي الأول هتقولها القوس انتي عملتي ايه وهتقلدك ومش هتتميزي... انشالله يكون عجبك كلامي بالنسبة للسرطان بتاعي بصراحة أنا ناويةعليه :) بس المشكله أنا معرفش سرطان ومعرفش مفاتيحه والحاجات اللي تجذبه اللي أعرفه عن رجل السرطان انه متعلق بمامته وانه حنون وكمان بلوجاتي رغم ابداعه في كل الأبراج إلا السرطان حسيت انه مفكش الشفرة بتاعته... ريما
صباح الخير اخت الايادي الندية انا مريم من المغرب ليساتي اتقاتل مع عقربي لكن عايزة اسالك عن نقط تقارب و تباعد رجل العقرب و المرأة الجدي مشكورة يا اختي
اهلا يامريم ..
انثى الجدي ساخنة ومغرية والرجل العقرب بيجذبه ده لانه بيحب الجنس ..
في البداية هي بتغريه ممكن بقصد او من غير قصد بعد كده بيقرب منها ويحاول معاها وهي مش بتهتم لكن مع الوقت بتتعلق وبتحبه ، ويبدأ هو يهرب لما يلاقي الموضوع قلب جد ..
( على الاقل ده الي انا اعرفه ، اصل ليا صديقة عزيزة اوي من برج الجدي انتهت علاقتها بالعقرب بشكل محزن جدا )
ماوضحتيش انتوا بتتقاتلوا على ايه؟
انا مستغربة سؤالك يامريم !!
يعني عايزاني اقولك ايه؟
انتي على فكرة في وضع خطير اوي ،
انا قلتلك قبل كده حطي حد للراجل ده ( هو بيخاف مش بيختشي ) ..
يبقى اشركي حد قوي جدا ومتأكده انه يقدر يتصرف معاه عشان مايقربش منك ،، يهدده مثلا بالشرطة او بفضيحة لانه زي ماقلتلك هو بيخاف ..
زوزو.ازيك ياايادي وحشاني اوي ياحبيبتي السنة دي كانت صعبة اوي بس الحمدلله دلوقتي مستنية النتائج .بالنسبة لعقربي(متدين) اكتشفت انو مصاحب بس بالسر مفيش حد عارف عرفت بالصدفة مش عارفة مخبي ليه هي زميلة لينا بالكليةوبقالهم سنتين ومن وقتها انصدمت بصراحة لانو البنت فري ومعندهاش مشكلة مخبي لي مش عارفةومن وقتهاحاولت انساه ودلوقتي الحمدلله الموضوع عدا على خير .في حد بس مش عارفة برج ايه بعتقد انو اسد ايه رايك ازاي بيبقى مع البنت الثور اعمل ايه انا خايفة يتعبني مثل العقرب؟؟؟؟
زوزو .. وحشتيني
طمنيني ، دي سنة التخرج ولا ليسا ؟
اذا كان العقرب الي تعرفيه سابقا على علاقة بوحدة فدي حاجة طبيعية ، كل الناس عندها فراغ عاطفي يازوزو وعايزة تحب . مش معنى انه متدين يعني ماعندوش قلب . عموما فيه ناس كتير غيره .
بالنسبة للشخص الجديد حاولي تكوني طبيعية وممكن تتواصلي معاه بالنظرات والابتسامات ، انثى الثور جدية واحيانا بتبقى مركزة بعيد فخليكي مبتسمة فقط..
واحكيلي عنه اكتر ،عرفتي ازاي انه اسد .. ممكن يكون حمل او سرطان اصل الاتنين دول بيجذبوا انثى الثور ؟
ايادي حبيبتي لا لسه بقالي سنتين .بالنسبة للعقرب انا مش قصدي على علاقة ليه قصدي مخبي ليه مع انو الوضع طبيعي اوي عندنا مفيش مشكلةوعارفة انو الكل عنده قلب وانا اولهم ههههه .انا استغربت لان البنت دي معانا بالسكشن ولاعمره اتكلم معاها وهي فري معندهاش مشكلة وبنفس الوقت راسم لنفسه شخصية تانية بالاخص قدامي فهماني .بالنسبة للاسد مش متأكدة بس من شخصيته وتصرفاته حسيت انو برج اسد هو مغرور عنده عزة نفس وبيتحرك كتير ودايما بيحاول يبين نفسه مش عارفة يمكن يكون حمل بس معتقدش انو سرطان .طب لو كان اسد او حمل بيحب البنت تبقى ازاي تديلو وش ولا لا بالاخص ده اي بنت بيشاورلها بتوافق يمكن ده اللي عاجبه فيا اني مش كده مش عارفه ايه رايك؟؟
طيب بقولك ايه يازوزو ..
بدل مانقعد مش عارفين برجه ايه ماتجي تبتسمي من بعيد ،،
( ابتسامة جذابة خالص وبس ) سيبيه هو يقرب ويحاول يتعرف عليكي مش انتي تكلميه ، ايه رايك ؟
بصراحة يا ياسمين مش عارفة اقلك ايه بس مش هقدر ياريت تنصحيني وتساعديني بطريقة تانية اصل انا معرفش اعمل كده وحاجة تانية انا قلتلك انو هو مغرور جدا وعارفه حيقول ايه خلاص انا هستنى ولو حصل حاجة حقلك بس ياريت تديني نصايح حلوة منك ياقمر انتي لو كان مثلا اسد او حمل وهو شخصيته مختلفة جدا عن العقرب سواء بعلاقته او تصرفاته
اذا شايفاه مغرور ومش عايزة تكلميه ولا تبتسمي ممكن تهتمي بلبسك وشياكتك شوية ..
بصراحة ماعنديش افكار تانية .
ميرسي ليكي ياحبيبتي ياقمر .زوزو
ازيك يا اسدية ..
فكرت لما اختفيتي انك كلمتيه تلفون، يعني قلبك غلبك ، او وقفتي كل حاجة و عقلك هو الي غلب ، اصلك اختفيتي شوية ..
بصي انتي بنت مخك كبير ويوزن بلد ولي عملتيه هو الصح ،،
اصل في التلفون حيقعد يرغي ويرغي ويرغي وحيدوخك وحتصحي فجأة فيوم تلاقي صعب انك تبعدي عنه لانك عشقتي صوته وكلامه الي لا يودي ولا يجيب..
(ويمكن انتي عارفة ده )
عشان كده خليكي زي ماانتي مادام هو لحد دلوقت مافكر يمر على البيت او يزوركم ، وقبل الفرح بأسبوع مش بيومين اظهري واعملي نفس الحاجات
( ساعة مافيش غيرها وتخرجي وتحاولي تكوني لطيفة وامدحي فيه وفي اهله كلهم مش بس في مامته وأسأليه مش ناوي تزورنا ولا انت مقاطعنا ؟)
ويمكن على السنة الجديدة يكون فيه ارتباط ، أصل الامور دلوقتي مش سيئة ولا كويسة بس في المنتصف ، يبقى اما فيه تقدم من ناحيته لما يلاقي انه مافيش فايدة انه يجذبك لعلاقة وانك ثابتة او يظهر شخص تاني وتكوني سعيدة معاه وقلبك معاكي ..انا عايزة اسألك حصل ايه في موضوع خطبتك من قريبك ؟
ازيك يا اسدية النهاردة ؟
امممممممم
انا رجعت قرأت الرسالتين الاخيرة ليكي تاني .. عشان أشوف اي حاجة ممكن اكون غفلت عنها :
1-(الحقيقة هو اتصل مرة ولم ارد الى الان لم يسمع صوتي )
هو مش عايز يضغط عليكي وفي نفس الوقت عايز يتكلم فون ويبقى حب وكده وسلام بقى على موضوع الجواز عشان كده ،عايز موضوع الفون يجي منك فبيشجعك بس كويس انك مأكلتيش الطعم ؟
2- (حسيت ان الموضوع ممكن ينزلق مني لعلاقه تلفونية ممكن تضر اكثر مما تنفع) ده صحيح خصوصا مافيش شيء رسمي لما يبقى فيه كلميه ،ومافيش حد حيمنعك وفهميه كده قوليلي انا شفت اتصالك ومبسوطة انك بتهتم بيا وبتخاف عليا وكنت عايزة وبشدة اكلمك بس انا بحب لما اكلمك اكلمك في النور ، وهو حيفهم قصدك .
3-(انقطعت تماما لابرد ولا حتى باطلع سارلي اكثر من 20يوم ماطلعت وهو اتصل عدة مرات) هو كان عايز يسأل عن اخبارك ، هو عايز يجي يا أسدية بس انا مش عارفة هو خايف من ايه ؟؟؟؟
احتمال خايف اهلك يصدوه او ومتردد من حاجة معينة؟ لكن انتي لازم تشجعيه وتطمنيه فهميه انه اهلك بيحبوه ، وركزي في كلامه شوفي هو بيقول ايه؟ يعني فتحي عنيكي عشان تعرفي ايه السر كمان تقدري تقوليله لما يسأل اختفيتي ليه؟ قوليله كنت بفكرك حتيجي تطمن عليا في بيتنا على الاقل احس اننا متواجدين سوا في نفس المكان وخدي بالك من العذر الي بيقوله يمكن هو ده سبب تردده.. و لو انتقد حد من اهلك ماترديش وهو حيرجع يعتذر ، او قوليله انت مش بتحب انتقد حد من اهلك وسكتي وسيبيه يقول الي عايزة وقتها اشغلي نفسك بحاجة تانية وماتسمعيش ، احيانا يكون مدايق منك في حاجة فبينتقد في حاجة تانية ..
4-(وحتى المسن بقى مهجور لاني احيانا بدخل اوفلاين لكن مابشووفه )
افتحي المسن وتواجدي وحتلاقيه بالكتير اليوم التالت متواجد .
5-(لو ظهرت وماكن اون لاين هل اعتمد على مسجات مثلا اخبارك ايه)
امممممم انتي بس تواجدي وهو حيظهر ، اصلك اختفيتي فجأة يبقى حتشوفيه ازاي ؟ ماهو احنا اتفقنا انه رجل العقرب بيحب يقلد ويكون الأقوى . يعني لو ظهرتي حيظهر لو اختفيتي حيختفي .
انتي ارجعي افتحي المسن وتواجدي ساعة واخرجي، وحتى لو ماظهرش انتي خليكي عادي جدا جدا ولا كأن حاجة حصلت وبعد الفرح برضه تواجدي عشان تعرفي ناوي على ايه ،ولما يظهر ويسألك قوليله كان عندي امتحانات .
6-(كان نفسي انه يرسل مسجات ويبتدي يعبر زي عقربك)
العقرب بتاعي انا سبته شهر ونص عشان يتكلم في الجواز ، هو كان بيرسل حب وغزل بس مش بيتكلم في الجواز ، ولما عدى شهر ونص انا رجعت وكنت واضحة اني عايزة ارتباط فبقى ماشي معايا في الموضوع ده وبيخطط يقابل والدي ازاي وامتى وفين ؟
بعض الرجالة بيتكلم في الجواز عشان يطمن البنت لكن افعاله هي الي بتحدد والبنت كمان لازم تكون مفتحة وماتصدقش بسهولة عموما انا كنت ماشيه معاه تواصل في المسن فقط والله ،وكنت بصر اني اشوف صورة له لحد ماشفته وماعجبنيش خالص خالص تقدري تقولي اني انصدمت ، ووقتها بقيت بتنتبه لعيوبه اكتر ، بقيت مترددة وهو حس بترددي لحد ماسبته وابتعدت . فارجوكي ماتعمليش كده هو كويس معاكي وانتي عارفاه فبلاش تبقي حاقدة عليه . الراجل خايف لايبعت رسايل يكون ايميلك مشترك مع حد من اهلك ،فانتي فهميه انه ايميلك ده شخصي وانه يقدر يبعتلك اغاني مثلا او رسايل حلوة والخ الخ .
وانتي قولتي بقى حويط ومنتبه
، لكن اصبري وخليه يثق فيكي واظهري انك اتغيرتي وبقيتي انضج وانك بتخافي عليه وعلى صورته لا تتهز .. وقوليله:
( انا بيهمني امرك يافلان وبيهمني تبقى دايما فوووق وفي اعلى مكان والناس تشاور عليك قد ايه انت رجل مميز والكل بيحبك ويحترمك )امدحييييييييييييييييه هو بيحب المديح .
7-( وكمان من ناحية ثانية عايزة اطمن على قوتي في صده لو ربنا ماراد يكون بينا نصيب) كلامك صحيح ،اصبري وخليكي مشغلة عقلك زي دلوقت .. اصلك بتجنني لما بتتحكمي بعاطفتك ويبقى اديه حب واهتمام بس بالقطارة يعني ماتقوليش انا بحبك ووحشتني سيبيه هو يقولها لكن امدحي صفاته وخلي لسانك حلو في الموضوع ده ، يعني امدحي افعاله وقوة شخصيته واهتمامه في السؤال عنك وكرمه وكده ، يعني اذا عمل حاجة حلوة قوليله شكرا ومرسي عشان يعمل اكتر .. على فكرة عقربك في بوصلة الشخصية ( جنوبي شرقي ) افتحي البوصلة واقرأي عنه حيفيدك كتير .
وحشاني يا ايادي
انثي الدلو
طمنيني عليكي يا اسدية ..
حصل ايه؟
انا اسفة اوي اوي يا اسدية على التأخير.. بس انتي ماتعرفيش اوضاعي ازاي .
انا بحب (حمل) من فترة طويلة وحكيتلك عنه مرة ، مش مرة من زمان قولتلك فيه واحد انا بحبه وكنت فاكراه اسد .. هو مش اسد هو حمل وانا افتكرت عبيط مش عارف برجه ايه؟.. عموما احنا انفصلنا تاني من (شهر ).. بالاحرى هو سابني زي عادته .. دي على فكرة مش اول مرة يبعد .. انا عايزة جواز وهو عايز علاقة حب ورومانسية وكده وكل مافكرت اني قدرت عليه يزوغ مني ويهرب .
لو عندك شخص في العيلة حمل وبيحب وحدة من اي برج ولو ثور يكون افضل وشايفة علاقتهم نجحت اتمنى تحيكيلي البنت بتتعامل معاه ازاي .
لان برج من نافوخي قرب يطير ، شخص بيقول بحبك وبقوة ويسألك اسئلة انه بجد عايزك وبيفكر في الارتباط وفجأة يزوغ ده تتصرفي معاه ازاي ؟
عموما انا بجد بفكر انه لو اتقدملي شخص الفترة الي جاية مش حرفض وحوافق وابقى انساه بقى لان قلبي مش لعبه عنده .
بالنسبة لحبيبك العقرب استمري اظهري وماتختفيش.. ولو عايزة تختفي ماترجعيش قبل شهر ونص ، يعني اسبوعين تلاتة مش حينفع . وماتستخدميش الاختفاء الا في الظروف القوية اوي .
وماتبعتيش رسايل الا على الميل اما لو بعتي فخلاص مش مشكلة .لكن ركزي على هدفك وهو الزواج ،، عايز حب وكلام فاضي يبقى مش عايزينه .
اممممم ..
الظاهر انه فيه حمل مر عليكي يا اسدية .
كلامك صحيح كتير ، تعرفي
انا ماظنش انه بالصعوبة دي.. بس هو له مفتاح ؟
انتي قلتي نقطة كتير مهمة (ممكن يكون له ردود افعال تجاهك بس غالبا بتكون وقتيه بمعني لو حاولتي تخليه يغير او حاولتي انك تغيبي مدة ردة فعله بتكون في البداية حارة وتنزل على مافيش ) ياسلام عليكي.. يابنتي انتي تحفة والله مخك حلو جدا .
بصي انا لاحظت بجد انه ممكن يقول بحبك ويتفاعل معاكي بس واضح انه شعور وقتي وعلى فكرة الحمل خالص خالص الاختفاء معاه مش حيجيب نتيجة اطلاقا حيسحب عليكي لحد ماترجعي وصدقيني حترجعي ..؟ انا بالنسبة ليا بعتبره صديق كويس بيسمعلي وكمان حنون.. ده كل الي بيجذبني له ..عموما انا مرة اثرت غيرته لما قالي في البداية انه بيحبني تعرفي عمل ايه ؟ انصدم وكتم في نفسه وبعدين بقى بارد، يبقى بلاش اثارة الغيرة مادام هو مؤدب .
احكيلي أكتر عن الحمل.. عايزة اسمع منك وتقصدي ايه بكلمة ياما حتشوفي منه (عبر) اديني مثال .. زي ايه ؟
اهلييييييييين يا اسدية انا فرحت اوي لما شفت الرسالتين الطووووويلة بتاعتك وحرجع اقراهم تاني اكتر من مرة .. عموما
الحمل بتاعي اختفى واسكتي مش بقيت شاكة انه متزوج ..
اعتقد انه متزوج ومخبي .. عشان كده مش قادر يبرر اختفائه الغامض بس ولا يهمك.. اناارسلت عليه شخص معرفة في نفس المدينة الي عايش فيها له قريب في المكان الي بيشتغل فيه وحيجيبلي اخباره كلها من طق طق لسلام عليكم خخخخخخخ
الظاهر رمضان ده حبايبنا قالبين علينا يلاه نستغفر ونتعبد ربنا احسن خخخ
امممممم يا اسدية .. بصي انا شاكة انه كداب بالفعل .. وعموما زي ماقلتلك انا بعت حد وراه يطقس ويجيبلي اخباره واخبار اختفائه الغامض والظروف الي بيقول انها مهببة عنده وحعرف هل هو متجوز بجد وعشان كده بعد ؟ولا عنده ظروف بالفعل .. ؟ وديني يااسدية لو طلع متجوز وبيكدب عليا ، حسابه معايا حيبقى عسير .. لاني سألته اكتر من مرة وحلف وقال والله مافيش حد في حياتي ولو فيه حقولك يابنت الناس وده وعد .يبقى لو طلع متجوز او خاطب او على علاقة بوحدة ومخبي انا حوريه النجوم في عز الظهر وحنتقم منه بطريقتي ومش مرة وحدة حنتقم اكتر من مرة .على قد الحب حيكون الانتقام .
كلامك على العين والراس يا اسدية
وده كلام وحدة عاقلة انا حاخد بيه في عين الاعتبار ..
بس حازز في نفسي اني ماقدرتش عليه .. الجدي انا سبته والعقرب انا سبته .. تصوري ده هو الي سابني انا لحد دلوقتي مش عارفة مفتاحه .
صدقيني له مفتاح وحاولت استفيد اي حاجة من تعليقات البنات في بوست الحمل او اي شيء ممكن يخليني استملكه ويجري ورايا مش لاقية ..
يعني نفسي القى تعليق لوحدة خلت الحمل يحفى وراها وتديني الطريقة الصحيحة يعني تقول 123 كده ..
انا عماله اخبط يمين واروح شمال معاه مش قادرة احدد طريقة صحيحة ومش عارفة اخليه يركز معايا .. يركز شوية وفجاة يختفي والحكاية دي مجنناني.. ماتوقليش سيبيه مش حسيبه .
عموما لحد ماتجيني اخباره ربك يحلها.
انا الي استنتجته من خبرتي معاه انه مش بيقدر يقعد من غير جنس ناعم خالص.. بيحب الستات والبنات .. اي ست اخته امه صديقة اتنين تلاتة المهم يحب يسمع صوت انثوي ناعم وياريت يكون قبل النوم ، لو قدرت الوحدة تعوده على صوتها قبل النوم اتوقع انه حيهدى كتير وحيبقى ليها حيز كبير في حياته لكن للاسف اني عارفة مبدأي وعارفة اسلوبي انا مش بقعد على تلفونات اخر الليل الا لو فيه علاقة رسمية وعشان كده مش قادرة عليه .. بس غالبا بيحب يكون فيه جنس ناعم حواليه ، التطنيش معاه مش بيجيب نتيجة خالص لانه مش بيتأثر بسرعة بياخد وقت وكمان نقطة التعود عنده بتلعب دور كبير .. يعني تقدري تسيبيه فقط لو كنتي متاكدة انه اتعود عليكي اما غير كده تركه مش في صالحك .
تعليق رقم 2 :
نيجي بقى لحتة الكدب.. الكدب عند الحمل حدث ولا حرج .. بيكدب اه بس انتي هنا تعملي ايه؟ تكوني اذكى منه ازاي ؟ تفوتي الكدبة عشان انتي بتحبيه وتقوليله كده .. الحاجة دي بتأثر فيه ويبقى عدي من كل كدبة او التانية التالتة اديله على دماغه بعدها حيحسب حساب قبل مايكدب بس بلاش القمص والزعل على كل كلمة .
انا بفكر انزل التعليق ده في برج الحمل ايه رايك .. انا لاحظت انه الست الي بيحبها تكون نموذج مصغر عن والدته يعني الي بتحبه لذاته ولحنيته وبتمدح فيه هو بيحب الالفاظ دي ( انت راجل شهم - انت راجل ذوق - انت راجل صريح ومباشر - انت راجل كريم وكده ) .. اه بتزعل واه بتتقمص بس بترجع ترضى عليه لانه طفلها الحنون .. وهو حنون على فكرة يعني لو وقعتي في مشكلة مش حيسيبك حيفضل معاكي واتصالات وكده لحد ماتخرجي منها .
عموما انا عايزة تعليقك على كلامي ولو عندك اضافة اكتبي وابقى انزل التعليقات دي بعض لصقها في بوست الحمل . هاتي ماعندك ؟
اممممم هايل يا اسدية ..
التعليق الاخير ليكي في حاجات مهمة (انهم ناكرين للمعروف والجميل وفيهم فسوق وومكن يعضو اليد اللي اتمدتلهم )دي نقطة مهمة اوي انا ماكنتش اعرفها يبقى دي مشكلة ومحتاجة حل .
اممممم انا مش حنزل حاجة في بوست الحمل لحد مايكتمل عندي السلبيات والايجابيات وكمان معاها حلول ..
وبالفعل انا بدأت افتح المواقع الاجنبية واقرأ عن رجل الحمل وانثى الثور واستفدت حاجات وعرفت حاجات . غالبها انه بيهرب من الالتزام وانه انثى الثور متانية وبطيئة وثابتة وبتدور على الامن والالتزام في الشريك وده بيعمل بينهم حاجز لانه مش عايز التزام وبيهرب .. على الاقل عرفت انه ده طبعه .
خليني اتناقش معاكي في نقطة البوصلة الشخصية .. بتشوفي الحمل من اي مكان في البوصلة هل هو شمال ام جنوب .. انتي مرة قلتي انه الثور شمال شرق او شمال غرب.. اعتمدتي في الكلام ده على ايه بالضبط.. وازاي ربطتي البوصلة بالابراج وهل عندك موقع عرفتي منه الكلام ده ياريت تديهولي.. وتتوقعي الحمل شمال غرب او جنوب غرب.. اديني وجهة نظرك واتكلمي باستفاضة خدي راحتك في الكلام ؟
انا اول مرة اعرف انه الرسول صلوات الله عليه من برجين الحمل والثور .. ؟
انتي عرفتي منين ؟
وكمان اول مرة اعرف القصة الي حكيتيها دلوقتي ؟
وبالفعل يا اسدية حملي الي اعرفه ابوه متجوز على مامته وحدة مصرية وحكالي اكتر من مرة عن تعامل والده الشديد معاه لما كان صغير.. بس بعديها بيقول ربنا يرحمه .. لكن بيحب والدته بشكل فظيع اوي .. وطلق مراته بعد سنة فقط لانها كل شوية تقوله امك قالت وامك عملت ..وقعد يشرح يقول والدتي ست كبيرة يعني طنشي يعني مش معقول تسيبي كل حاجة وتقعدي تمسكي على كل كلمة تقولها بيقولي انا ممكن اتغاضى عن اي حاجة في زوجتي الا انها تتكلم على والدتي . ايه رايك؟
امممم والله يا اسدية حزين احسن من منتقد .. اخويا عذراء يلهوي عليه ربنا يصلحه انتقادي بشكل كبير اوي وحمقي ، ده ممكن يتخانق مع الناس الماشية في الشارع وماتظنيش انه صغير لا .. ده داخل 29 سنة ومتجوز ..
بس انا ماحصلش اني شفت او لاحظت انه الحمل بتاعي حزين انا بلاحظ اكتر انه زهقان دايما وغالبا انا ببقى في نفس المود بتاعه مافيش جديد ، وكمان روتيني وعلى فكرة هما كاتبين انه الحمل بيحب الاثارة والتغيير انا مش شايفة ده .. يعني قالي مرة حيغير الشقة بتاعته ولا عمل حاجة ومن يوم ماعرفته لحد دلوقتي وهو في نفس البيت وبقاله 6 سنين ماسافرش ونفس النظام كل يوم ومافيش حاجة تغيرت حتى موضوعاته هي هي .. يبقى فين الي بيقولوه عن الحمل انه سريع وبيحب التغيير ومش عارف ايه .. دا انا بتغير اكتر منه يعني عملت حاجات من وقت ماعرفته لحد دلوقتي وهو مكانك سر.
امممم .. انا حابة اعتذر منك لأن فيه رسالتين طويلة ما خدتش بالي منها .. رسالة البوصلة ورسالة صاحبتك الحمل ..
انا كان ليا صديقة حمل اتعرفت عليها في الشغل لمدة سنة ، في البداية بيكونوا خدومين اوي اوي وحبوبين اوي اوي ولطاف وظراف بشكل قوي جدا وبعد مايعرفوا انه الشخص خلاص بقى ملكهم واتعود عليهم ومش بيعمل حاجة الا لما يكونوا فيها ،بتبدأ حركات ندالة زي مثلا حضرت مناسبة ليها ولما كانت خطوبة اختي وعزمتهاو ماجاتش ، مع اني اكدت عليها كتير معرفش بصراحة هي اتقمصت فجأة والظاهر من كلمة انا قلتها لكن والله انا ماخدتش بالي اذا كان فيه حاجة قلتها وضايقتها لقيتها بعدها متصلة بيوم تعتذر ولا جات ومش بتحضر اي مناسبة ليا لكن عايزاني احضر مناسبتها كلها ،مرة اتفقنا انا وهي نتقابل بره في مول وحددنا موعد وهي اصرت اجي وقلتلها من وانا في الشغل يابنت الناس انا تعبانة برجع البيت تعبانة مش حقدر قعدت تتحايل وتتحايل ولحد ماخرجنا من الشغل وهي تتحايل فوافقت وعينيكي ماتشوف الا النور ، لطعتني من العصر لحد بعد العشاء وكمان قافلة الموبايل وخلاص لما ركبت العربية متصلة بكل برود تقولي انتي فين انا في الطريق .. وطبعا انا وقتها زعلت جامد اوي اوي وبدأت اخد بالي من تصرفاتها وحاجات تانية بتعملها محلل عليها بس محرم على شخص تاني ،مرة اتفقنا نشترك مع بعض نوزع هدايا لفصل من الفصول بندرسهم سوا انتي عارفة اني مدرسة .. والفصل ده ماكانش كويس معايا في التعامل بس بيعرفوها من زمان وفيه وحدة من البنات الظاهر انها الجيرل فريند بتاعتها .. اه والله تحسي فيه تصرفات غريبة بين البنت وبين زميلتي دي والبنت كانت بتعاديني وتكلمني بطريقة غريبة ، المهم اني رفضت اهديهم حاجة وادفع مبلغ وقدره في ناس مش كويسه،ماتقابلتش رفضي وحقدت عليا فزعلت وانا طنشتها وكان المبلغ مش صغير فراحت واشتركت مع وحدة تانية معاها وادتهم هدايا وطبعا رفعوها السماء بس ماسامحتني وانا كنت بدات اخد منها موقف واكش .. يعني مادمتي انتيم ليها لازم تقوليلها ايوة على كل حاجة .. بس اكتر حاجة كانت بتضيقني فيها انها مثلا مش بتحضر اي مناسبة ليا لكن عيزاني احضر مناسبتها يعني هي مش بتديكي اعتبار وتزورك لكن انتي تزوريها وغصب عنك .
مساء الورد ياقمر كل سنة وانتي طيبة المعذرة عالتقصير انا كنت مسافرة الفترة اللي فاتت ولسه راجعة وحشتيني يامينا سلميلي عالبنات ... ريما
وانتي بالف صحة وسعادة ..
ازيك ياريما .. وحشتيني كتييير ، حمدلله على سلامتك .
والبنات بيسلموا عليكي .. معايا اسديةحببتي الفترة دي ومعايا نغم وانثى تفتكري انثى الدلو ..
لازلنا صديقات وبنتواصل .. زينب اختفت ومعرفش عن اخبارها حاجة بس الباقيين موجودين وكلنا بخير وصحة وسعادة وكل سنة وانتي طيبة مرة تانية .
صباح الورد يامينا أنا قرأت تعليقاتك لأسدية عن الحمل شوفي ياقمر ربنا بيحبك انه انتهى الموضوع رجل الحمل اكتر راجل اناني في الأبراج كلها بيحب نفسه ثم نفسه ثم نفسه تاني حاجة هو عصبي جدا ولما بيتعصب يمكن يمد ايده عليكي هو صحيح انه طيب وشهم ودمه خفيف أحيانا بس عيوبه أكتر بكتييييير هو مبيحبش الارتباط وبيكره المسئولية ومش قدها عينه زاااااايغة وبيخون كتير حتى لو كان متجوز وبيحب (أنا بعرف 3 رجال حمل في العيلة 2 مطلقين وواحد متجوز على مراته) يعني من الاخر اشكري ربنا انه مكانش من نصيبك ... ريما
صباح النور ياريما .. انا متشكرة اوي على اهتمامك وده المتوقع .. انا مش حكدب عليكي انا مش عارفة هو عاجبني ليه ؟ .. الظاهر انه الفراغ العاطفي .
تفتكري السنة الي فاتت لما قعدنا انا وانتي واسدية ونغم وانثى نكتب كل الي نعرفه عن رجل الاسد.. كان وقتها للاسف عشان الحمل ده وانا كنت فاكراه عبيط ومش عارف برجه؟ طلعت انا العبيطة ..
انا مش قادرة احدد حقيقة شعوري ناحيته بس الظاهر انه فيه شيء له بقلبي والكبرياء يمنعني اني اعترف لان للاسف مرة اخرى انا الي برجع اتواصل معاه..بحس بحنين و برجع ادور عليه ، انا اكلمه واسأل عليه لانه غالبا مش بيعرف رقمي ، وهو للمرة الثالثة بعد اسبوع او اتنين بيسبني ويختفي..
انا حاليا متقدملي عريس و بدات افكر جديا في موضوع الجواز والاستقرار وكفاية وحدة بقى .
بالنسبة للاوضاع دلوقت الاهتمام بيه راح تلات ارباعه بقى فقط الذكرى .. والذكرى دي هي الي بترجعني ،بصي انا حقولك على الي شاددني ليه انا بحسه ساخن .. وعارفة من جوايا انه هو عايز علاقة حب فقط وده انا متاكدة منه عشان كده مش بتظبط ،و انتي عارفة انثى الثور مش بتدي حاجة في علاقة الا اذا فيه شيء رسمي وخطوات وكده وبتبقى عايزة جواز ولا شيء غير الجواز .. يبقى الموضوع بايظ بايظ اساسا ومنتهي بس هي كده بيبقى عندها امل وعنيدة ومش بتستسلم بسهولة .
الظاهر اني حرتبط للمرة التانية ارتباط تقليدي يعني جواز صالونات ..
سلام عليكم
ياسمين حابه اعرف رايك فى الرجل الدلو من خلال خبرتك عشان انا شفت على قد مالناس بتشكر فيه على قد مابتشتكى منه ممكن تكلمينى عنه !!!!!!!
اهلا سموحة ..
ازيك حببتي ؟
مممم ماليش علاقة عاطفية برجل دلو .. علاقتي بيهم علاقة صداقة ومودة .
على فكرة انا اعرف اتنين من برج الدلو وواحد فيهم اعرفه من زماان والاتنين متجوزين وعندهم ولاد.
الدلو ينفع صديق أو أخ كبير ده الي بحسه ..وكعلاقة عاطفية مجربتش .. بس الي شفته من خلال الملاحظة والكلام .. الاتنين بيحبوا الجنس اوي وبيحبوا الستات وعيونهم زايغة وفيهم خيال جامح ودهاء .
يعني مخهم شغال على طول ماشالله ، ممكن تستعيني بيهم اذا عندك مشكلة . بيحتاجوا صبر لو البنت معاهم في علاقة عاطفية بس لازم تكون صبورة وماتيأسش بسرعة لانه بيحتاج وقت بس بتخرجي بنتيجة .
الاستاذ بلوجاتي متكلم عن الدلو بشكل هايل هاااايل .. مافيش بعد كلامه كلام
.. انتي برج ايه؟
اهلا ياسمين
انا ميزان بس خايفه ادخل فى علاقه مع الدلو عشان كتيييييييييير بيشتكوا من تقلبه ومزاجيته ومش عاوزه اظلم كل الدلو لان فى بنات برده بتشكر فيه بس الاغلبيه بيشتكوا!!! هو بيحاول جدا معايا بس انا موقفه الموضوع ومش راضيه اخد خطوه لقدام عشان ماضيعش وقت من حاجه عارفه انها ممكن تفشل -بناء على تجارب شفتها- مع حد ممكن يخنقنى بعدين انتى ايه رايك؟؟
اهلا ياسموحة ..
بصي انا حديكي مفتاحه بمنتهى البساطة ..
ادخلي معاه في علاقة بس بحزر وخليكي ريلاكس وركزي على الناحية العقليه هو بيحب البنت الي مخها كبير وطموحة وبتحب يكون ليها شخصية وياسلام لو مع ده يجي جمال ورشاقة بتوصل القمة ، يبقى علقيه بيكي وخليكي لطيفة بس باحترام ماتخليهوش ياخد راحته اوي .. بعد فترة من الزمن لما تحسي انه اتعود عليكي .. (اقطعيه )
هو لو حب بنت واعجب بيها وبعدين سابته بيأثر فيه جدا بس بياخد وقت يعني مش على طول لكنه بيرجع .. يبقى خليكي واضحة انك عايزة جواز وركزي على اوضاعه المادية والاجتماعية يعني لو بيدرس وماعندوش شغل .. اشوف انك تصرفي نظر لانه مش حيفكر في الجواز وحيعلقك فقط.
انا اختي دلو ومتجوزة دلو .. هي رشيقة وبتحافظ على رشاقتها وبتدرس وبتشتغل ومخها يوزن بلد وبتعامله باحترام خصوصا انه كان المدير بتاعها .. قعد يحاول معاها سنتين بس هي كانت بتحترمه ومديتلوش مجال يتعدى حدوده بعد سنتين خطبها وهما متجوزين دلوقت ..
كمان عايزة انبهك على نقطة .. لو بتكلميه بيني قدامه انك بتعملي دايت دايما ومش بتاكلي كتير وبتحافظي على رشاقتك دي حاجة بتهم الدلو ولاحظتها في اكتر من 3 رجالة دلو اعرفهم .
وبيني انك اجتماعية وعندك صديقات وبتحبي نوادي الرياضة والشياكة وكده .
لو احتجتي حاجة .. كلميني.
أهلا أخت الايادي الندية انا مريم من المغرب برج الجدي بدي منك مساعدة لقد انهيت علاقتي مع العقرب و تعرفت على رجل برج القوس عايزاك تقولي لي كيف راح اجدب لي و الاشياء اللي بيحبها
ياريت حد يساعدني
اتفضلي
انا عايزه استفسر شىء بخصوص رجل العقرب ممكن
عندى استفسار بخصوص رجل العقرب انا قوس وهو عقرب وبعد فتره ٣ سنين ارتباط سابنى وبقالنا ٥ شهور بعيد عن بعض اعمل ايه مع العلم ان الغلط منه وانا رديت بغلط برده وكرامتى وجعانى مش عارفه ارجع اراى انا محتجاه غى حياتى اعمل ايه
إرسال تعليق